სტამბოლი

ვიკიპედია ხასჷლაშე
გეგნორთი: ნავიგაცია, გორუა
გალათაშ გინაჯინუ
იუნესკოშ შილა მოსოფელიშ მონძალა
UNESCO, ობიექტი № 356
რუს.ინგლ.ფრ.

სტამბოლი (თურქ. İstanbul) თურქეთიშ არძაშე უკაბეტაშ ნოღა რე. აშაძჷ ბოსფორიშ საროტის ონიშოლწკჷმა „ორქოშ რქა“ (თურქ. Haliç), ქიანაშ ოორუე-ბჟადაალშე. ოფიციალურო მუჭოთ თეშინ, სტამბოლი ევროპული ნოღათ იშინუაფუ, შილებე მუშ კჷნოხონ კონსტანტინოპოლიშ, ელახ რომიშ იმპერიაშ ნანანოღაშ გეშა. 200 წანაშ ეკოროცხუათ ნოღაშ მახორობა რდჷ 8.803.468 კოჩი (10.018.735 აგლომერაციას). სტამბოლი ევროპაშ არძაშე უკაბეტაშ ნოღეფს შქას რე. ნოღაშ გეოგრაფიული კოორდინატეფი რე 41° N 28° E. სტამბოლი რე სტამბოლიშ პროვინციაშ ნანანოღა.

ბერძენი კოლონისტეფიშ მაართა ოხორექ ბიზანტიური ჯოხო, მუნეფიშ ლიდერი მეგარელი ბიზაშე მიღ. ახ.წ. 324 წანას თიქ ელახ რომიშ იმპერიაშ ნანანოღათ გინართინუ იმპერატორი კონსტანტინე დიდიქ. ბიზანტიუმს ნოვა-რომა ქიგიოდვეს, მარა თაქიან მახორუეფს თე ჯოხოქ ვამოხვადეს ჸუჯის ჯგირო დო ნოღაქ მალას ჩინებულქ იჸუ, მუჭოთ კონსტანტინოპოლი -„კონსტანტინეშ ნოღა.“ რომიშ დო ბჟადაალ რომიშ იმპერიაშ დონთხაფაშ უკული კონსტანტინოპოლქ გინირთჷ ბიზანტიაშ იმპერიაშ ნანანოღათ. ბიზანტია კულტურულო ბერძნული იმპერია რდჷ დო ბერძნული ორთოდოქსული ქირსიანობაშ ცენტრო გინირთჷ რომშე მოსოფუაშ უკული. თე ბორჯეფს იკიდუ თაქ ბრელი ოხვამე დო მონასტერქ, ართ-ართი რე - აია სოფია. კონსტანტინოპოლიშ პატრიარქიშ, ბერძნული ორთოდოქსული ეკლესიაშ შურიელი ლიდერიშ ხვისტა ამდღარშახ სტამბოლს სქიდუ.

1453 წანას კონსტანტინოპოლი ოსმალეფიშ იმპერიაქ გეჭოფუ დო მალას თე იმპერიაშ ნანანოღათ გინირთჷ. ეჭოფუაშახ თურქეფი ნოღას სტამბოლს უძახჷდეს, მარა ოფიციალურო ქუსტანტანია ( القسطنطنية ) გჷმირინუაფუდჷ, მუთ არაბულო „კონსტანტინეშ ნოღას ჯოხოდ. ნოღას ოფიციალურო სტამბოლქ 1930 წანაშ 28 მარტის გიადუ.

ეტიმოლოგია

ამდღა თურქული ჯოხო რე İstanbul (ისტანბული). ჯოხოქ მორთ ბერძნული ფრაზაშე „εἰς τὴν Πόλιν“ (ისტიმ ბოლინ), ეგურ დიალექტშა „εἰς τὰν Πόλιν“ (ისტამ ბოლინი), მუთ „ნოღას,“ „ნოღაშა,“ ვარ და „ნოღაშ ცენტრის.“

ნოღაშ მაართა ჩინებული ჯოხო რე ბიზანტი. 330 წანაშ 11 მესის რომაარი იმპერატორქ კონსტანტინე I-ქ ნოღა ელახ რომიშ იმპერიაშ ნოღათ გინაშქუ დო თის ნოვა რომა (რუმ. Nova Roma — „ახალ რომი“) ქიგიოდუ.

რესურსეფი ინტერნეტის[რედაქტირაფა]


wikistub თე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გოფაჩათ.