მალდივიშ რესპუბლიკა

ვიკიპედია ხასჷლაშე
გეგნორთი: ნავიგაცია, გორუა
მალდივიშ რესპუბლიკა
შილა
გერბი
LocationMaldives.png
Maldives (orthographic projection).svg
ნანანოღა მალე
უდიდაში ნოღა მალე
ოფიციალური ნინა დივეხი
თარობა ოპრეზიდენტე რესპუბლიკა
პრეზიდენტი მოჰამედ ვახიდ ჰასან მანიკი
ფართობი 298 კმ²(186-ა)
მახორობა 395 ვითოში კოჩი (174–ა)
ვალუტა რუფია
ბორჯიში ორტყაფუ UTC +5:00 სთ.
ოინტერნეტე კოდი .mv
ოტელეფონე კოდი +960

მალდივიშ კოკეფი (დივეხურო:ދިވެހިރާއްޖެ), Dhivehi Raa’je), ედომუშამი ჯოხოდვალა მალდივიშ რესპუბლიკა (დივეხურო ދިވެހިރާއްޖޭގެ ޖުމުހޫރިއްޔާ – დივეხი რადიეგე დიუმხურიია) — სახენწჷფო ობჟათე აზიას, მილარე ინდოეთიშ ოკიანეშ ატოლეფიშ ბუნას, ნამუთ ინდოეთშე ობჟათეთ რე.

გეოგრაფია[რედაქტირაფა]

მალდივიშ რესპუბლიკა, ინდოეთიშ ოკიანეშ ეკვატორულ წყარეფს მილარე, შრი-ლანკაშე დოხოლაფირო 700 კმ. ობჟათე–ბჟადალშე. მახორობა – დოხოლაფირო 395 ვითოში კოჩი რე. მალდივიში კოკეფი ვართფერ მაღალს რენა ოკიანეშ დონეშე: ჩქონიშ არძაშ უმოს მაღალი კონკა რე — ობჟათე ატოლი ადუს (გვალა სიენუ) — 2,4 მ. ქიანაშ ოსქირონე ტერიტორიაშ ფართობი — 298 კმ². ნანანოღა მალე — ჩქონიშ ხვალახე ართი ნოღა დო ონიშოლი.

კლიმატი[რედაქტირაფა]

მალდივიშ კოკეფს სუბეკვატორული მუსონური კლიმატი რე. ნთელ წანას ჩხე დო ტიბუ ამინდეფი რე, ჰაერიშ ტემპერატურა +24°–შე 30°–შა რე. ჰაერიშ ტემპრატურა დღას ვედმიკინანს +17 °C–შე თუდო ღურთუთა–ფურთუთას, დო დღას ვეთმიკინანს +32 °C_შე ეშე პირელ–მესის.

წყარიშ რესურსეფი[რედაქტირაფა]

მალდივიშ კოკეფს ირალი მახჷრჩინჷ წყარეფი (წყარმალუეფი) ვარე.

ისტორია[რედაქტირაფა]

მალდივიშ კოკი დოხორინელი რდჷ დრავიდეფით ჟირივითოში წანაშ წოხჷლე — ნამუთ ამდღახუ შრი–ლანკაშ დო ინდოეთიშ ტერიტორიაშე გინორთეს. V—VII ოშწანურეფს კოკეფს არაბეფქ დო სპარსელეფქ გენკორჩქინდეს.

2008 წანაშ გჷმათუთას ეშაგორილქ იჸუ მალდივიშ რესპუბლიკაშ მაართა პრეზიდენტიქ, გიშაგორილქ ოკათე ხონარიშ მეჩამათ, მოჰამედ ნაშიდი.

2012 წანაშ 7 ფურთუთაშ ოპროტესტე აქციეფქ ქიანაშ პრეზიდენტი მოჰამედ ნაშიდი გეგნარინუ.

პოლიტიკური პარტიეფი[რედაქტირაფა]

2009 წანაშ ეშაგორუეფიშ მუნაჩამეფით:

  • ოკათე პარტია — მარჯგვანცენტრისტული, 28 დეპუტატი
  • დემოკრატიული პარტია — ცენტრისტული, 26
  • ოხალხე ალიანსი — 7
  • პარტია დივეხი მუამეე — 2
  • რესპუბლიკური პარტია — 1
  • დუდიშული აბანი — 13 დეპუტატი.

