კოპენჰაგენი

ვიკიპედიაშე
ნანანოღა
კოპენჰაგენი
København
გერბი
გერბი
ქიანა დანიაშ შილა დანია
ოლქი ჰოვედსტადენი
კომუნა კოპენჰაგენიშ კომუნა
კოორდ. 55°41′13″ ოორ. გ. 12°35′00″ ელ. გ. / 
ნოღაშ მერი ფრანკ იენსენი
დირსხუ 1167
მაართა შინუა XI ოშწანურა
ნანანოღა XIII ოშწანურა  წანაშე
ფართობი 86,40 კმ²
ოფიციალური ნინა დანიური
მახორობა 569 557 კოჩი (2014)
მეჭედალა 6214,7 კოჩი/კმ²
აგლომერაცია 1937 611
ეთნოქორონიმი კოპენჰაგენარი, კოპენჰაგენარეფი
ბორჯიშ ორტყაფუ UTC+1, ზარხულს UTC+2
ოფოსტე ინდექსი 1050–1778, 2100, 2150, 2200, 2300, 2400, 2450
ოფიციალური ვებ-ხასჷლა www.kk.dk

კოპენჰაგენი ორენი დანია

კოპენჰაგენი
კოპენჰაგენი

კოპენჰაგენი (დან. København) დანიაშ ნანანოღა რე დო თაშნეშე თე მუნიციპალიტეტიშ ჯოხო, ნამუსჷთ თინა იდვალუაფუ. 1,116,979 მახორუთ კოპენჰაგენი დანიაშ უდიდაში ნოღა რე.

ნოღაშ ათეხანური დანიური ჯოხოდვალა დუდშეიანი ჯოხოშ Kjøbmandehavn დამახინჯებული ფორმა რე (ჸუნგა 'j' მოგვიანაფათ ეშალაფირქ იჸუ) დო აკმოდირთუ kjøb („იჸიდე“) + mand („კოჩი“) = „კოჩი, ნამუშეთ ჸიდულენქ“, ვარა „ვაჭარი“ დო შედეგო „ვაჭარეფიშ ჸუჯი (ყურე)“; København ირაგადინუაფუ [købm̩ˈhawˀn]. ნოღაშ ოერეფოშქარე გჷმოთქვინუა მუში გერმანული ფორმაშე Kopenhagen მოურს.

კოპენჰაგენი დანიაშ ერუანული პარლამენტიშ, თარობაშ დო მონარქიაშ ბინა რე.

ისტორია[რედაქტირაფა | წყუშ რედაქტირაფა]

კოპენჰაგენი 1885 წანას

კოპენჰაგენიშ აბანს დიო ხოლო XII ოშწანურას ჭიჭე ოფუტე რდჷ, ნამუთ ეპისკოპოს აბესალომქ ჯიხა-სიმანგარაშ ეგაფათ შანულამ გამანგარებულ აბანო გინაშქუ. 1254 წანას კოპენჰაგენქ მაართათ მიღჷ ნოღაშ პრივილეგიეფი. 1416 წანას ერიკ პომერანელქ ნოღა გეჭოფუ, 1433 წანას დორხველ რეზიდენციათ გინაშქუ. გრაფიშ ლჷმაშ ბორჯის 1658-1659 წანეფს კოპენჰაგენქ უმონკაშ ალყას ქუგურზჷ, გერგეზულო დოთხილუ დუდი შვედეფიშე.

1807 წანას ინგლისარეფიშ ბომბუეფქ ნოღა დიდო აზარალჷ.

თეჟამო, ჯვეში ნოგაფეფიშ აბანს ბულვარეფი რე მონწყილი, ასქილადირი რე ხვალე ციტადელი.

ტრანსპორტი[რედაქტირაფა | წყუშ რედაქტირაფა]

ნოღას სახენწჷფოშ დორხველიშ მოხ, რე კომერციული ონიშოლეფი ხოლო.

ამშვი ორკინაშშარე ღოზი ნოღას თელ დანიაწკჷმა მიორცხუანს. ირ დღას ისრულებუ რეისეფი გერმანიაშ, შვედეთიშ, ნორვეგიაშ, საფრანგეთიშ, ინგლისიშ, ამერიკაშ, რუსეთიშ, ბალტიაშ ქიანეფიშ, სქირონაშქა ზუღაშ დო უჩა ზუღაშ ჸურე.

ნოღას რე მეტროპოლიტენი.


რესურსეფი ინტერნეტის[რედაქტირაფა | წყუშ რედაქტირაფა]