არაბეთიშ ზუღა

ვიკიპედიაშე
არაბეთიშ ზუღა
კოლვაშ პლაჟი. გოა, ინდოეთი

არაბეთიშ ზუღა (არაბ. بحر العرب‎) — წჷმარინუანს ინდოეთიშ ოკიანეშ ნორთის. ომძღჷ: ბჟაეიოლშე — ინდოეთი, ოორუეშე — პაკისტანი დო ირანი, ბჟადალშე — არაბეთიშ ჩქონი. ზუღაშ ჯვეში ჯოხოდვალა რე სინდჰიშ ზუღა დო ერითრეაშ ზუღა.

არაბეთიშ ზუღაშ ჟიპიჯიშ ფართობი რე 3,862,000 კმ.კვ. მაქსიმალური სიგანა აკმადგინანს 2,400 კმ-ს, მაქსიმალური სიტომბა 4,652 მეტრას. არძაშე დიდი წყარმალუ, ნამუთ თე ზუღას აკათუ, რე ინდი. შხვა დიდი წყარმალუეფი რე: ნეტრავატჰი, შარავატჰი, ნარმადა, ტაპტი, მაჰი დო ინდოეთიშ შტატ კერალაშ შხვა ანდა წყარმალუ.

არაბეთიშ ზუღა იკათუანს ჟირ ნიშულამ ნოჸელას — ოორუე-ბჟადალშე ადენიშ ჸუჯის, ნამუთ მუშ განშე ბაბ-ელ-მანდეფიშ საროტით მერსხუაფილი რე ჭითა ზუღაწკჷმა დო ოორუ-ბჟადალშე ომანიშ ჸუჯის, ნამუთ მუშ განშე მერსხუაფილი რე სპარსეთიშ ჸუჯიწკჷმა.

არაბეთიშ ზუღაშ უდიდაში კოკეფი რე სოკოტრა (აფრიკაშ ქაწკჷმა), მასირა (ომანიშ წყარპიჯიწკჷმა'), თაშნეშე ლაქშადვიპიშ არქიპელაგი ინდოეთიშ წყარპიჯიწკჷმა.

ზუღაშ წყარპიჯიწკჷმა იდვალუაფუ სახენწჷფოეფი: სომალი, ჯიბუტი, იემენი, ომანი, ირანი, პაკისტანი, ინდოეთი დო მალდივიშ კოკეფი.

რესურსეფი ინტერნეტის[რედაქტირაფა | წყუშ რედაქტირაფა]