ადმინისტრაციულ–ტერიტორიული დორთუალა[რედაქტირაფა]

მალდივიშ კოკეფი — უნიტარული სახენწჷფო რე. ადმინისტრაციულო ქიანა დორთილი რე 19 კოკეფიშ ბუნათ.

ეკონომიკა[რედაქტირაფა]

ეკონომიკაშ თარი სფერო რე — ტურისტეფიშ მოინალობა დო ჩხომჭოფუა.

ქოქოსი, მალდივიშ კოკიშ ართ-ართი ატოლაშ წყარპიჯის

სიღარიბეშ დონეშ თუდო რე ქიანაშ მახორობაშ 16%(2008 წანას).

ოფოტეშ მეურნობა[რედაქტირაფა]

მალდივის ოფუტეშ მეურნობა დაღარას რე გოვითარაფილი. ოჭკომალი პროდუქტეფიშ უმენტაშ ნორთი იმპორტიშე მოურს. ქიანაშ თარი აბანჸოფილ კულტურა რე — ქოქოსიშ პალმა, ხოლო მოჸუნა ბანანეფი, ორტვინულობა, ხილეულობა, ბატატი, ქობალიშ ჯა. ორინჯის პრაქტიკულო ვედმიჭყანუანა.

დინოხოლენი ვაჭaრუა[რედაქტირაფა]

ექსპორტი — 125 მლნ. დოლარი (2008 წანას) — ჩხომი (70 %) დო ოფოსტე მარკეფი.

თარი მაჸიდეეფი — ტაილანდი 34,5 %, დიდი ბრიტანეთი 13,8 %, საფრანგეთი 12,2 %, იტალია 9 %, შრი-ლანკა 8,5 %.

იმპორტი — 1,2 მილიარდი დოლარი (2008 წანას) — ნავთობპროდუქტეფი, ნიშეფი, მუკაქუნალი, ორეწუე დო ოხვარებელი მეკონ-მოკონი.

თარი მუმაჭირინდაფალეფი — სინგაპური 26,6 %, აას 16,5 %, მალაიზია 9,5 %, ინდოეთი 9,2 %, ტაილანდი 4,7 %.

ტრანსპორტი[რედაქტირაფა]

თარი ოტრანსპორტე საშვალება ერქემი დო მოტორამი ნიშეფი რე. ოღალუეფიშ უმენტაში ნორთი გინმიღალუაფუ ჰიდროფურინჯეფით, ვერტმაფურნჯეფით დო კატერეფით. ომენოღალე ტრანსპორტი მუჭოთ თაში ვაარსებენს. ოავტომობილე ტაქსი (დო შარეფი) ხვალე ნანანოღა მალეს დო კოკა განს რე. კოკეფს შქას გილაფურინუნს აეროტაქსი, მალდივიშ აერო ტაქსი, ფურინჯი.

მახორობა[რედაქტირაფა]

მალე — მალდივიშ კოკეფიშ ნანანოღა

მახორობაშ მუდანობა — 395 ვითოში კოჩი (2011 წანაშ კვირკვეშ მუნაჩემეფით). მალდივიშ კოკეფიშ უმენტაშობა უხორინელი რე.

ნინა[რედაქტირაფა]

ოფიციალური ნინადივეხი, ხოლოს რე სინგალურ ნინაწკჷმა, არაბულიშ დო ინგლისურიშ მიშაკათუათ. ჭარალუა — XVII ოშწანურაშე დირსხუ არაბულ–სპარსულ გრაფიკათ. ქიანაშ მახორობაშ გურაფილ ნორთის არაბული დო ინგლისური ნინეფი უჩქჷნა.

მალდივიური ოზადე[რედაქტირაფა]

მალდივიშ კოკეფიშ ოზადე მერსხილი რე არაბულ დო ინდიურ ოზადეეფწკჷმა. ხშირას ზადუნა შხვადოშხვანერ სახეშ ჩხომიშ პროდუქტეფს, ბრინჯის, ტკბილეულობას, სოუსეფს. მალდივარეფიშ ოჸოროფე ოჭკომალი რე – თინუსი ბრინჯიწკჷმა ართო. დესერტეფი — ქოქოსი არძანერო ზადებული, არეკიშ თხირი, ბრელი ხილეულობა, ხილიშ სალათა, ნამცხვარეფი. პოპულარული ოშუმალი — ჩაი ბჟათ დო ყავა არაბულო.

ფოტოგალერეა[რედაქტირაფა]



რესურსეფი ინტერნეტის[რედაქტირაფა]


wikistub თე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გოფაჩათ.