კახა ბენდუქიძე
| კახა ბენდუქიძე | |
 კახა ბენდუქიძეშ პორტრეტი, გინოღალირ მუშ კაბინეტის დიღომიშ ოუნივერსიტეტე კამპუსის. მუშ ღურაშ უკულ გიადჷ კახა ბენდუქიძის საუნივერსიტეტო კამპუსი-ქ / ფოტო გინიღჷ გაგა კაპანაძექ | |
| მოღალობა |
ბიზნესმენი, პოლიტიკოსი |
|---|---|
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი | |
| ღურაშ თარიღი |
13 გერგობათუთა 2014 (58 წანერი) |
| ღურაშ აბანი | |
| ალმა-მატერი |
|
| მენოღალობა | |
| ერუანობა |
ქორთუ |
| ალმასქუ |
{{{ალმასქუ}}} |
კახა ბენდუქიძე (დ. 20 პირელი, 1956, ქართი; ღ. 13 გერგობათუთა, 2014, ლონდონი) — ქორთუ სახენწჷფო მოღალე დო ბიზნესმენი, ოჩეჟქიმინჯალე ორგანიზაცია რჩქინაშ ფონდიშ დჷმარსხუაფალი, დუდიშული დო აგრარული უნივერსიტეტეფიშ ომეთოჸუჯე სხუნუშ დუდმახვენჯი. [1] საქორთუოშ თარობაშ კანცელარიაშ ჸოფილ უნჩაში. 2014 წანაშ მესიშე კანადაშ თარობაშ ხუჯიშ მეჩამათ უკრაინაშ ეკონომიკაშ ომინისტრეშ მოხვარაშ ღანკით სპეციალურ სხუნუშ მაკათური. [2]
ბიოგრაფია[რედაქტირაფა | წყუშ რედაქტირაფა]
კახა ბენდუქიძექ დებადჷ 1956 წანაშ 20 პირელს ნოღა ქართის. გათუ ქართიშ 55-ა ოშქაშე სკოლა.
1977 წანას გათუ ქართიშ სახენწჷფო უნივერსიტეტიშ ბიოლოგიაშ ფაკულტეტი. კინ თე წანას ინირიცხჷ მოსკოვიშ სახენწჷფო უნივერსიტეტიშ ასპირანტურას. მოსკოვიშ სახენწჷფო უნივერსიტეტიშ ასპირანტურაშ გათებაშ უკული, 1981 წანას კახა ბენდუქიძექ ხანდა დიჭყჷ დიო მენცარობეფიშ აკადემიაშ მიკროორგანიზმეფიშ ბიოქიმიაშ დო ფიზიოლოგიაშ ინსიტუტის, დო უკული ბიოტექნოლოგიაშ ინსიტუტიშ ლაბორატორიაშ გამგეთ. თიშ რკვიებეფი ფოკუსირაფილი რდჷ გენური ინჟინერიაშ ტექნოლოგიეფიშ დო რეკომბინანტული ვაქცინეფიშ აკოქიმინუას.
1990 წანაშე იჭყანს ომეწარმე საქვარუას დო 1993 წანაშე აქტიურო ქაკათჷ რუსეთიშ ინდუსტირაშ რესტრუქტურიზაციაშ დო კონსოლიდაციაშ პროცესის. 1996 წანას ქჷდარცხუ მონკა ინდუსტირაშ ართ-ართი არძოშე უმოსი დიდი კომპანია - "გოართაფილი მანქანეფიშკიდანჯალაშ ქარხანეფი". თიშ დორცხუაფაშ დღაშე 2004 წანაშახ კახა ბენდუქიძე რდჷ კომპანიაშ დირექტორეფიშ სხუნუშ დუდმახვენჯი დო გენერალური დირექტორი. თიშ ხემანჯღვერობაშ წანეფს "გოართაფილი მანქანეფიშ კიდანჯალაშ ქარხანეფქ" გინირთჷ ინტერნაციონალურ კომპანიათ, ნამდგას მუში ბიზნეს საქვარუა მეჸუნდჷ რუსეთის, უკრაინას, რუმინეთის, ჩეხეთის დო ააშ-ს. კომპანიაქ მუკილჷ ლისტინგი ლონდონიშ ოფონდე ბირჟას.
2004 წანაშ დაჭყაფუს კახა ბენდუქიძექ დეთხიუ აქტიურ ბიზნეს საქვარუას.
2004 წანაშ მესიშახ რდჷ რუსეთიშ მეწარმეეფიშ დო მარეწალეფიშ რსხუშ ვიცე-პრეზიდენტი დო ხემანჯღვერენდჷ გინაგაფალობეფიშ დო ობიუჯეტე კომიტეტის.
2004 წანაშ მანგიშე გინირთჷ საქორთუოშ თარობაშ მაკათურო – ეკონომიკაშ მინისტრო, უკული ეკონომიკური გოვითარაფაშ მინისტრო. 2004 წანაშ ეკონიას თიქ დეშანჷ რეფორმეფიშ კოორდინაციაშ ოკითხეფიშ საქორთუოშ სახენწჷფო მინისტრო. თიშ უშუალო მაკათურობათ გეხორციალჷ ჭყანათელობაშ თხილუაშ, ოფინანსე სექტორიშ, ორთაშობური რესურსეფით რგებაფაშ, ოპიანე-ოლიცენზიე სისტემაშ, ენერგეტიკაშ დო ოჯარალუ მოინალობაშ შანულამ რეფორმეფქ, ხანდებაშ ბაზარიშ დო ოგინაგაფუ სისტემაშ ლიბერალიზაციაქ. გეახალჷ პრივატიზაციაშ პროცესიქ. თის ორხველჷ გახმაურებული ფრაზა - "გჷმიჩამუ ირფელი, სვინდისიშ მოხ".
