კოპენჰაგენი
კოპენჰაგენი (დანიურ København) დანიაშ ნანანოღა რე დო თაშნეშე თე მუნიციპალიტეტიშ ჯოხო, ნამუსუთ მუ იდვალუაფუ. 1,116,979 მახორუთ კოპენჰაგენი დანიაშ უდიდაში ნოღა რე.
ნოღაშ ათეხანური დანიური ჯოხოდვალა დუდშეიანი ჯოხოშ Kjøbmandehavn დამახინჯებული ფორმა რე (ჸუნგა 'j' მოგვიანაფილო ეშალაფირქ იჸუ) დო აკმოდირთუ kjøb ("იჸიდე") + mand ("კოჩი") = "კოჩი, ნამუშეთ ჸიდულენქ," ვარა "ვაჭარი" დო შედეგო "ვაჭარეფიშ ჸუჯი (ყურე)"; København ირაგადინუაფუ [købm̩ˈhawˀn]. ნოღაშ ონაციეფოშქარე გჷმოთქვინუა მუში გერმანული ფორმაშე Kopenhagen მოურს.
კოპენჰაგენი დანიაშ ნაციონალური პარლამენტიშ, თარობაშ დო მონარქიაშ ბინა რე.
[რედაქტირაფა] ისტორია
კოპენჰაგენიშ აბანს დიო ხოლო XII ოშწანურას ჭიჭე ოფუტე რდჷ, ნამუთ ეპისკოპოს აბესალომქ ჯიხა-სიმანგარაშ ეგაფათ შანულამ გამანგარებულ აბანო გინაშქუ. 1254 წანას კოპენჰაგენქ მაართათ მიღჷ ნოღაშ პრივილეგიეფი. 1416 წანას ერიკ პომერანელქ ნოღა გეჭოფუ, 1433 წანას დორხველ რეზიდენციათ გინაშქუ. გრაფიშ ლჷმაშ ბორჯის 1658-1659 წანეფს კოპენჰაგენქ უმონკაშ ალყას ქუგურზჷ, გერგეზულო დოთხილუ დუდი შვედეფიშე.
1807 წანას ინგლისარეფიშ ბომბუეფქ ნოღა დიდო აზარალჷ.
თეჟამო, ჯვეში ნოგაფეფიშ აბანს ბულვარეფი რე მონწყილი, ასქილადირი რე ხვალე ციტადელი.
[რედაქტირაფა] ტრანსპორტი
ნოღას სახენწჷფოშ დორხველიშ მოხ, რე კომერციული ონიშოლეფი ხოლო.
ამშვი ორკინაშშარე ღოზი ნოღას თელ დანიაწკჷმა მიორცხუანს. ირ დღას ისრულებუ რეისეფი გერმანიაშ, შვედეთიშ, ნორვეგიაშ, საფრანგეთიშ, ინგლისიშ, ამერიკაშ, რუსეთიშ, ბალტიაშ ქიანეფიშ, სქირონაშქა ზუღაშ დო უჩა ზუღაშ ჸურე.
ნოღას რე მეტროპოლიტენი.
