დინორეშა გინულა

Pink Floyd

ვიკიპედიაშე
(გინოწურაფილი რე ფინქ ფლოიდი-შე)
პინქ ფლოიდი
Pink Floyd
პინკ ფლოიდიშ კლასიკური ოთხური. საათიშ საგანიშ წურაფათ (ჟილენი კვარჩხანი ჸურეშე): როჯერ უოტერსი, დევიდ გოლმორი, რიჩარდ რაიტი, ნიკ მეისონი
პინკ ფლოიდიშ კლასიკური ოთხური. საათიშ საგანიშ წურაფათ (ჟილენი კვარჩხანი ჸურეშე): როჯერ უოტერსი, დევიდ გოლმორი, რიჩარდ რაიტი, ნიკ მეისონი
ბიოგრაფია
თაშნეშე ჩინებული
მუჭოთ		Sigma 6, The Tea Set, The Pink Floyd Sound, The Pink Floyd, The Floyd
ჟანრ(ეფ)იპროგრესული როკი
ფსიქოდელიური როკი
ობირეში ხონარი{{{ობირეში ხონარი}}}
აქტიური1965 (1965)–1996
გოართოიანაფა: 2005
ლეიბლ(ეფ)იEMI, Harvest, Capitol, Tower, Columbia
ვებ-ხასჷლაwww.pinkfloyd.com
ჸოფილი მაკათურეფი
სიდ ბარეტი
ბობ კლოუზი
ნიკ მეისონი
როჯერ უოტერსი
რიჩარდ რაიტი
დევიდ გილმორი

პინქ ფლოიდი (ინგლ. Pink Floyd) — ინგლისური როკ-ბუნა, ნამუქჷთ უდიდაშ წჷმოძინას მიოჭირინუ მოსოფელიშ მასშტაბით ფსიქოდელიურ დო პროგრესულ მუსიკას. თინეფიშ ნახანდეფი გჷშაგორილი რე ფილოსოფიური ლირიკათ, სიმსობურ ექსპერიმენტეფით, ალბომეფიშ ინოვაციური კაბრეფით დო ოკონცერტე გჷშულეფიშ ელმაჸუნე ფერუან შოუეფით, სოდეთ თვითან მარსულებერეფი, ჯინჯიერო, მაჟირახარისხამეფი ორდეს. პინქ ფლოიდი მუსიკაშ ისტორიას ართ-ართი არძოშე წჷმოძინელი როკ-ბუნა რე. თინეფს ედომუშამ მოსოფელს გიმოჩამილი აფუნა 200 მილიონშე უმოსი ალბომი, თაჸურეშე 74,5 მილიონი ხვალე ააშ -ს. 1996 წანას ბუნაქ მიშაჸონაფილქ იჸუ როკ-ენ-როლიშ დიდებაშ დარბაზიშა დო მოსოფელს კჷნე დიდი წჷმოძინათ რგებაფულენს.

დუდშე ბუნაშა მიშმეშეს უნივერსიტეტიშ სტუდენტეფი: როჯერ უოტერსი, ნიკ მეისონი, რიჩარდ რაიტი დო სიდ ბარეტი. დირსხუ 1965 წანას დო გვიან 1960-ამეფს პოპულარულო გჷნირთჷ ლონდონიშ ანდერგრაუნდის გჷშულეფით. ბარეტიშ ლიდერობათ, თინეფქ გჷშაშქვეს მაართა ჟირი სინგლი – „Arnold Layne“, „See Emily Play“ დო წჷმოძინელი ოდებიუტე ალბომი The Piper at the Gates of Dawn (1967). გიტარისტი დო ვოკალისტი დევიდ გილმორქ პინქ ფლოიდის სიდ ბარეტიშ ულაშახ მუსხირენი თუთათ ორდო ახოლჷ. ბარეტიშ ულაშ ბაძაძი თიში გაუფრაშებული ჰონიობურ დგომარება რდჷ. ბირეფიშ თარი ავტორიშ ულაშ უკული, ჯინჯიერო დო კონცეფციეფიშ ავტორო როჯერ უოტერსიქ გჷნირთჷ, გიტარისტო დო მაჟირა ვოკალისტო - დევიდ გილმორქ. თე აკოდგინალუათ პინქ ფლოიდიქ მოსოფელიშ მასშტაბიშ წჷმოძინას მიოჭირინუ, ჯინჯიერო ალბომეფით The Dark Side of the Moon, Wish You Were Here, Animals დო როკ-ოპერაშ მეთე The Wall-ით.

რაიტიქ ბუნა 1979 წანას ქჷდიტუ, უოტერსიქ − 1985 წანას, მარა გილმორქ დო მეისონქ (მოგვიანაფილო რაიტიშ დორთაშ უკული) გაგჷნძორეს ალბომეფიშ დინოჭარუა დო ოკონცერტე ტურნეეფი. თინეფი პინქ ფლოიდიშ ჯოხოთ გჷშმეშეს, მუდგაშ გეშათ უოტერსიქ ჸოფილი კოლეგეფიშ მეხჷ სასამართოს იჩიულჷ, მარა განჩინებაქ თიშ მეხჷ იჸუ გიშაღალირქ – დედასურჷ, ნამუდა თინეფს უღუდეს ბუნაშ ჯოხოშ გჷმორინაფაშ ნება. თეშ უკული, პინქ ფლოიდიქ ხოლო ჟირი ალბომი გჷშაშქჷ – A Momentary Lapse of Reason დო The Division Bell. 24 წანაშ უკული, 2005 წანას ბუნაშ ოთხკოჩამ აკოდგინალუაქ გეკინწყუ ხვალე ართი კონცერტიშო, „Live 8“. რაიტიშ ღურაშ უკული, ბუნაშ დოსქილადირი მაკათურეფქ, უოტერსიქ, გილმორქ დო მეისონქ ართიანს აკოხვადეს როჯერიშ ტურნეს The Wall Live ფარგალეფს, 2011 წანაშ 12 მესის ლონდონიშ დარბაზის O2 მანჯებულ კონცერტის, სოდეთ გილმორქ იბირჷ „Comfortably Numb“ დო მეისონქ შხვეფს ახოლჷ ბირაშ „Outside the Wall“ რსულებაშვანს.

დორსხუაფა დო მაართა წანეფი (1963-1967)

[რედაქტირაფა | წყუშ რედაქტირაფა]

ოჭყაფუეფი

[რედაქტირაფა | წყუშ რედაქტირაფა]

როჯერ უოტერსიქ დო ნიკ მეისონქ ართიანი, ლონდონს, რიჯენტ სტრიტიშ პოლიტექნიკურ უნივერსიტეტის გურაფაშვანს გეჩინებაფეს.[1] თინეფქ ქახოლეს ბუნას, ნამუსჷთ კით ნოუბლი დო კლაივ მეტკალფი მიოგანდესჷნ, ოდო ნოუბლიშ და, შილა თე ბუნას ვოკალისტი რდჷ. მოგვიანაფილო ბუნას გჷმორჩქინდჷ ხოლო ართი მაჸალე სტუდენტიქ, რიჩარდ რაიტიქ დო კოლექტივქ გჷნირთჷ სექსტეტო, ნამუსჷთ „Sigma 6“-იქ გიადჷ. თენა რდჷ მაართა ბუნა, სოდეთ უოტერსი მაჸონაფალ გიტარას, რაიტი - რითმულ გიტარას, ოდო მეისონი - გიოშქუმალარეფს მიოგანდჷნ.[2] თინეფწკჷმა ართო გჷშმეშჷ რაიტიშ მაჸალე ცირა ხოლო. თინეფი მიოგანდეს „The Searchers“-იშ ბირეფიშ დორხველ ვერსიეფს დო მაჸალეშ, კენ ჩეპმენიშით ჭარილ მოღეს. ჩეპმენქ კუნტახანით თინეფიშ მენეჯერო დო ბირეფიშ ავტორო გჷნირთჷ.[3]

1963 წანაშ ეკენიას უოტერსიქ დო მეისონქ ქჷდიხორეს სტენჰოუპ გარდენზიშ რაიონს, მაიკ ლეონარდიშ ბინას. თინა პოლიტექნიკურ უნივერსიტეტის გვერდი გუნაკვათაშა მუშენდჷ. ლეონარდი რდჷ განათებაშ ტექნიკაშ (ჯინჯიერო, პროეცირაფონ სინთეეფიშ) დიზაინერი დო გარკვიულ პერიოდიშ მეძენას ბოშეფწკჷმა ართო კლავიშამ ინსტრუმენტეფსჷთ მიოგანდჷ. [4] მეისონქ მოგვიანაფილო ოხორინალო შხვადო გჷნილჷ, ოდო ლეონარდიშ ბინას ახალი სახექ, ბობ კლოუზიქ გამუკორჩქინდჷ. „Sigma 6“ ითირანდჷ ჯოხოეფს. თენერეფი რდჷ: „The Meggadeaths“ [nb 1] „The (Screaming) Abdabs“,[nb 2] „Leonard's Lodgers“, დო „The Spectrum Five“, ოდო საბოლა ჯოხო „The Tea Set“ რდჷ.[nb 3][11][12] მეტკალფიქ დო ნოუბლიქ უკულნეშის დორხველი ბუნა ქჷდარსხის[13] დო 1964 წანას უოტერსწკჷმა დო კლოუზწკჷმა ართო ქჷდიხორჷ სიდ ბარეტიქ.[13] 17 წანერ ბარეტიქ[14] ლონდონშა 1963 წანაშ დამორჩილს მორთჷ, კემბერუელიშ ხელუანობაშ კოლეჯიშა ოგურაფალო.[15] უოტერსის თინა ბაღანობაშე იჩინენდჷ, თი ბორჯიშე, მუჟამცჷთ ბას-გიტარისტი შხირას გილეშჷ თიწკჷმა სუმარონ.[16] მუში ავტობიოგრაფიულ წინგის ნიკ მეისონი ჭარუნს: „თიწკჷმა, მუჟამცჷთ არძო ინდივიდუალური მანერათ გჷმოხანტჷნდჷ მანგარ ბოშისჷნ, სიდი ვამოდურო მაჸალური რდჷ; კარაკანო ფშჷ ჩქინი მაართა აკოხვალამა, მუჟამცჷთ თინაქ მაართათ მუმახოლჷ დო გომიჩინებაფუნ.“[15]

ახალი ჟურნალიშ IT  პრეზენტაციაშ მაჟირა ონჯუას პოპ ბუნა პინქ ფლოიდი მიოგანდჷ პულსირუან მუსიკას მერეთი ფერუან ფორმეფით, ნამუეფით ანათენდეს თინეფიშ უკოხოლე გემონტაჟაფილ დიდ ეკრანს. მიდგარენქ ღოლუ ჟელეშ თელი ხორგა, ნამუთ კათაქ შქასერს მილეჭკუმუ, ოდო შხვაქ მოტოციკლი ბონას დარბაზიშ შქაგურს ქიგიორინუ. ირფელი მუშო ოკო რაგადი, ძალამ ფსიქოდელიურო ირწყებედჷ.
„The Sunday Times“[17]

თიშ უკული, მუთ „The Tea Set“-იქ მიოდინუ ნოუბლიშ დო მეტკალფიშ ვოკალური შელებეფინ, კლოუზიქ ბუნას წჷმურინუ კრის დენისი, ომაფე ოჰაერე ძალეფიშ ტექნიკოსი.[18] წორას დენისიშ პერიოდის გიადჷ ბუნას „The Pink Floyd Sound“. ბარეტიქ თე ჯოხო დუდო გიშეგორჷ, მუჟამცჷთ კილაძირჷ, ნამუდა ართ-ართი კოლექტივს, მისჷთ თინეფიშ კონცერტეფშა გიშულა ხოლო ულამუდჷნ, უკვე გიოძჷდჷ „The Tea Set“. საბოლათ, ახალი ბუნაშ აკმადგინალი ზიტყვეფქ ეჭოფილქ იჸუ პინქ ანდერსონიშ დო ფლოიდ კაუნსილიშ, ჟირი ბლუზ-მუსიკოსიშ ჯოხოეფშე.[19] თე პერიოდისჷნე დენისიქ ომუშებელო ბაჰრეინშა იჸუ გინოჸონაფილქ დო ოთხურს მაჸონაფალ როლქ ბარეტის მიაჩჷ.[18]

1964 წანაშ ქირსეთუთას ბუნა მაართათ მუშენდჷ სტუდიას, რაიტიშ უმუშო, მით თე ბორჯის გურაფაშე ისვანჯუდჷნ. თიშ უმუკუჯინუო, ნამუდა ართ-ართი მაჸალექ თინეფს სტუდია რსულაშო უფასოთ მიარზუნ, თინეფქ ბჟადალ ჰემპსტედიშ ნაქირებუ ართ-ართი სტუდიასჷთ გამუკორჩქინდეს. ქინიჭარჷ ოთხი ბირაქ − რითმ-ენდ-ბლუზიშ კლასიკათ გინორთელი „I'm A King Bee“, სიდ ბარეტიშ ჟირი ოავტორე კომპოზიციაქ: „Butterfly“ დო „Lucy Leave“, დო „Double O Bo“, ბუნაშ კომპოზიციაქ, ნამუთ, მეისონიშ ალებათ, ისიმედჷ მუჭოთ „ბო დიდლი“ აგენტ 007-იშ თემათ.[20]

ლონდონს „The Pink Floyd Sound“ გჷნირთჷ კენსინგტონ-სტრითის დვალირი კლუბიშ „Countdown“ აბანობურ ბუნათ. გვიანი სერშე ოჭუმარეშა თინეფი მიოგანდეს სუმ 90 წუნამ პროგრამას. მეისონიშ ალებათ, თე პერიოდიქ ეიშანჷ თი მეგორაფათ, ნამუდა ბირეფიშ გაფართანაფა თინეფიშ ხანგინძე სოლოეფით შილებედჷ.[21] მალას თინეფქ ITV-იშ გჷნოჩამაშ „Ready Steady Go!“ ფარგალეფს მანჯებულ სპეციალურ კონკურსის გიმორძგვეს. წჷმოძინა იღვენუ კოლექტივიშ გჷშულაქ ხოლო ართ კლუბის. „The Pink Floyd Sound-იქ“ ხოლო ჟირ როკ-კონკურსის გიმორძგჷ. მუმაშ ჟინჭირაშ დო კოლეჯიშ ლექტორეფიშ ზუკოლით, ბობ კლოუზიქ 1966 წანას ქჷდიტუ ბუნა.[22] ბარეტიქ გჷნილჷ მაჸონაფალ გიტარაშა.[23] „The Pink Floyd Sound“ ჯინჯიერო რითმ-ენდ-ბლუზიშ სტანდარტულ ნომერეფს მიოგანდჷ დო გჷშმეშჷ შხვადოშხვა შანულამ კლუბის, მუნერით რდჷ „Marquee“. 1966 წანაშ მელახის თინეფი თექ პიტერ ჯენერქ, ლონდონიშ ეკონომიკური სკოლაშ ლექტორქ მოსანჭჷ. თიშ ინოხ დიდი ინნახანტა მახვამილეს ბარეტიშ დო რაიტიშით კონცერტის ებირაფილ ხონარიელ ეფექტეფქ [24] დო თიქ, მუში ბიზნეს-პარტნიორ დო მაჸალე ენდრიუ კინგწკჷმა ართო, თინეფიშ მენეჯერო გჷნირთჷ.[25] თიშ უმუკუჯინუო, ნამუდა ჭკობას მუსიკალურ ინდუსტრიას მორჩილ გომორსილობა უღუდჷნ, თინეფქ გარკვიულ თანხეფით ქჷდარსხის კომპანია „Blackhill Enterprises“ დო ქიჸიდეს ბუნაშო ახალი ინსტრუმენტეფი დო ტექნიკა, თინეფ შქას - Selmer-იშ ხონარამ სისტემა.[26] თინეფიშ ხემანჯღვერობათ, თინერ აბანეფს, მუნერით რდჷ „არძო წიმინდეშ დარბაზი“ დო „Marquee“, ბუნაქ გჷნირთჷ ლონდონიშ ანდერგრაუნდული სცენაშ ნორთო.[27] კლუბის „Countdown“ თინეფს მუკმოჸუნდეს ექსპერიმენტეფი ფირჩა კომპოზიციეფწკჷმა დო დასაბაღას პრიმიტიული, მარა ვიზუალურო ეფექტური ფერუან შოუ ხოლო ქიგეუძინეს, ნამუთ იქიმინუდჷ კიდალას პროეცირაფილ სლაიდეფით დო აბანობურ განათებაშ სისტემეფით.[28] ლონდონიშ დუდიშული სკოლაშით დორსხუაფილი ჟურნალიშ „International Times“ პრეზენტაციაშ დღას, ლონდონიშ რაუნდჰაუსის თინეფქ გჷშართეს 2000 მაჯინეშ წოხოლე. კონცერტის ორსუდეს თინერი პიჯეფი, მუნერეფით ორდეს ალექსანდრე ტროჩი, პოლ მაკ-კარტნი დო მერიან ფეითფული.[29] ჯენერიშ დო კინგიშ შხვადოშხვა სოციალურ ფინაწკჷმა კონტაქტიშ მოხვარათ, „The Pink Floyd Sound“ ფირჩას იჸუ გოსხუნილქ გჷმოჩამეფს „The Financial Times“ დო „The Sunday Times“.[30]

ბუნაშ ურთიართალაქ „Blackhill Enterprises-წკჷმა“ გენძალიერჷ, მუჟამცჷთ თინეფქ რსულჸოფილ პარტნიორეფო გჷნირთესჷნ. კონტრაქტიშ ირი განი (წჷმმარინაფალი) მინჯენდჷ თიშ 1/6 ნორთის.[31] 1966 წანაშ გჷმათუთაშო ბუნაშ ოკონცერტე პროგრამა უმოსო დორხველი მოღეეფშე აკმოდირთუდჷ.[32] თინეფი გჷშმეშეს სახენწჷფო უნივერსიტეტიშ მანგურ აბანეფს [33], მარა უმოსი დიდი მასშტაბეფით ჩინებულეფი ვა რდეს. კათოლიკურ ახალნორდულ კლუბის გეგმელი რდჷ თინეფიშ გჷშულა, მარა კლუბიშ მინჯექ უვარუ თინეფს დო მაგისტრატეფქჷთ ქჷდაჸუნეს − თინეფიშ არზით, ბუნაშ გჷშულა მუსიკას ვა წჷმმარინუანდჷ.[34] თენერი არზეფი თინეფიშ აკოქიმინჯალაშ გეშა შხვეფსჷთ უღუდეს, მარა კლუბის „UFO“ თინეფი იშენით ჯგირო მიღეს.[35] ბარეტიშ გჷშულეფი, თიჟამიშ სტატიეფიშ მეჯინათ, დიდებუანი რდჷ, ....თინა ვიშო-აშო გინოლასირი გილასხაპუნდჷ, იმპროვიზაციეფს რდჷ ... ონოჩამა უღუდჷ. თიქ ქომიხუჯუ, თანჯა გოუღალუდუკო დო თინერ სფეროეფშა გემშუჭირინუაფუდუკო, ნამუეფით ძალამი ინტერესუანი რდჷნ. შხვეფს თენა ვა აქიმინედეს.[36] შხირას ნარკოტიკეფიშ თუდო მორჩქილე თინეფიშ მუსიკას გინაფულენდჷ, მარა ბუნა ნარკოტიკეფშე ვარიას რაგადანდჷ — „თეშე მოჩილათირი ვორდით, მჟავა ვა მუკმომჭოფანდეს, თიშე დუც შორს იბკინენდით, UFO-შ ოგრიმიორეწკჷმა ხოლოს.“ − იშინანდჷ მეისონი.[37]

კონტრაქტი EMI-წკჷმა

[რედაქტირაფა | წყუშ რედაქტირაფა]

მეისონი რაგადანდჷ: „ფსიქოდელიური ყარაფი ჩქინი მუკი-მუკი რდჷ დო ვართ ჩქინი ინოხ“.[38] თეშ უმუკუჯინუო, „The Pink Floyd Sound“ რდჷ ართ-ართი პიონერი ფსიქოდელიური მუსიკაშ ინტერესიშ ჸურე დო მუსიკალური ინდუსტრიაშ ჸურეშე ინტერესის გჷშმეჭანუანდჷ.[39] შხვადოშხვა ხონარიშინმაჭარალ კომპანიაწკჷმა კონტაქტიშ დორსხუაფაშვანს ჯო ბოიდიქ დო ბრაიან მორისონქ ბჟადალ ჰემპსტედის, სტუდიას „Sound Techniques“ ბუნას დინაჭარაფეს „Arnold Layne“ დო ინსტრუმენტული კომპოზიციაშ „Interstellar Overdrive“ ვერსია.[39] სასექსის გინოღალირქ იჸუ „Arnold Layne“-იშ პრომო-ფილმიქჷთ. Polydor-იშ ჸურეშე დოინტერესაფაშ უმუკუჯინუო, გეფორმჷ კონტრაქტიქ EMI-წკჷმა. ბუნაქ ავანსიშ სახეთ 5,000 ფუნტი ეჭოფჷ. გურგაჩამალი რე, ნამუდა ბოიდი თე კონტრაქტიშ მოკათაფე ვა ჸოფე. [40]

„Arnold Layne“ გინირთჷ პინქ ფლოიდიშ (არტიკლი „The“ გეშალჷ თინეფიშ ჯოხოდვალაშე 1967 წანას) [41] მაართა სინგლო, ნამუქჷთ გჷშაშქუმალირქ იჸუ 1967 წანაშ 11 მელახის.[42] თის ნაშინეფი რდჷ პიჯი, მით ხირულენდჷ დო მიკმიქუნანდჷ ოსურიშ მუკოქვენჯის. თენერ ისტორიაშ გეშა, მუსხირენი რადიოსადგჷმქ თინა აკრძალჷ ქოთ. მორო, ჩინებული რე, ნამუდა ბრიტანულ ჩარტის თიქ იშენით #20 აბანი დეკინჷნ. [43] თე ბორჯიშო ბუნაშ ოთხხოლო მაკათურს მეტებული აფუდჷ გურაფა ვარა სამუშა. Bedford-იშ ჯვეში ფურგონი თინეფქ Ford Transit-ით დოთირუეს[44], ნამუდგათ 1967 წანას ინგლისი მილეს დო 200-შე უმოსი კონცერტი გამანჯეს (წოხოლენი წანაწკჷმა ალაზიმაფათ 10-შახ დიდი მუდანობათ). თინეფს ქახოლჷ ტურ-მენეჯერი პიტერ უინ უილსონქ, ნამუდგაწკჷმათ ბარეტი თეიშახ ართ ბინას ოხორანდჷნ.[45] უილსონქ გაახალჷ თინეფიშ განათებაშ სისტემა დო ქჷგეუძინჷ თი ბორჯიშო ნოვატორული ელემენტეფი - სარკეეფი, გოზინდილი პრეზერვატივეფი, პოლარიზატორეფი - მუდგათ კონცერტეფს ინტერესუან ვიზუალური ეფექტეფი აკმიქიმინუდჷ.[46] უკული სინგლიშ სახეთ ბუნაქ კჷნე თი წანაშ 16 მანგის See Emily Play გჷშაშქჷ.[47] თიში ოკონცერტე პრემიერაქ აკოდირთჷ თეიშახ, ლონდონს, კჷნე თი წანაშ მესის, დიაფალ ელისაბედიშ დარბაზის[48], სოდეთ ბუნაქ თაშნეშე გჷმირინუ დარბაზის ხონარიშ გუმანაწილებერ უნიკალური სისტემა აზიმუთ კოორდინატორი. BBC-იშ გჷნოჩამას Look of the Week აკოდირთჷ თინეფიშ გურგაჩამალი ოტელევიზიე გჷშულაქ, სოდეთ ერუდირაფილ დო მიკმაჭოფალ უოტერსიქ დო ბარეტიქ უგამეს მაჸონაფალ ჰანს კელერიშ კონწარ კითხირეფს. [49] ახალ სინგლის Arnold Layne-შე უმოსი დიდი წჷმოძინაქ ხვადჷ თიათ. 2 მარაშ უკული თიქ მოხვადჷ ჩარტიშ #17 აბანს. თიქ თაშნეშე ირსულჷ BBC-იშ გჷნოჩამას Top Of The Pops - მორო, თე გჷნოჩამაშ ტრადიციეფიშ მეჯინათ, ფონოგრამაშ ალაჸუნალათ. თეშ უმუკუჯინუო, სინგლიქ ჩარტის #5 პოზიციაშახ ქეიკინჷ დო მოთხუალაქ ბირაშენ მიძინჷ. მარა გეგმელი მასუმა გჷშულაქ გჷნოჩამას ვა აკოდირთჷ, თიშენ ნამუდა ბარეტიქ დუდო ივარუ თენა.[47]

წორას თი პერიოდის ბუნაშ შხვა მაკათურეფქ სიდიშ ერთის მუდგარენი სარკოეფს მუთმოსანჭუნდეს.[50] 1967 წანაშო თინა უკვე ლსდ-შ აქტიური მახვარებუ რდჷ.[51] ართ-ართ შოუს მეისონქ ქოძირჷ, ნამუდა სიდი რდჷ მიმალ მოლინეფშე რსულაშო მოხარცქილინ: „რდჷ დო ვარი თენა ხვალე ნარკოტიკული მოქინაფა ვარა უმოსი ორთაშობური, ნერვული აბორჯება, ამუდღარშახ ვა მიჩქჷ“.[50]

The Piper at the Gates of Dawn

[რედაქტირაფა | წყუშ რედაქტირაფა]
თარი სტატია: The Piper at the Gates of Dawn.

პინქ ფლოიდიშ EMI-წკჷმა კონტრაქტიშე ისოფეს ბრაიან მორისონქ, თინეფიშ აგენტიქ დო პროდიუსერქ EMI-შე დო ნორმან სმითიქ. ბუნას დავალებაქ ქჷმიაჩჷ, ქინუჭარაფუდუკო [52] ოდებიუტე ალბომი EMI-იშ დორხველ ები როუდიშ სტუდიას (ლონდონი).[53] თექ ოთხურს მუკმოჸუნდჷ ექსპერიმენტეფი თ.გ. „კონკრეტული მუსიკაშ “ გჷნართათ. ართშა თინეფი მეჭანაფილეფი ორდეს ართ-ართი სტუდიაშა, სოდეთ ბითლზი ენმაჭარანდჷ ბირასჷნ „Lovely Rita“. 2005 წანას გჷშაშქუმალირ ავტობიოგრაფიას მეისონი ეშანჷნს, ნამუდა ალბომიშ ინოჭარუაშ ბორჯის ბუნას პრობლემეფი ვა ნოღვე, მარა სმითიშ მეჯინათ, ბარეტი ვეთოლწონენდჷ ზუკოლუეფს დო კრიტიკას.[54] The Piper at the Gates of Dawn, მუჭოთ თის გიადჷნ, გჷშართჷ 1967 წანაშ მარაშინათუთას დო ბუნა კჷნე მიკმიჭოფანდჷ მიარე მორჩქილეს კლუბ UFO-ს. მარა ბარეტიშ დგომარებაშ გაუფრაშება თინეფს სერიოზულ პრობლემეფს ურჩქინანდჷ. ბუნაშ მაკათურეფს მიოჩქჷდეს, ნამუდა თენა ხვალე კუნტახანური მოლინა რდჷნ, მარა პიტერ ჯენერი დო ჯუნ ჩაილდი (ჯენერიშ მელამოსე, ბარეტიშ მაჸალე დო მარკ ბოლანიშ მუმალ ალმასქუ) უმოს რეალისტურო უჯინედეს თე ოკითხუს:

ჩქიმ ოგრიმიორეს მილუოხვილე დო თინა უბრალეთ...დინაფილი რდჷ. როჯერ უოტერსიქ დო მა ქიგუვორინეთ კუჩხის დო გეგშიპონით სცენაშა. მუ რაგადი ოკო, კათა გახარებული რდჷ, რახან სიდი უჸორდეს. ბუნაქ ქჷდიჭყჷ მეგამა, მარა სიდი უბრალეთ გონქირაფილი გერდჷ. ჸალს გიტარა გითაბუდჷ, ხელეფი გითობუნაფილი აფუდჷ. [55]

ბუნაშო შოკიშმუმაკათინაფალი რდჷ ჯაზიშ დო ბლუზიშ ერუანული ფესტივალიშ ფარგალეფს გჷშულაშ გოუქვაფა. პრესაქ ინფორმირებული იჸუ, ნამუდა ბარეტის ნერვული დადაღარება აჭიროთენდჷნ. ჯენერქ დო უოტერსიქ სიდის ფსიქიატრწკჷმა აკოხვალამა უზუკოლეს, მარა სიდიქ ივარუ თიშა მეულა. თიქ კუნტახანით ქჷდიხორჷ კოკი ფორმენტერას, სოდეთ თის სემ ჰანტი, მუსიკალურ ანდერგრაუნდულ წირეეფს ჩინებულ ექიმი ულუანდჷ, მარა კურნალუას მუთუნქ ვა მაჸუნჷ. ეკენიას ბუნაშ მაართა ააშ ტურნე რდჷ გეგმელი.[56] მუშობაშ ნებაშ გეშა კომპანიაშ Blackhill-იშით დაგვიანებულო მიშაღალირ განაცხადიქ ბუნას მუსხირენი მერჩქინელი კონცერტი გაუქვებაფუ[57],ოდო ბარეტიშ დგომარებაქ უმოსო გეუფრაშჷ.[58] დარბაზის Winterland გჷშულაშვანს თიქ გარძახ მოლასჷ გიტარა, ნამუსჷთ სიმეფქ მეხორცქჷ. პეტ ბუნიშ შოუშ ინოჭარუაშვანს თიქ გაორცჷ რეჟისორი თით, ნამუდა რეპეტიციაშ ბორჯის იდეალურო უჸუნუანდჷ პიჯის ფონოგრამას, მარა ინოჭარუაშვანს უბრალეთ გონქირაფილ გერდჷ. კინგიქ ნჭუებულო დოთირუ ააშ ტურნეშ თარიღეფი დო მაართა რეისით ბუნა ჸუდეშა გოუტუ. [59]

ააშ -შე დორთაშ ბორჯიშე პინქ ფლოიდიქ ქახოლჷ ჯიმი ჰენდრიქსიშ ტურნეშ ინგლისიშ ტერიტორიას.[59] მარა ბარეტიშ დეპრესია იძინანდჷ ტურნეშ მიმალობაწკჷმა ართო.[60] ართ-ართი კონცერტიშა თიქ შურო ვა მერთჷ დო თიში არდგილი დეკინჷ დევიდ ო’ლისტიქ, ბუნაშე The Nice (მით ჰენდრიქსწკჷმა თე ტურნეშ ფარგალეფს შარალენდჷნ).[56] მორჩქილეეფს თეშა გური შურო ვა გოუჩამჷ.

