აიონ-ოროსი

ვიკიპედია ხასჷლაშე
გეგნორთი: ნავიგაცია, გორუა
აიონ-ოროსი*
იუნესკოშ მოსოფელიშ მონძალაშ ობიექტი
Athos 1.jpg
ქიანა Flag of Greece.svg საბერძნეთი
ტიპი აკოწყორილი
კრიტერიუმეფი i, ii, iv, v, vi, vii
ერკებული იუნესკოშ ერკებული
რეგიონი** ევროპა
კოორდინატეფი 40°09′26″ ოორ. გ. 24°19′35″ ელ. გ.
კათაფაშ ისტორია
კათაფა 1988 (მა-12 სესია)
ნომერი 454
* ქძ. ინგლ. ჯოხო UNESCO-შ ერკებულს.
** იუნესკოშით კლასიფიცირაფილი რეგიონი.
იუნესკოშ შილა მოსოფელიშ მონძალა
UNESCO, ობიექტი № 454
რუს.ინგლ.ფრ.

აიონ-ოროსი (ბერძ. Hagiom Oros, ახალი ბერძენ. ajon Oros — წიმინდე გვალა), ვარა ათონიჩქონი ბჟაეიოლ საბერძნეთის, ქალკედონიშ ჩქონიშ ბჟაეიოლ გჷშაკინელი. მიშაჭკირილიე ეგეოსიშ ზუღაშა. სიგჷრძა 50 კმ, სიგანა 10 კმ. თიშ ობჟათე-ბჟაეიოლ ნორთის ერხინილიე გვალა ათონი (2033 მ). აიონ-ოროსი კრისტალური ტკილეფით ეგაფილი ჰორსტი რე. გოქუნილიე მაქვისით, ფიჭვიშ, ჭყონიშ დო წიფურიშ ტყალეფით. ჩქონიშ ჯვეში სახენწჷფო რდჷ აქტე. ჯვ. წ. 480 საბერძნეთიშ მეხჷ გჷმოლაშქუაშახ ქსერქსეს აქტეშ ჸალს გოუჭკირჷ თხორილი, ნამუშ ნოქურით ამდღარშახიე წჷმოსქილიდარი. VII—VIII ოშწანურეფს თაქ იჭყაფუ მეხვალახეეფიშ დო უკული ბერ-მალაზონეფიშ დოკვირდაფა დო ომონასტერე კიდანჯუა.

VIII ოშწანურაშ დალიას, ქორთუ მალაზონეფს თაქ მორჩილი ოჸურჩე, „ათო“ დურსხუაფუნა. უკული არაბეფიშ გენთხაფაშ გეშა, აიონ-ოროსი მუსხირენშა გოჩოლერე. მაართა დიდი მონასტერი — „დიდი ლავრა“ თაქ 963 წანას ეიოგჷ ათანასე ათონარქ. ათანასე ათონარიშ ნჯღვერალაშ ბორჯისჷნე დირსხუ მონასტერ ვატოპედიქ დო ათონიშ ივერეფიშ მონასტერქ. ბერძენეფიშ დო ქორთუეფიშ მოხ, თაქ მონასტერეფი დოკიდეს სერბეფქ (ხილანდარი), ბულგარალეფქ (ზოგრაფუ), რუსეფქ (როსიკონი) დო შხვა; XV ოშწანურას აიონ-ოროსის 30 მონასტერი დო 30 ვითოშშახ მალაზონი რდჷ, ოდო 1961 წანას 20 მონასტერი დო 12 ოფუტე (2687 მახორუ).

ბიზანტიაშ იმპერიაშ დონთხაფაშ ხანას, კერზოთ, თესალონიკეშ დონთხაფაშ უკული, (1430) აიონ-ოროსი ოსმალეფქ ქჷდეკინეს დო ირწანური გჷნაგაფურიშ პიჯალათ მონასტერს დუდალაშ დო კულტიშ დუდიშალა ქჷმეჩეს. I საგებიო ლჷმაშ უკული, აიონ-ოროსი საბერძნეთიშ აკოდგინალუაშა (თესალონიკეშ ნომი) მიშელჷ. აიონ-ოროსიშ მონასტერეფშე უმაღალაში იურისდიქციაშ ნება კონსტანტინოპოლიშ პატრიარქიშ ხეს რე, ოდო მონასტერეფც დუდენც თინეფიშჷნე 20 წჷმმარნაფალეფშე აკოდგინელი სხუნუ. ემაჸონაფალი ხეშუულობა ორხველჷ ალათირუათ გჷშაგორილ სხუნუშ 4 მაკათურს დო კათუაშ დუდმახვენჯის — პროტოსის, მიდგაშ ორენჯი რე კარიასი (X ოშწანურაშე).

აიონ-ოროსის ოკულტე არქიტექტურაშო დჷმახასიათაფალიე გულბანდამი სუმაბსიდამი ოხვამეეფი, რჩქვანელობურო ჟირფა ფარდიკარით. მონასტერწკჷმა რე ოტრაპეზეეფი, ოხორინალეფი, სანაკეფი, ბიბლიოთეკა დო ომეურნე ნადგჷმობა; ნამთინე მონასტერც გოსოფური ფრესკეფი, მოზაიკა, ხატეფი, ორქოჭკადუობაშ დო მინანქარიშ საუჯგუშო მინუშეფი რე (არძოშე ორდოიანი XI ოშწანურას ორხველჷ). აიონ-ოროსიშ მონასტერეფიშ დიდფასი არხამა რე 11 ვითოშშახ ხეშნაჭარა (ბერძენული, ქორთული, სლავური), სიგელ-გუჯრეფი დო შხვა დოკუმენტეფი. თე მოღე ოშწანურეფიშ განწხანც იჯილიკუდჷ ნტერეფიშ მუშაკათინიშ გეშა. ბრელი ხეშნაჭარაქ დიქოსჷ ოსმალეთიშ მეხჷ ბერძენეფიშ ერუანულ-გჷმადუდიშალაფარი არყაფაშ ბორჯის 1821—1829 წანეფც. ეკონია ხანს ეჭოფილიე ზჷმეფი აიონ-ოროსიშ არძო ხეშნაჭარაშ ეიოკორცხალო დო თინეფიშ ფოტოპიჯეფიშ გჷნაღალარო.

ათონიშ გვალაშ სუმ გოზჷმილაფამი ანალოგი

რესურსეფი ინტერნეტის[რედაქტირაფა]

ლიტერატურა[რედაქტირაფა]

  • ალექსიძე ა., ქსე, ტ. 1, ხს. 235, ქთ., 1975
  • Кондаков Н. П., Памятники христианского искусства на Афоне, СПб., 1902;
  • Натроев А., Иверский монастырь на Афоне, Тфл., 1909;
  • Успенский П., История Афона, ч. 1—3, К., 1977;
  • Bies J., Mont Athos, P., 1963;
  • Le millenire du mont Sthos, 963—1963, Etudes et melanges, t. 1—2, (Chevetogne), 1963—1964;
  • Sherrard Ph., Athos the mountain of silence, Osf., (Toronto), 1960
გინაჯინუ დაფნიშა
გინაჯინუ დაფნიშა
Commons-logo.svg
ვიკიოწკარუეს? რე ხასჷლა თემაშენ: