სილჰეტური ნინა

სილჰეტური ნინა সিলটী Silôţi
გოფაჩილი რე	ბანგლადეში სილჰეტიშ რეგიონი ინდოეთი ასამი ტრიპურა
მორაგადეეფიშ მუდანობა	10 300 000^[1]
ლინგვისტური კლასიფიკაცია	ევრაზიაშ ნინეფი ინდოევროპული ფანია ინდოირანული ჸა ინდოარიული ჸა ბენგალურ-ასამური ბუნა
ჭარალუაშ სისტემა	ბჟაეიოლური ნაგარი, სილჰეტი-ნაგარი
ნინაშ კოდეფი	syl
რუკა

სილჰეტური ნინა (სილჰეტი, სილოტი; სილჰ. সিলটী Silôţi, ბენგ. সিলেটী Sileţi) — ბჟაეიოლ ინდოარიულ ნინეფშე ართ-ართი. მოდვალირი რე ბანგლადეშიშ ოორუე-ბჟაეიოლშე სილჰეტიშ რეგიონს, თაშნეშე ინდოეთიშ ასამიშ დო ტრიპურაშ შტატეფიშ მოხურგე რაიონეფს. თაშნეშე მუსხრენი მორაგადე რე ინდოეთიშ ოორუე-ბჟაეიოლიშ შხვა რაიონეფს, თაშნეშე ემიგრანტეფს შქას გოართოიანაფილ ომაფეს, ააშ-ს დო შხვა ქიანას. გიშაკერზაფილო ფართას რე მოდვალირი, ისტორიული რაიონიშ ხურგეფს გალე, გოართოიანაფილი ომაფეშ ბანგლადეშურ დიასპორეფს, ნამუშ დოხოლაფირო 95% სილჰეტურ ნინაშა რაგადანს. მორაგადეეფიშ მუდანობა დოხოლაფირო 10 მილიონი ადამიერი რე, თინეფშე 7 მილიონი — ხვალე ბანგლადეშის.

კანკალეშა სილჰეტური ნინა გითმისხუნუ მუჭოთ ბენგალური ნინაშ დიალექტი, მუჟანსჷთ სილჰეტურს არგამათ უღჷ გინორთი ბენგალურშე დო პრაქტიკულო ვაუღჷ თიწკჷმა ურთიართრსხუ. რანწკი ანდეფი უღჷ ასამურ ნინაწკჷმა. სილჰეტურ ნინაშა მორაგადეეფს უჩქჷნა ბენგალურით, ნამუთ ფართოთ გჷმირინუაფუ გონათუას დო მასმედიას.

ისტორიულო, ნინაშ ოჭარალეთ გიმირინუაფუდჷ სილჰეტი-ნაგარი, ნამუთ მოგენს ქაითიშ ჭარალუას. ასეშო გჷმირინუაფუ ბენგალური ჭარალუა. ნინაშ მორაგადეეფს შქას ჭარუა-კითხირიშ რჩქინა ძალამ დაბალი რე. XX ოშწანურაშ 1970-იან — 1980-იან წანეფს, რანწკი კომპანიეფი მიშჷ სილჰეტური ნინაშ აღიარაფაშენ, მარა თინეფს მუთუნნერ წჷმოძინაშა ვემუჭირინუაფჷნა.