ბარეტიშ, მუჭოთ პინქ ფლოიდიშ ლიდერიშ რინა ბუნაშ რინას ხოლო უმოსი პრობლემეფიშ თუდო ორინუანდჷ. უინ უილსონქ ქჷდიტუ განათებაშ მენეჯერიშ პოზიცია დო გიტარისტწკჷმა ართო მუში მუსიკალური პროექტი ქჷმჷწიჭყჷ.[61] პინქ ფლოიდიქ 1967 წანაშ გერგობათუთას ბრიტანეთის გჷშაშქჷ სინგლი Apples and Oranges (ააშ-ს თის ვა გიშურთუმჷ)[62]. ბუნაშ სუმი მაკათურშო ბარეტიშ დგომარებაქ კრიტიკულ ფარდიშახ ქჷმიოჭირინუ, მუსჷთ თინეფქ უგამეს ახალი მაკათურიშ გეძინათ.[56]

კლასიკური აკოდგინალუა (1968–1979)

[რედაქტირაფა | წყუშ რედაქტირაფა]

გილმორი ალმათირუ ბარეტის

[რედაქტირაფა | წყუშ რედაქტირაფა]

1967 წანაშ ქირსეთუთას ბუნაქ დევიდ გილმორს მიარზუ პინქ ფლოიდიშ მახუთა მაკათურო მუშაართაფა. გილმორქ დეყაბულჷ. ბარეტი თენერი სხუნაფას ოალუდჷ. თის მუში გჷწორზიეფი ხოლო უღუდჷ: უოტერსიშ თქუალათ, თენა რდჷ ჟირი უსქვამური, ნამუთ სოდგარენ ძირჷნ. ართი ბანჯოს მიოგანდჷ, მაჟირა - საქსოფონს. დო ჟირი მობირე ცირა ხოლო ოკოდჷ. [63] გილმორი უკვე ჯგირო იჩინენდჷ ბარეტის. თინეფი 1960-ამეფიშ დაჭყაფუს ართო გურაფულენდეს კემბრიჯიშ ტექნიკურ უნივერსიტეტის[16], მიოგანდეს ჰარმონიკას დო გიტარეფს დო მოგვიანაფილო ავტოსტოპით საფრანგეთშა იშარეს, სოდეთ შოშეეფს მიოგანდესჷნ. [64] 1965 წანას, დიო ხოლო Joker's Wild-იშ მაკათურობაბორჯის, გილმორქ დუდო ძირჷ The Tea Set.[65] სტივ ო’რურკიქ (ბრაიან მორისონიშ ასისტენტიქ) პინქ ფლოიდიშა მოულა ბორჯიშე თის მუში ჸუდეს მილარინალი დო მარას 30 ფუნტი გაგმურთჷ.[66] გილმორქ ბონას ქჷმიაკითხუ მუსიკალურ მაღაზიას კემბრიჯის დო ქიჸიდჷ სპეციალურო ენწყილი ჸვინთელი Fender Stratocaster. 1968 წანაშ ღურთუთას თიში ბუნაშა მოულაშ გეშა ოფიციალურ განცხადებას რდჷ მოშნაფილი.[67] ჯინჯიერო თინა არძოს გაჩინებაფეს, მუჭოთ პინქ ფლოიდიშ მაჟირა გიტარისტი დო მახუთა მაკათური. ბუნა გეგმენდჷ ბარეტიშ მუჭოთ ბირეფიშ ავტორიშ დოტებას.[68] ჯენერი იშინანდჷ: გურს მიღუდეს, ნამუდა დეივი ოკო ჸოფედუკო სიდიშ ალმათირე დო თიში სარიკო ერთეფი ოკო დოუფორუდუკო. მუჟამცჷთ თექ ვა გამართჷნ, ბარეტის ხვალე ბირეფიშ ავტორობა გჷწარზის. ანუ იტალენდეს საქვარიშ დინოხოლე, მარა თეშ, ნამუდა შხვეფსჷთ უმუშებუდესკონ. [69] გილმორიშ ართ-ართი მაართა საღალე რდჷ სინგლიშ Apples and Oranges პრომო-ფილმის გიტარაშა მეგამაშ გოსახიერაფა. [67] სიდი ზალამენდჷ, ქოუძირაფუდუკონ, ნამუდა მენდიშწაულა თიშე შორს რდჷნ დო ეცადჷ, ბუნაშ მაკათურეფიშა ახალი ბირა ქუდოუგურუაფუდუკონ, Have You Got It Yet?. მარა სტუდიას რეპეტიციაბორჯის თინა ირო თირანდჷ კომპოზიციაშ სტრუქტურას, მუდგაშ გეშათ თიშ მიკოწონებაქ გაჭირდჷ.

ბარეტწკჷმა მუშობაქ რთულქ იჸუ. საუთჰემპტონს გეგმელი კონცერტიშ წოხოლე, მუჟამცჷთ არძოქ ოშარალუ ავტობუსშა მინილჷნ, მიდგარენქ იკითხჷ, მიდეჯუმანდეს დო ვარ სიდის, მარა გამა რდჷ ჯანდაბას, მუშო მოკონა.[70] მოგვიანაფილო უოტერსი ეშანჷნდჷ: თინა ჩქინი მაჸალე რდჷ, მარა ასე უკვე ჯინჯიერო თიშ გაჩემებას ვოცადუდით.[71] 1968 წანაშ მელახიშ დაჭყაფუს პინქ ფლოიდიქ აკოხვადჷ პიტერ ჯენერს დო ენდრიუ კინგის, Blackhill Enterprises-იშ ბიზნეს-პარტნიორეფს, ქუჩიებინუდესკონ ბუნაშ მუმალუშენინ. ბარეტიქ დეალჷ, ქჷდოუტებუდუკო პინქ ფლოიდი. რეალობაშ მეჯინათ, გეგნოჭყორდჷ, ნამუდა Blackhill Enterprises, მუჭოთ ამშვჸურეიან გოართოიანაფა, აკოცენდჷნ, მუქჷთ საბოლათ მოხვადჷ კჷნე თი თუთას.[72] ჯენერიშ დო კინგიშ არზით, ბარეტი რდჷ პინქ ფლოიდიშ კრეატიული ძალა. თინეფქ გეგშეგორეს თიწკჷმა დოსქილადა დო პინქ ფლოიდწკჷმა ურთიართალაშ გასურება. ბრაიან მორისონქ ახალი მენეჯერიშ სახეთ სტივ ო’რურკიშ გჷშაგორუა მიწონუ.[73] ბარეტიშ ულაშ გეშა ფორმალური განცხადებაქ გჷმიბჟინუ 1968 წანაშ 6 პირელს [74], მორო სინანდულეს თექ თიშ დე ფაქტო ულაშე გარკვიულ პერიოდის მოხვადჷ. ბარეტი ბორჯგიშაშქუმალირო მუკმორჩქინდჷდჷ თინეფიშ აბანობურ კონცერტეფს.[71] რახან თინა ბუნაშ სიმბოლოს წჷმარინუანდჷნ, გილმორი აძვილებური რდჷ, ოტელევიზიე გჷშულეფიშ ბორჯის თინა გუსახიერებუდუკო ფონოგრამაშა პიჯიშ მეჸუნაფათ. მარა პინქ ფლოიდის უკვე ახალი მოღე ხოლო ურჩქინდჷდჷ, მუნერით რდჷ It Would Be So Nice დო Careful With That Axe, Eugene. 1968 წანას, ევროპულ კონცერტეფშახ, თინეფს ტურ-მენეჯერი პიტერ უოტსიქ ქახოლჷ.[75]

A Saucerful of Secrets

[რედაქტირაფა | წყუშ რედაქტირაფა]
თარი სტატია: A Saucerful of Secrets.

მაჟირა სტუდიური ალბომიშ ინაჭარალო ბუნაქ დაართჷ ები როუდიშ სტუდიას. მუსხირენი ბირა, დოჭარილ ბარეტწკჷმა ართო, მუნერით რდჷ Jugband Blues, უკვე ხაზირ უღუდეს (თენა რდჷ თიშ ეკონია ოფიციალური ინნაჭარა ბუნაწკჷმა ართო). უოტერსის უღუდჷ სუმი ოავტორე ნომერი, Let There Be More Light, Corporal Clegg დო Set the Controls for the Heart of the Sun (ეკონიას გილმორიშ დო ბარეტიშ გიტარეფი მიოგანს). რაიტიშ რდჷ See-Saw დო Remember a Day. ნორმან სმითიშ გეწურაფათ, მოხვადჷ მოღეშ ნორთიშ დინოხოლენურ სტუდიეფს დინოჭარუაქ, მუთ ართგვარ ექსპერიმენტო დო The Piper at the Gates of Dawn-იშ ტრადიციეფიშ გოგინძორაფათ შილებე მირჩქინუასჷნ. სმითის თინეფიშ მუსიკალური სტილი ვადუმაჯერებელო მიოჩქჷდჷ, მარა, მუჟამცჷთ მეისონქ ივარუ Remember a Day-შ დინოჭარუას კათინინ, ნორმანქ თინა დოთირუ.[76] რაიტი იშინანდჷ სმითიშ მერინას ხონარიშინმაჭარალი სესიეფიშ მეხჷ. თიქ მაჟირა ალბომიშ ინოჭარუაშ ბორჯის ხეს ეუკუნჷ. დღას ვა უთქუალჷ ფრაზეფი, მუნერით რე ’თე ოძიცე ზიმოთიშ 20 წუნიშ დინოჭარუა ვა შილებე'[77]. ვართ უოტერსი, ვართ მეისონი, ონოტე ნინას ვა ღვალენდეს, ათეშენ კომპოზიციაშ A Saucerful of Secrets ეგაფაშვანს დორხველი სისტემა გეგმიგონეს. გილმორქ თინეფიშ მუნაღოზა მოგვიანაფილო გეჭარჷ, მუჭოთ არქიტექტურული დიაგრამა.[78]

A Saucerful of Secrets გჷშართ კჷნე თი წანაშ მანგის. წოხოლენი ალბომიშ კაბრა ვიკ სინგიშ ფოტოსურათეფით დო სიდ ბარეტიშ ნახანტათ რდჷ გადინდარებული-და, თე ალბომშო EMI-ქ ბუნას ნება ქჷმეჩჷ, დორხველი დიზაინერი გეშუგორუდესკონ. თენერეფქ იჸუეს სტორმ თორგერსონი დო ობრი პაუელიქ. უკულნეშის თორგერსონქ ახოლჷ ბუნაშ დახე არძო ალბომიშ კაბრეფიშ, თეშინეშეს მუჭოთ სინგლეფიშ დო მერსხილი პროდუქციაშ გოფორმაფას.

ალბომიშ გეშა არზეფი შხვადოშხვანერი რდჷ. ჯონ პილიშ არზით, თინა ...რელიგიურ რიტუალს გჷდჷ.[78] 'NME მიოჩქუდჷ, ნამუდა ოდუდჯოხოე კომპოზიცია რდჷ ხანგინძე დო ყორყელშა ეკმაჸონაფალი, ოდო თიში მონოტონური გოვითარაფა მუთუნით ვეთმინწყუმუდჷ.[78] [nb 4]

ალბომიშ გჷშასქუმალაშ დღას ბუნაქ აკათჷ ჰაიდ პარკის მანჯებულ სუმი უფასო კონცერტიშე მაართა შოუს. თიშ ორგანიზატორი Blackhill Enterprises რდჷ. კონცერტის ოკათუდეს როი ჰარპერი დო ჯეთრო ტალი ხოლო. სტივ ო’რურკი, ოთხურიშ არზით, რდჷ გოსოფური გიმმოჩამჷ, მიდგაშ ბიზნეს-შორსჯინელობაქ თიშ ესთეტიური ინტერესეფი დაორჲუ. მუჟამცჷთ მორისონქ დორხველი ბიზნესი NEMS Enterprises-ის მეჸიდჷნ, ო’რურკიქ გჷნირთჷ ბუნაშ კერზო მენეჯერო. თეთ თინეფქ ქიშილებეს იმიჯიშ გჷშათინუა ხოლო, დირთეს მუ ამერიკაშა, ბუნეფწკჷმა Soft Machine დო The Who ართო.[80][81]

საუნდთრეკეფი

[რედაქტირაფა | წყუშ რედაქტირაფა]

1968 წანას ბუნაქ იმუშუ რეჟისორ პიტერ საიკსიშ ფილმიშ კომიტეტი მუსიკაშე. კჷნე თი წანაშ ქირსეშახ გჷშეშქვინჷ Point Me At The Sky, ნამუთ წოხოლენი ინნაჭარეფშე უმოსო პოპულარული ვა ჸოფე დო წანეფიშ მეძენას სქიდუდჷ პინქ ფლოიდიშ აკა კაკალია ოფიციალურ სინგლო.[82] 1969 წანას ინიჭარჷ მუსიკაქ ბარბეტ შროდერიშ ფილმიშო უმოსი. საუნდთრეკი, ნამუთ პინქ ფლოიდიქ გჷშაშქჷნ, გურგაჩამალი ინნაჭარა რდჷ - ალბომიშ A Saucerful of Secrets მოღეწკჷმა ართო[83] თინეფიშ ოკონცერტე ერკებულს გჷმორჩქინდჷ ახალი კომპოზიციეფქჷთ. 1969 წანაშ კვირკვეს მისურჷ თინეფიშ ოკონცერტე ტურნექ, ეკონია კონცერტით ომაფე ოფესტივალე დარბაზის. გილმორს თე შოუს ინციდენტიქ მოხვადჷ - ელექტროშოკიშ გეშა (ნამუთ ძაბუაშ გეშა მიღუნ) თიქ ედომუშამ სცენა გოფურინჷ.[82] ოკონცერტე გჷშულეფქ თე პერიოდის კონცეფტუალური შოუშ, The Man and The Journey (ადამიერი დო შარალუა) სახეთ იჸუ წჷმორინაფილქ[84] , მუსჷთ ოკათუდჷ ხანტუ პიტერ დოკლიშ პროექციეფი დო ხონარიელ ეფექტეფიშ ნორთი, მოგვიანაფილო გჷმორინაფილი 1970 წანაშ კომპოზიციას Alan's Psychedelic Breakfast.[82] რეჟისორ მიქელანჯელო ანტონიონიშ ფილმიშო ზაბრისკი პოინტი საუნდთრეკიშ აკოქიმინუაშვანს ბუნაქ გეგნოფურინჷ რომშა, სოდეთ ისვანჯუდჷ ფეშენებელურ სასუმაროს დო ჭარუნდჷ მუსიკას. უოტერსიშ თქუალათ, ანტონიონიშ წკუმინი ვა რდუკონ დო თირაფეფი, მიშაღალირი თე ინნაჭარეფშან, სამუშაშ თება ართ მარაშე ნორკებუ ბორჯის მიკორინუანდჷ. სინანდულეს, ფილმის მოხვადჷ თინეფიშ ხვალე სუმი კომპოზიციაქ. დოსქილადირ მუსიკოსეფ შქას რდეს Grateful Dead, The Youngbloods, პეტი პეიჯი დო როლინგ სტოუნზი (თინეფიშ ბირაქ You've Got The Silver ვა მოხვადჷ მუსიკალურ ალბომს ფილმიშ საუნდთრეკით). ართ-ართი კომპოზიციაქ, ჯოხოდვალათ The Violent Sequence, მოგვიანაფილო გჷნირთჷ ბირათ Us and Them დო მიშაღალირქ იჸუ ფინქ ფლოიდიშ 1973 წანაშ ალბომშა The Dark Side of the Moon. თე პერიოდისჷნე ბუნა მუშენდჷ ანიმაციური ფილმიშ როლო საუნდთრეკშე, მარა დოფინანსაფაშ პრობლემეფიშ გეშა ფილმიშე მუშობაქ მეჭყორდჷ. უოტერსიქ გეგნოდგჷ ხოლო ართი ნობიჯგუ კინოოქიანუს, რონ გისინიშ კათინით ფილმიშ რსხული მუსიკაშ აკოქიმინუათ.[85]

Ummagumma დო Atom Heart Mother

[რედაქტირაფა | წყუშ რედაქტირაფა]
თარი სტატია: Ummagumma დო Atom Heart Mother.
როჯერ უოტერსიშ გჷშულა ფინქ ფლოიდიშ აკოდგინალუას, ლიდსიშ უნივერსიტეტი, 1970 წანა

Ummagumma გჷნირთჷ შორს გინოდგუმილჷ ნობიჯგო თინეფიშ წოხოლენი ნახანდეფიშა ალაზიმაფათ. ახალი მოღე თის მორჩილ მუდანობათ რდჷ. თიქ გიშეშქვინჷ EMI-შ დორხველ Harvest-ის. ალბომიშ მაართა ჟირი ხასჷლა წჷმარინუანდჷ მანჩესტერიშ კომერციული კოლეჯიშ დო კლუბიშ Mothers (ბირმინგემი) ცოცხალ ინნაჭარეფს. მაჟირა ფირფიტაშ ირი ნანთხალი რდჷ ბუნაშ ირი მაკათურიშ სოლო-ექსპერიმენტი. 1969 წანაშ გჷმათუთას Ummagumma-შ გჷშაშქუმალას პოზიტიური ფასებეფქ მაჸუნჷ.[86]თის მეჸუნდჷ 1970 წანაშ Atom Heart Mother. ბუნაშ წოხოლენი ალბომი ინმიჭარუდჷ ოთხფირამ ინმაჭარალსჷ-და, Atom Heart Mother ირინუანდჷ ბრუოფირამს.[87] ოდუდჯოხოე პიესაქ, ჯოხოდვალათ Amazing Pudding წჷმორინაფილქ იჸუ საფრანგეთის, მორო თიშ სტუდიური სიმორიშ გეშა გადარქ პიკის ქჷმიოჭირინუ დო ხონარშენ რონ გისინქ ისოფჷ. ართი თუთაშ მეძენას თინა მუშენდჷ პარტიტურაშე, მარა ბუნაშ ჸურეშე თე ამბეს აკოქიმინჯალური თია მინიმალური რდჷ. კომპოზიციაქ სურებულქ იჸუ ჯონ ოლდისიშით, ნამუქჷთ სტუდიაშა დორხველი ბუნა ხოლო ქომიჸუნჷ. ნორმან სმითიშა მეწურაფილქ იჸუ, მუჭოთ ემაჸონაფალ პროდიუსერშა, მორო თენა რდჷ თიშ ბუნაშ დისკოგრაფიას ეკონია გჷმორჩქინა.[88] გილმორი მოგვიანაფილო ოდუდჯოხოე ნომერს ნორკებ თოჸუჯის არზენდჷ, ეშანჷნდჷ მუ, ნამუდა თინა სიბორუეფით რე ეფშა,[89] მორო 2001 წანაშ ინტერვიუს შინანდჷ, ნამუდა ჯგირი ცადება რდჷ, მარა თენერი ცადებაშე ჯგირი მუთუნი ვაგშმურს.[90] უოტერსიშ პოზიცია თაშნეშე კრიტიკული რდჷ. თიში თქუალათ, ვარიას ვა თქუანდჷ თე ინნაჭარაშ ოგვამეშა გინოჸოთამაშენ, თეში ნამუდა მითინს ვა მოურჩქილუაფუდუკო დღასინ.[89] მარა Atom Heart Mother-შ გოართოიანაფილი ომაფეშ ტერიტორიას დიდი წჷმოძინაქ ხვადჷ თიათ [91]. 1970 წანაშ 27 მანგის ბათის აკოდირთჷ თიშ, მუჭოთ გასურებულ ნახანდიშ ოკონცერტე პრემიერაქ, ორკესტრიშ დო ბუნაშ ალარინელო. [92]1971 წანას ჟურნალიშ Melody Maker ტარებულ მაკითხირალეფიშ გჷმოკითხირს ფინქ ფლოიდიქ დეკინჷ მაჟირა აბანი დო მაართათ რინაშ მეძენას, რეალური ფინანსური მუშნალიშ მაღვენჯო გჷნირთჷ. მორო, კჷნე თი წანას ნიუ-ორლეანს ხირილქ იჸუ თინეფიშ ტექნიკაქ, ნამუთ დახე 40.000 დოლარიშ ღირებაშ რდჷ. თექიანი პოლიციაშ ჸურეშე გორუაშ ოპერაციას მუთუნქ ვა მაჸუნჷ. რეალური მოხვარაქ ხვალე თიწკჷმა იძირჷ, მუჟამცჷთ საქვარს გფბ-ქ მიშახოლუნ.

კჷნე თი წანას მეისონ დო რაიტის სქუალეფქ ქაშის. თინეფქ ქჷდიხორეს ლონდონს, ოდო გილმორქ, მით დიო ხოლო ხვალახე რდჷნ, XIX ოშწანურაშ ფერმას, ესექსის ქჷდიხორჷ. უოტერსიქ მუში ჸუდეშ ბაღის, ისლინგტონს, სტუდია მანწყუ.[93]

Meddle

[რედაქტირაფა | წყუშ რედაქტირაფა]
თარი სტატია: Meddle.

1971 წანაშ დაჭყაფუს, ტურნეშე Atom Heart Mother დორთაშვნას, ბუნაქ ქჷდიჭყჷ მუშობა ახალ ალბომშე.[94] თიშ გურშენი, ნამუდა ახალი მოღე ვა უღუდესჷნ[95], მუსიკოსეფს უბრალე ექსპერიმენტეფი მუკმოჸუნდეს. ინჟინერ ჯონ ლეკიშ თქუალათ, სესიეფი იჭყაფუდჷ დღაშით დო მაჟირა ოჭუმარეს ითებუდჷ, მარა თე პერიოდის მუთუნი ვეჭარუდჷ. ვართ ხონარიშინმაჭარუ კომპანია მაწუხენდეს, ხვალე თინეფიშ მენეჯერი გამუკორჩქინდუდუ-და დო ართო მუსხირენი ბოთილს გებშუნდით ვარა პაპროზის ქუმუნტენდით.[96] ხანგინძე პერიოდიშ მეძენას ბუნა უბრალე ხონარეფშე ვარა გიტარაშ სოლოშე მუშენდჷ. დღალეფიშ მეძენას თინეფი სტუდიას Air ხედეს დო ოცადუდეს მუსიკაშ აკოქიმინუას შხვადოშხვა დინოხოლენურ მოხვარაშ მეკონით - თე პროექტის თინეფქ დართეს The Dark Side of the Moon-იშ უკული, ალბომშახ Wish You Were Here.[97] ალბომიშ Meddle აკოქიმინუაქ ბორჯიშ დიდი პერიოდი მიკორინუ - დინოჭარუაქ ქჷდიჭყჷ პირელიშ მაართა გვერდის, მარა თუთაშ მაჟირა გვერდის ფინქ ფლოიდის უღუდჷ კონცერტეფი დონკასტერს დო ნორვიჩის, თაში ნამუდა დინოჭარუას ხვალე თუთაშ ბოლოს დართეს. მესის მოხვადჷ ბორჯიშ გორთუალაქ ები როუდიშ სესიეფს, რეპეტიციეფს დო ბრიტანეთის მანჯელ კონცერტეფს შქას. მანგის დო კვირკვეს ბუნა ჯინჯიერო ევროპაშ შხვადოშხვა დარბაზის გჷშმეშჷ. მარაშინათუთასს თინეფქ შორიშ ბჟაეიოლ დო ავსტრალიაშა მიდართეს, ოდო ეკენია ევროპას მუკიჸონეს.[98]

Meddle დუდშე, 1971 წანაშ 30 გჷმათუთას ააშ -ს გჷშართჷ, ოდო 13 გერგობათუთას - გოართოიანაფილ ომაფეს [nb 5] ბუნა თე ბორჯის ააშ -იშ ტურს მანჯუნდჷ.[102] როლინგ სტოუნიშ მასხუნალქ ჟან-შარლ კოსტაქ ეშანჷ: Meddle რე დევიდ გილმორიშ ვარი ხვალე, მუჭოთ ბუნაშ აკმაქიმინჯე ძალაშ განტკიცება, ვარინ ანტკიცენს, ნამუდა ბუნა კჷნე ივითარებუნ,[103] ოდო NME-შ არზით, თენა რდჷ გჷშაკერძაფილო ჯგირი ალბომი. ჟურნალიშ Melody Maker მასხუნალი მაიკლ უოტსი გაორცებულ რდჷ დო ჭარუნდჷ, ნამუდა დისკი წჷმარინუანს ვაჸოფილ ფილმიშ საუნდთრეკის დო ეშანჷნდჷ, ნამუდა თაქ რე ებირაფაშ დო სიჸალეშ დიდი მუდანობა, ნამუთ მუთუნს ვამომღანა.[104][105] Meddle მირჩქინუაფუ ბარეტიშ გოლინაშ თუდო რენჯი ბუნაშ დო ალმახანურ ფინქ ფლოიდიშ შქას გჷნმალჷ ფაზათ.[106][107] ბუნაშ შხვა გჷშაშქუმალეფი ეკონია პერიოდის საუნდთრეკეფს წჷმარინუანდჷ, მუნერით ორდჷ More დო Zabriskie Point. Atom Heart Mother რონ გისინიშ დო სესიური მუსიკოსეფიშ გოლინაშ თუდო რდჷ ჭარილი თეშ, ითამ თის ედომუშამ ბუნა [108] აკმოქიმინუნდჷნ. 1972 წანას ფინქ ფლოიდიქ კჷნე იმუშუ ფილმიშ მუსიკაშე, თეჟამო - კჷნე რეჟისორ ბარბეტ შროდერწკჷმა. თენა რდჷ ალბომი Obscured by Clouds, ფილმიშ ვე საუნდთრეკი. დინოჭარუა მიშჷ პარიზწკჷმა, Château d'Hérouville-იშ ჩინებულ სტუდიას. ალბომქ, გჷშულაშვანშენო გემშაჭირინუ ააშ -შ ბილბორდიშ ჩარტიშ 50-ურშა.[109] კჷნე თი პერიოდის გჷშართჷ ბუნაშ ბირეფიშ კათელქ Relics.[110]

The Dark Side of the Moon

[რედაქტირაფა | წყუშ რედაქტირაფა]
თარი სტატია: The Dark Side of the Moon.
ალბომიშ The Dark Side of the Moon ცოცხალი რსულება ერლს კორტის, 1973 წანას. (კვარჩხანშე მარძგვანჸურე) დევიდ გილმორი, ნიკ მეისონი, დიკ პერი, როჯერ უოტერსი

ბუნაშ გეჸვენჯი ალბომი, The Dark Side of the Moon (ნამუდგაშ ჯოხოდვალა უმოსო გინოლასირობას, ვინდარო ასტრონომიას ოწაწჷ)[111] ალან პარსონსიშ, EMI-შ ხონარიშ ტექნიკოსიშ მოხვარათ, 1972 წანაშ მესის - 1973 წანაშ ღურთუთას, ები როუდშე იჭარუდჷ.[112][113] 1972 წანაშ დიდი პერიოდი დეკინჷ ახალი მოღეშ ოკონცერტე ტურეფშა წჷმორინაფაქ დო ფილმიშ Pink Floyd: Live at Pompeii გჷნოღალაქ[114]. მოგვიანაფილო ფინქ ფლოიდიქ კჷნე ესურჷ ევროპას.[115] პარსონსის ოხვარუდჷ პროდიუსერი კრის თომასი, ნამუქჷთ დიდი თირაფეფი მიშეღჷ ოართე მიქსიშა დო გეუძინჷ შხვადოშხვა ეფექტეფი, მუნერით რდჷ ექო ბირას Us and Them.[116][117] ალბომიშ კაბრაშ დიზაინი აკოქიმინჷ სტორმ თორგერსონიშ დო თიში მაჸალეეფიშ სტუდიაქ Hipgnosis, ოდო ჯინჯიერ სურათიშ კაბრას წჷმარინუანდჷ ხანტუ ჯორჯ ჰარდიშით გჷნოჩამილ პრიზმა, სინთეშ დისპერსიათ.[118] ბარეტიშ ულაშ უკული ტექსტეფიშ ავტორი ჯინჯიერო უოტერსი რდჷ[119] დო თინა მეწურაფილი რე თე ალბომიშ ტექსტეფიშ ჯინჯიერ ავტოროთ.[120]

The Dark Side of the Moon, 1973 წანაშ მელახის გჷშულაშვანშენო ბრიტანეთის დო ბჟადალ ევროპაშ ჩარტეფს მოხვადჷ. ჯინჯიერო, კრიტიკოსეფიშ რეაქცია პოზიტიური რდჷ. Melody Maker-ს როი ჰოლინგუორთი ფირფიტაშ მაართა ხასჷლას ეჭარჷნდჷ, მუჭოთ ...მუში დუც უძგალაშო ეფაჩილს დო ძნელო გაგებელს, მარა მაჟირა ხასჷლას იჩიებუდჷ, ნამუდა ბირეფი, ხონარეფი, რითმეფი რდჷ მეკენჯი დო სიმური. გისიმჷ საქსოფონიშ ხონარქ, ბუნა მიოგანდჷ, ოდო უკული გეშასოფჷ დო სერს გიფაჩჷ.[121] 1973 წანაშ სხუნუას, ნამუთ როლინგ სტოუნი-შ ფურცელეფს იბეშტუნ, ლოიდ გროსმენი ჭარუნდჷ: თენა რე გოსოფური ალბომი, დიდარი ტექსტუალურო დო კონცეფტუალურო, მუთ ხვალე ვა მუკმოიჭოფანსინ, ვარინ სქანი მიშაკათინს ხოლო თხულენს.[122] 1973 წანაშ მელახის ალბომი ისურებუდჷ ბუნაშ ააშ ტურნეს, თინეფ შქას, შქასერიშ ნიუ-იორკის, Radio City Music Hall-იშ ჩინებულ დარბაზის, 17 მელახის.[123][124]

ალბომიშ წჷმოძინაქ ბუნას მოუღჷ თეიშახ უძირაფჷ ფინანსური შელებეფი ხოლო. რიჩარდიქ დო როჯერქ ქიჸიდეს დიდი ჸუდეეფი გალენ საგანოეფს, ოდო ნიკ მეისონქ გჷნირთჷ ჯვეში მანქანეფიშ კოლექციონერო [125] ალბომიშ ააშ -ს წჷმოძინაშა დიდი გოლინა იღვენუ Capitol Records-ქ. თიში ახალი დუდმახვენჯიშ, ბასკარ მენონიშ მოულაშენო, ააშ -ს გჷშაშქუმალირი წოხოლენი ალბომეფიშ ალაზიმაფათ თოჸუჯიშ მინი დოსქილადირ წჷმოძინაქ კვარჩხიშე მიკირთჷ. ბუნაქ დო თინეფიშ მენეჯერქ Columbia Records-წკჷმა ახალი კონტრაქტი გაფორმეს.[126] რდჷ ინფორმაცია, ითამ ავანსიშ სახეთ ბუნაქ ეჭოფჷ 1 მილიონი ააშ დოლარინ (ამუდღანერი მუნაჩეემფით - 4,942,149 ააშ დოლარი).[127] თიშ უმუკუჯინუო, ნამუდა ინგლისის ფინქ ფლოიდი კჷნე ვა გჷშმაშქვანდჷ სინგლეფსჷნ, Money-ქ გჷშართჷ ააშ -ს დო თექ დორხველი თია მიშეღჷ ახალი ალბომიშ წჷმოძინაშა.