2008-2009 წანეფს რდჷ საქორთუოშ თარობაშ კანცელარიაშ უნჩაში.
რდჷ ქართიშ დუდიშული უნივერსიტეტიშ დო საქორთუოშ აგრარული უნივერსიტეტიშ ომეთოჸუჯე სხუნშ დუდმახვენჯი.
ღურჷ 2014 წანაშ 13 გერგობათუთას, ლონდონიშ ართ-ართ სასუმაროს, გურიშ უბაღებუობაშ გეშა. თეიშახ კჷნ ოკურნალებერო შვეიცარიაშა რდჷ ულირი.[3]
შვეიცარიას კახა ბენდუქიძე ტანსინთელეშ პრობლემეფიშ მაგვარებელო რდჷ ულირი, მუდგაშ უკულით ექიმქ ფურინუაშ ალობა ქომეჩჷ, მორო, ლონდონშა ინოფურინუაშ უკული, სასუმაროს გლახათ გინირთჷ დო ჭიჭე ხანშა დოღურჷ. [4]
ქრონოლოგია[რედაქტირაფა | წყუშ რედაქტირაფა]
გონათაფა დო ომენცარე მოღალობა[რედაქტირაფა | წყუშ რედაქტირაფა]
- 1977 - გათუ ქართიშ სახენწჷფო უნივერსიტეტიშ ბიოლოგიაშ ფაკულტეტი.
- 1977 - ქენირიცხჷ მოკოვიშ ლომონოსოვიშ ჯოხობაშ უნივერსიტეტიშ ასპირანტურას.
- 1980 - ხანდება დიჭყჷ პუშჩინოს დვალირ მენცარობაშ აკადემიაშ ბიოქიმიაშ დო მიკროორგანიზმეფიშ მენცარული-რკვიეფითი ინსტიტუტიშ უნჩაშ ლაბორანტო.
- 1985 - დუდის ქენუდირთჷ მოსკოვიშ ბიოტექნოლოგიაშ ინტიტუტიშ მოლეკულარული გენეტიკაშ ლაბორატორიას, ნამუსჷთ ხელმანჯღვენდჷ 1990 წანაშახ.
- 2002 - გინირთჷ ეკონომიკაშ უმაღალაში სკოლაშ (მოსკოვი) პროფესორო.
ბიზნეს-საქვარუა[რედაქტირაფა | წყუშ რედაქტირაფა]
- 1988 - ქჷდარცხუ გოართაფა „ბიოპროცესი“.
- 1991-შე - ხემანჯღვერენდჷ ნავთობიშ საკათო ოინვესტიციე-ორეწუალე გოართოიანაფას - „ნიპეკს“-ის.
- 1992 - დუდცს ქენუდირთჷ „პრომტორგბანკიშ“ დირექტორეფიშ სხუნუს.
- 1994 - 1998 - რდჷ გემეფიშიმაკიდალი გოართოიანაფაშ „ალმასიშ“ დირექტორეფიშ სხუნუშ დუდმახვენჯი.
- 1996 – ქჷდარსხუ „გოართინაფილი მანქანეფიშიმაშენებელი ქარხანეფი“
- 1996 - 2000 - რდჷ „გოართოინაფილი მანქანეფიშმაკიდალი ქარხანეფი“–ს დირექტორეფიშ სხუნიშ დუდმახვენჯი დო გენერალური დირექტორი.
- 1996 - 2000 - ხემანჯღვერენდჷ "ურალმაშიშ" დირექტორეფიშ სხუნუს.
- 2000 - დეშანჷ "ურალმაშიშ“ გენერალურ დირექტორო.
- 2004 – გასურუ ბიზნეს საქვარუა.
ოჯარალუ მოინალობა[რედაქტირაფა | წყუშ რედაქტირაფა]
- 2004, 2 მანგი - 15 მანგი - საქორთუოშ ეკონიმიკაშ მინისტრი.
- 2004, 15 კვირკვე - 17 ქირსეთუთა - საქორთუოშ ეკონომიკაშ გოვითარაფაშ მინისტრი.
- 2004, 17 ქირსეთუთა - დეშანჷ საქორთუოშ სახენწჷფო მინისტრო რეფორმეფიშ კოორდინაციაშ ოკითხეფს.
- 2008, 1 ფურთუთა – დეშანჷ საქორთუოშ თარობას კანცელარიაშ უნჩაშო.
რესურსეფი ინტერნეტის[რედაქტირაფა | წყუშ რედაქტირაფა]
- კახა ბენდუქიძეშ ბლოგი
- ინტერვიუ დო ბიოგრაფია Archived 2011-06-16 ვებ-ხასჷლას Wayback Machine.
- კოროცხუაფონი ერკებულიშ ელემენტი
{{ქიანაშ მუნაჩემეფი {{{1}}} | country flaglink2 | variant = | size = | name = | altlink = მორაგბეეფიშ ერუანული ნაკორობა | altvar = rugby }}
- BBC: 'Russian tycoon to reform Georgia' (რუსი ილიგარქი საქორთუოშ რეფორმეფს უხემანჟღვერენს)
- The Economist: 'A different sort of oligarch' (ეკონომისტი: შხვანერი ოლიგარქი)
- How to Cut 909 Licenses to 159 (მუჭო მურკათ 909 ლიცენზიას 159-შახ) Archived 2007-10-06 ვებ-ხასჷლას Wayback Machine.
- OMZ-შ ოფიციალური ვებ ხასჷლა Archived 2014-12-24 ვებ-ხასჷლას Wayback Machine.
- ხასჷლა lib.ge-ს Archived 2010-11-25 ვებ-ხასჷლას Wayback Machine.