პაკისტანი

პალისტანიში ისლამური რესპუბლიკა
შილა	გერბი
ნანანოღა	ისლამაბადი
უდიდაში ნოღეფი	კარაჩი, ლახორი, ფეისალაბადი
ოფიციალური ნინეფი	ურდუ, ინგლისური
თარობა	ისლამური რესპუბლიკა
პრეზიდენტი	ზარდარი ასიფი ალი
პრ.მინისტრი	გილანი იუსუფი რეზა
ფართობი	803 940 კმ²(35-ა)
მახორობა	187 342 721 (მა-6)
ვალუტა	პაკისტანური რუპია
ქიანაშ კოდი	PAK
ოინტერნეტე კოდი	.pk
ოტელეფონე კოდი	+92

პაკისტანი  — შანენს «სუფთეფიში დიხა»-ს, ედომშამი ჯოხოდვალა — პაკისტანიშ ისლამური რესპუბლიკა (سلامی جمہوریہ پاکِستان, ისლამი ჯუმხურიიე პაკისტან) — სახენწჷფო ობჟათე აზიას. პაკისტნქ დირსხუ 1947 წანას, ბრიტანეთიშ ინდოეთიშ ტერიტორიაშ დორთუალაშ შედეგო .

ბჟაეიოლშე ომძღჷ არაბეთიშ ზუღა, ობჟათე–ბჟადალშე ოთანჯჷ ირანს, ავღანეთის ოორუე–ბჟადალშე დო ოორუეშე, ჩინეთის ოორუე–ბჟაეიოლით დო ინდოეთის ბჟაეიოლშე ოთანჯჷ. ოსქირონე თანჯეფი: ინდოეთი — 2912 კმ, ავღანეთი — 2430 კმ, ირანი — 909 კმ, ჩინეთი — 523 კმ.

მახორობათ ქიანას მაამშვა აბანი უკინებუ 187 342 721 ანთას კოჩით. ინდონეზიაშ უკული, ქიანას მაჟია აბანი უკინებუ მუსულმანი მახორობუში სიდიდათ (დოხოლაფირო 180 მილიონი კოჩი). პაკისტანი რე გაეროშ, ნაციეფიშ ომაჸალეშ, საგებიოშ ვაჭრუაშ ორგანიზაციაშ მაკათური.

გეოგრაფია

პაკისტანი მილარე ობჟათე აზიაშ ოორუე–ბჟაეიოლს, ოორუე–ბჟადალშე ოორუე–ბჟეიოლშა 1500 კილომოერტის რე გინოზინდილი. პაკისტანს სქირე კონტინენტალური ტროპიკული კლიმატი რე. ქიანაში ოორუე–ბჟადალს – სუბტროპიკული, ოორუე გვალეფს – სილამე რე. ქიანაშ რზენს ზოთონჯი ტიბუე (+12–+46 °C, წყარპიჯის +20 °C–შ რე), მაღალ გვალეფს — ჸინჩი რე (−20 °C–შახ). ზარხული ჩხე რე (ტიოზის +35 °C, წყარპიჯის +29 °C), მაღალ გვალეფს — ჸინჩი რე (5000–შ მეტრაშე მეტ სიმაღალაშ გვალეფს — 0 °C–ს თუდო რე). უმაღალაში კოკეფი (მ) – ჩოგორი (K2) 8.611, ნანგა პარბატი 8.125, გაშერბრუმი 8.068, ბროუდ-პიკი 8.047; წყარმალუეფი (კმ) – ინდი 2.200 (გვალე 3.180), სათლეჯი 1.450, ჩენაბი 1.200; ტობა - ტარბელაშ წყაროჩუე. 250 კვ.კმ; კლიმატი - სქირე, კონტინენტური.

რესურსეფი ინტერნეტის

• ოფიციალური ვებ–ხასჷლა
• Key Development Forecasts for Pakistan from International Futures]