Wish You Were Here

[რედაქტირაფა | წყუშ რედაქტირაფა]
თარი სტატია: Wish You Were Here (ალბომი).

ფინქ ფლოიდიქ სტუდიაშა 1975 წანაშ ღურთუთას დიირთჷ.[128] ალან პარსონსიქ ბუნაწკჷმა მუშობაშე ვარია თქუ დო დორხველი პროექტით, The Alan Parsons Project დეკავჷ.[116] თეშენი ბუნა ბრაიან ჰემფრიზწკჷმა ართო წორომოხანდენდჷ, ნამუსჷთ უკვე უღუდჷ More-იშ ინოჭარუაშ გომორსილობა.[129] ახალი მოღეშ სხუნუა სირთულას წჷმარინუანდჷ. Dark Side of the Moon-იშ წჷმოძინაქ ოთხხოლო მუსიკოსი ფიზიკურო დო ემოციურო გოჩოლუ. რიჩარდ რაიტიშო თე სესიეფქ დორხველი რინაშ რთულ პერიოდის აკოხვადჷ, ოდო უოტერსი თინეფს ჭიროთუათ კოროცხუნდჷ. [130] შხვეფწკჷმა ალაზიმაფათ, გილმორი უმოსო რდჷ დოინტერესაფილი რინელ მოღეშ გაუჯგუშებათ. მეისონიშ ფანია აკმოცენდჷ, მუქჷთ თის უბაღინაფუობაშ დო გურრგილობაშ ღიაბი ქჷმეუძინჷ. თენა მუში მუსიკალურ კარიერაშათ ქიმინჯალენდჷ. [130]

ოკო ვთქუე, ნამუდა რთული პერიოდი რდჷ. ბაღანობაშ არძო ნარტი ითამ ეჸონაფილი რდჷ დო მოსოფელს არძოშე გჷმოჩამუ ბუნა ვორდით. ცირეფი, ფარა, დიდება დო ა.უ... ირფელი ქობძირით დო უციო რდჷ, აკომიფასებუდესკონ, უკულნეშის მუს ბქიმინუნდითჷნ. ირფელი თენა რდჷ ამაბორჯებელი დო სიჩოლიეთ ეფშა პერიოდი.[131]

თიშ უმუკუჯინუო, ნამუდა ალბომს გარკვიული გეზა ვა ნოღვენ, უოტერსიქ მიფირქჷ ახალი კონცეფცია.[130] 1974 წანას უკვე დესახჷ სუმი ახალი კომპოზიციაქ[132], ნამუთ ირსულებაფუაფუდჷ ევროპული კონცერტეფიშ ბორჯის.[128] თე ნომერეფქ გჷნირთჷ ახალი ალბომიშ ოსხირო, ნამუდგაშ მიშალუს გიტარას ებირაფილ ოთხი ნოტი (შენთხვიათ ნაძირეფი გილმორიშით)[133], უოტერსიშ ჰონიას ორთინუანდჷ სიდ ბარეტიშ ართგვარ ლანდის.[134] თე ბირეფს აკოჯამებული რდჷ თინეფიშ ჸოფილი კოლეგაშ ემაღალაფა დო დონთხაფა:[135] მოკოდჷ, მუთ შილებენ ხოლო ბპჸოფედიკონ ჩქიმ ღიაბეფწკჷმა...სიდიშ დინაფაშ გეშა ართგვარ უგურკვიებუ, ეუჩილითაფუ მელანქოლიაწკჷმა.[134] ალბომშე მუშობაბორჯის სტუდიას უნელო გამუკორჩქინდჷ დუდო ბარეტიქ.[133][136][137] თორგერსონი იშინანს, ნამუდა თინა ხედჷ დო მეჩიებუდეს, მარა სინანდულეს დუდო თექ ვა რდჷ.[138] ანგარიათ სიდიქ დითირჷ დო თინა დუდშე ვეჩინეს. გჷნოჩამათ, უოტერსი თე აკოხვალამათ მოსერელი რდჷ. სიდიქ თი დღასჷნე სტუდია ჯგირობუაშ დოჩინაშ უმუშო ქჷდიტუ. [139]

ახალ ბირეფს მიშეძირედჷ მუსიკალური ბიზნესიშ დუდუშუკინებუ კრიტიკა. ჟირი ბირა, Raving and Drooling დო Gotta Be Crazy ვა მიშეღეს ალბომშა.[140] სტორმ თორგერსონიშით ალბომშო აკიქიმინჷ ჟირი კონვერტიქ. მაართა რდჷ ჯინჯიერი, უჩა ფერიშ, გიოჭაბაფალი იარლიყით, ნამუშათ გჷმოხანტილი რდჷ ბუნაშ მაკათურეფიშ ოთხი სტიქია (ჰეერი, დიხა, დაჩხირი, წყარი) დო ჟირი მექანიკური ხე. მაჟირა კონვერტიშა გიშაღალირი რდჷ ჟირი ბიზნესმენი, ნამუთ ართიანიშ ხეშ გიწოღალათ ართნერ კომუნიკაციას ორსხუანდჷ. ართ-ართი თინეფშეიანი დაჩხირმონტებული რდჷ. თენერი გჷმოსახილობაშ იდეა რდჷ თინა, ნამუდა კათა ფულუნს რეალურ სახეს, რახან ოშქურჷ დაჩხირს მიშანთხაფაშან.[141][142][143][144]

ალბომიშ Wish You Were Here დიდი ნორთიშ ოკონცერტე პრემიერაქ აკოდირთჷ ნებუორთიშ ფესტივალს, 1975 წანაშ 5 კვირკვეს.[145] ეკენიას დისკიქ საბოლათ გჷშელჷ.[146] ბრიტანეთის დო ააშ -ის თიქ მიოჭირინუ #1 პოზიციას.[147][147] თიქ პოზიტიური ფასებეფი ეჭოფჷ. რობერტ კრისტგოუ ჭარუნდჷ: ...მუსიკა - სოდეთ სინთეზატორი ჯინჯიერო ხვალე ტექსტურაშო, ოდო გიტარა ხვალე კომენტირაფაშო გჷმირინუაფუ - ქექე დო მიკმაჭოფალი ვა რე ხვალენ, ვარინ თინერ სიმფონიურ აიარობას ოჭირინუანს, მუთ ალბომს The Dark Side of the Moon თაშნე რთულას რდჷ გჷნოჩამილინ.[148]

Animals

[რედაქტირაფა | წყუშ რედაქტირაფა]
თარი სტატია: Animals (ალბომი).
ბეტერსიშ ელექტროსადგჷმი, გჷმოსახილი ფინქ ფლოიდიშ 1977 წანაშ ალბომიშ Animals კაბრას.

ნებუორთიშ ფესტივალიშ უკული ბუნაქ იჸიდჷ სუმსართილამ ნოდგჷმი ისლინგტონიშ რაიონს, ბრიტანია როუშ 35-ის, ნამუქჷთ უკულნეშის ხონარიშინმაჭარალ სტუდიათ, Britannia Row Studios დო ტექნიკაშ ოწკარუეთ გჷნირთჷნ.[149] თიში რეკონსტრუქციაქ 1975 წანაშ მეძენას გეგინძორჷ დო 1976 წანას ფინქ ფლოიდიქ თექ რანწკით მაბრუო სტუდიური ალბომი ინაჭარჷ.[150]

Animals რდჷ უოტერსიშ ხოლო ართი კონცეფციაშ ნაჸოფი, ნამუთ ნორთობურო გჷდჷ ჯორჯ ორუელიშ პოლიტიკურ იანგეს ჩხოლარეფიშ ფერმა. თიშ ტექსტეფს ჩიება რდჷ ჯარალუაშ შხვადოშხვა ფინაშ რინაშენ, მუთ გჷნოჩამილი რდჷ მეტაფორული პერსონაჟეფიშ, ჯოღორეფიშ, ღეჯეფიშ დო შხურეფიშ სახეთ.[151] ბრაიან ჰემფრიზიქ დიირთჷ ალბომიშ ხონარიშ ინჟინერიშ სახეთ. მუშობაქ დისკიშე მისურჷ 1976 წანაშ ქირსეთუთას.[150] ჯარალუას გომაფაფილი სტერეოტიპეფიშ კრიტიკაშ მოხ, ალბომი რდჷ გამა პანკ როკიშ ყარაფიშა[152], ნამუქჷთ ეფალჷ სოციალური დო პოლიტიკური სიტუაციაშ მეხჷ ნიჰილისტური მერინაშ დო წოხოლენი წანეფიშ როკ-მუსიკაშე ნოსტალგიაშ გამათ. ფინქ ფლოიდი პანკ-როკ მუსიკოსეფშო ხემარააჸაფალი ოღანკეს წჷმარინუანდჷ. ეიოშანალი რე, ნამუდა ჯონი როტენს (სექს პისტოლზი) მუკაქუნდჷ მაისური ფინქ ფლოიდიშ გჷმოსახილობათ, ნამუშათ მიკოჭარილი რდჷ მა ბჯოგჷ. მოგვიანაფილო ნიკ მეისონქ აღიარჷ, ნამუდა პანკ როკიშ არყება თიშო მიოღებელი რდჷ დო წჷმარინუანდჷ კინ თი ანდერგრაუნდის, სოჸურეშეთ ფინქ ფლოიდიქ ეფალუნჷ. 1977 წანას ნიკიქ გჷნირთჷ ბუნაშ The Damned, სტუდიას Britannia Row ინოჭარილი მაჟირა ალბომიშ პროდიუსერო.[153]

ახალი ალბომიშ გოფორმაფა კჷნე თორგერსონს დო სტუდია Hipgnosis-ს ორხველუდჷ, მარა საბოლა დიზაინიშ აკომუშება როჯერ უოტერსიშ კომპეტენციაშა მიშმეშჷ. თიქ გჷშეგორჷ ბეტერსიშ ელექტროსადგჷმიშ მოჯვეშაფილ ნოდგჷმი. 9.1 მეტრაშ სიგჷრძაშ ონბარალი ღეჯიქ გოტებულქ იჸუ ინგლისიშ ცაშა 2 ქირსეთუთას. გჷნოჭყვადილი რდჷ, ნამუდა თინა ოკო მორთინაფედუკო სადგჷმიშ სვირეფ შქას, მარა ბორიაშ გეშა თენა უშულებერი რდჷ. ღეჯიქ გოდინჷ, ქაშადოხოდჷ კენტიშ ოგრაფეს, სოდეთ თინა კილაძირჷ თექიან ფერმერქ (თინა რაგადანდჷ, ნამუდა ღეჯიქ მუში ჩხოულეფი დაშქურინუნ).[154] გჷნოღალეფქ გეახალჷ მაჟირა დღას, მარა საბოლათ ქჷმოხვადჷ ღეჯიშ გჷმოსახილობაშ ელექტროსადგჷმიშ სურათშა მონტაჟიქ.[154][155]

