მორღაშ ტრანზიტი

ვიკიპედიაშე
მორღაშ 2012 წანაშ ტრანზიტიშ გინაჯინუ ოორუე გვერდსფეროშე

მორღაშ ტრანზიტი ბჟაშ ქართაშ მანგას — ჸოფირება, მუჟამცჷთ პლანეტა მორღა მიკურს აიწორო ბჟა დო დიხაუჩა შქას დო ირწყებე ბჟაშ ქართას. ტრანზიტიშ განწხანც, მორღაშ ძირაფა დიხაუჩაშე ჭიჭე უჩა ჭურჭულიშ სახეთ რე შელებუანი, ნამუთ ქართაშ მანგას გჷნმიაბანუაფუ. თეშნერი ტრანზიტეფი მუჭოთ წესინ მუსხირენი საათის იგჷნძორებუ (2012 წანაშ ტრანზიტი 6 საათი დო 40 წუნც მიშჷ). ტრანზიტი თუთაშით ბჟაშ გეუკუმელაფაშ მეთე რე. თიშ უმკუჯინუო, ნამდა მორღაშ დიამეტრი თუთაშე სუმშახ უმოსი რენ, თინა უმოსი ჭიჭეთ რჩქჷ დო უმოსი ნერას გჷნმიაბანუაფუ, რახან დიხაუჩაშე უმოსო რე დოჩილითაფირი, ვინდარო თუთა.

მორღაშ ტრანზიტეფი უვანაფერაშო პროგნოზირაფონ ასტრონომიულ ფენომენეფც შქას რე.[1] ჸოფირება ირი 243 წარმოწანას იმაჟირებუ, 8 წანამ ტკუბა ტრანზიტეფწკჷმა ართო, ნამუეფჷთ გჷშართილიე ხანგინძე, 121,5 დო 105,5 წანამ შვანით. გომაჟირაფონობა მიარსხუაფუ თი ფაქტის, ნამდა დიხაუჩაშ დო მორღაშ ორბიტული პერიოდულობა 8:13 დო 243:395-იშ წოროზჷმონი რე.[2][3]

მორღაშ ბოლო ტრანზიტიქ 2012 წანაშ 5-6 მანგის მოხვადჷ დო თინა ეკონია რდჷ XXI ოშწანურას. წოხოლენი ტრანზიტიქ 2004 წანაშ 8 მანგის მოხვადჷ. უმოსი წოხოლენი ტრანზიტეფიშ ტკუბეფქ 1874 წანაშ დო 1882 წანაშ ქირსეთუთას იფიქსირჷ. 2012 წანაშ გეჸვენჯი ტრანზიტი 2117 წანაშ დო 2125 წანაშ ქირსეთუთას იჸუაფუ.[4][5]

მორღაშ ტრანზიტის ისტორიულო უდიდაშ ომენცარე შანულობა უღუ, რახან თე ჸოფირება მაართა წჷმორინაფეფც აკმოქიმინჷნდჷ ბჟაშ სისტემაშ რეალურო ორჩანიე ზჷმაშენ. 1639 წანაშ ტრანზიტიქ, პარალაქსიშ პრინციპწკჷმა კომბინაციას დოხოლაფირო გოხურგჷ დიხაუჩაშე ბჟაშახ მეძენა, არძო თეიშახ ჸოფილ მუნააზჷრაშე ბრელაშო უმოსი აიწორო. კჷნე თე ბორჯისჷთ, 2012 წანაშ ტრანზიტი მენცარეფშო შხვა მიარე ომენცარე რკვიაშ ღვენას ირზენც, გჷშაკერძაფილო ეგზოპლანეტეფიშ გორუაშო ოხვილური ტექნიკაშ რსულჸოფაშო.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ:
ზოგადი
2012 წანაშ მანგიშ ტრანზიტი

სქოლიო[რედაქტირაფა | წყუშ რედაქტირაფა]

  1. McClure, Bruce (29 May 2012). Everything you need to know: Venus transit on June 5–6. EarthSky. Earthsky communications Inc.. კითხირიშ თარიღი: 02 June 2012.
  2. Langford, Peter M. (September 1998). Transits of Venus. La Société Guernesiaise Astronomy Section web site. Astronomical Society of the Channel Island of Guernsey. კითხირიშ თარიღი: 2012-03-01.
  3. Shortt, David (2012-05-22). Some Details About Transits of Venus. Planetary Society web site. The Planetary Society. კითხირიშ თარიღი: 2012-05-22.
  4. Westfall, John E. (November 2003). June 8, 2004: The Transit of Venus. დოარქივაფილი რე ორიგინალშე August 8, 2007-ს. კითხირიშ თარიღი: 25 September 2006.
  5. Westfall, John E.. June 8, 2004: The Transit of Venus. alpo-astronomy.org. კითხირიშ თარიღი: 08 December 2009.