ალბომშე მუშობაბორჯის ოავტორე თიაქ სხუნუაშ მეკონო გჷნირთჷ. ჰონორარეფი ირთუდჷ ბირეფიშ მეჯინათ. თიში უმუკუჯინუო, ნამუდა დევიდ გილმორიშ თია Dogs-იშ ინოჭარუას (ნამუთ ალბომიშ ართ ხასჷლას დახე ედომუშამო იკჷნენდჷნ), თიქ უოტერსწკჷმა ალაზიმაფათ, ნამუთ ჟირნორთამ Pigs on the Wing-იშ ავტორი რდჷნ, უმოსი მორჩილ ჰონორარი ეჭოფჷ (ეკონია ბირას ჩიება რე უოტერსიშ დო კეროლაინ ანა კრისტიშ ურთიართალაშე.[nb 6]

გილმორი დაკებული რდჷ მასუმა სქუაშ დაბადებაწკჷმა მერსხილი ოკითხუეფით დო თეშ გეშა, თიში თია ალბომშე მინიმალური რდჷ. ვართ მეისონს, ვართ რაიტის Animals-იშ ინოჭარუაბორჯის ოავტორე თია ვა ნოღვენა (თენა რდჷ ფინქ ფლოიდიშ მაართა ალბომი, ნამუშეთ რაიტი ვა რდჷ ბირეფიშ წოროავტორინ). რიჩარდის უღუდჷ პრობლემეფი ალმასქუწკჷმა დო ვართ მუში უოტერსწკჷმა ურთიართალა რდჷ სირთულეფიშ უმუშო[157] რაიტი მოგვიანაფილო ათაშ იშინანდჷ Animals-იშ დინოჭარუას:

Animals რდჷ ლოზუნგი. თიში დინოჭარუა ვა რდჷ ლექინი, მარა წორას თე პერიოდის როჯერი ირწუმებუდჷ, ნამუდა თინა რდჷ ბუნაშ ბირეფიშ აკა კაკალია ავტორინ. თის წანდჷ, ნამუდა ბუნა ხვალე თიში მეშქაშალათ რსებენს დო, არგამას, მუჟამცჷთ თიშ ეგოიზმიქ დუდი გამუკირჩქინუნ, მაართა, მიდგაწკჷმათ კონფლიქტიქ აშუნ, მა ვორდი.[158]

ალბომქ გჷშართჷ 1977 წანაშ 23 ღურთუთას[154] დო მოხვადჷ ბრიტანეთიშ ჩარტიშ #2 პოზიციას, ოდო ააშ -ს - #3-ს.[159]NME-ქ თის გიოდჷ ... დოგმეფიშ მეხჷ მეწურაფილი არძო ბორჯიშ ართ-ართი გჷშაკერძაფილ, უდუნდებუ, შურიშმუმაჯილიკარი დო ღილე მუსიკალური აკნაქიმინა, ნამუთ ბჟაშ მოლენ ჸურე გორჩქინელენ ....[159] გჷმოჩამაშ Melody Maker მასხუნალი კარლ დალასი ჭარუნდჷ: ...&nbspთენა რე რეალობაშ უჰამე ღიაბი ეკონია წანეფიშ მეძენას გორჩქინელ ვითარაფას, ნამუთ მაშუმაფალო ირდუნ ფერი რე;...[159]

სტადიონი Soldier Field (ჩიკაგო) - ართ-ართი უდიდაში არდგილი, სოდეთ ბუნას 1977 წანას კონცერტი უმანჯუნ.

ალბომი ითებუდჷ ბუნაშ ტურნეშ In the Flesh მიმალობაბორჯის. თე ტურნეს ბუნას უაპიჯაფუობას უკვე უღუდჷ არდგილი. თენა რდჷ ფინქ ფლოიდიშ თი ბორჯიშო ეკონია ტურნე, მანჯებული დიდ სტადიონეფს. ოკონცერტე აბანეფიშ მასშტაბიქ პრობლემათ გჷნირთჷ.[160] როჯერ უოტერსი ირი თენერ კონცერტიშა ხვალე მიშჷ, ბუნაშ მაკათურეფიშ უმუშო დო იტენდჷ შოუს კონცერტიშ თებაბორჯისჷნე. გილმორიშ ალმასქუ ჯინჯერს დო როჯერიშ ახალ ჸოროფილს საართო ნინაქ ვა აძირეს. ართშა გურმულირი რაიტიქ დიირთჷ ინგლისშა დო დარცქინჷ კოლეგეფს, ნამუდა ბუნას ქიდიტენდუნ. უოტერსიშო მეუღებელი რდჷ კონცერტეფს გინომეტაფილ ზიმოთი დო წოხოლენი რანწკეფს გინოლასირი მორჩქილეეფიშ აკოშაყარუა. ტურნეშ ეკონია შოუს, მონრეალს, 1977 წანაშ 6 კვირკვეს, თის ვა მათვინებუ დო ქუგაფურტინჷ სახეს ართ-ართ თინეფშენს, ნამუთ ედომუშამი კონცერტიშ მეძენას თის მუში ექსცენტრიული ერთეფით აჸალენდჷნ. მორო, ტურნეშ კონცერტეფი ხვალე უოტერსიშო ვა რდჷ მათანთალი. გილმორქ თიმ ონჯუას ვარია თქუ კონცერტიშ ბოლოს ტრადიციული ბლუზიშ მეგამაშენ დო ქჷდიტუ სტადიონი. თის თირანდჷ სნოუი უაიტი, ნამუთ რდჷ ბუნაშ ისტორიას კონცერტეფს მაართა გეძინელი მუსიკოსი.[161] გილმორი ფირქენდჷ, ნამუდა ბუნაქ უკვე ქჷმიოჭირინუ წჷმოძინას, ნამუსჷთ გორუნდჷნ დო შხვა მიოჭირინაფალი მუთუნი ვა სქიდუდჷ.[162]

The Wall

[რედაქტირაფა | წყუშ რედაქტირაფა]
თარი სტატია: The Wall დო ფინქ ფლოიდი: კიდალა.

1978 წანას გილმორქჷთ დო რაიტიქჷთ გჷშაშქვეს ოდეფიუტე სოლო-ალბომეფი David Gilmour დო Wet Dream. ჟირხოლოქ მორჩქილეეფიშ ვართ ფერი გურგაჩამალი თოჸუჯალა მიკიჭოფჷ დო ვართ ფერი წჷმოძინათ გჷმიჩამუდჷ. 1976 წანას ბუნას პრობლემეფქ გურჩქინდჷ ფინანსურ კონსულტანტ ნორტონ უორბურგწკჷმა დო თიშ კომპანიაწკჷმა Norton Warburg Group (NWG). თე ეკონია დუდენდჷ ბუნაშ არძო ფინანსურ ოკითხუს, მუდგაშეთ ირ წანას გეძინელო 300.000 ფუნტის ეთმოჭოფუნდჷნ. ბუნაშ ჯიბეშე დოხოლაფირო 1.6 - 3.3 მილიონი ფუნტიქ ინვესტირაფილქ იჸუ წამგებიან საქვარეფს, მუქჷთ ფინქ ფლოიდი ბრიტანეთის რინელ მაღალი გინაგაფურეფიშ წოხოლე უთხილუო გჷნაშქჷ. გერკვუ, ნამუდა ბუნა კჷნე ოდინუანდჷ ფარას. NWG-ქ თის წამგებიან ბიზნესეფს ფარაშ დინოდვალაშა ვა უჯიკუ ხვალენ, ვარინ აკუქიმინჷ თინერი პიჯალეფი, ნამუდა ფინქ ფლოიდი პრაქტიკულო დორხველი მუშნალიშ 83%-ის გაფულენდჷ. ურთიართალაქ კომპანიაწკჷმა მეჭყორდჷ დო თის მეთხუ დიო ინუდვალუ ფარაშ უკოხოლე დორთინაფაქ (დოხოლაფირო 860.000 ფუნტიშ, სოჸურეშეთ თინეფქ საბოლათ 740.000 ეჭოფეს).[163][nb 7]

ეშობას, 1978 წანაშ კვირკვეს როჯერ უოტერსიქ ბუნას გიწარზუ ჟირი ახალი კონცეფცია. მაართა რდჷ 90 წუნამ დემო ფირი სამუშა ჯოხოდვალათ Bricks in the Wall, ოდო მაჟირაქ უკულნეშის გჷნირთჷ როჯერიშ მაართა სოლო-ალბომო The Pros and Cons of Hitch Hiking. თიშ უმუკუჯინუო, ნამუდა მეისონით დო გილმორით უთხილანდესჷნ, მაართა ფირი მიწონეს დო გეგშეგორეს გეჸვენჯი ალბომიშ მოღეთ.[164] პროდიუსერიშ სახეთ გიშეგორეს ბობ ეზრინი, ნამუქჷთ უოტერსიშ კონცეფცია გჷნაშქჷ 40 ხასჷლამ სცენარო.[165] თინა მორჩქილეს უთხობელანდჷ თარი გერგეზიშ, ფინქიშ ამბეს, ნამუქჷთ აკიქიმინჷ უოტერსიშ ბაღანობაშ გოშინეფიშ გოლინათ (მუნერით რდჷ მუმაშ დინაფა მაჟირა მოსოფელიშ ლჷმას). მაართა 'ანგურათ კიდალას'-ით იჭყაფუდჷ ედომუშამ რანწკი უბედურობეფიშ დო ფინქიქ თიზჷმაშა დოშურდჷ ნარკოტიკეფშე დო გოჩოლერქ იჸუ მუსიკალური ინდუსტრიაშე, ნამუდა გოდიდარაფაშ მანიაქ ქიმკიჭოფჷ (თიშ პროტოტიპო ნორთობურო სიდ ბარეტიქ გჷნირთჷ). ალბომიშ დათებუს თის მუში დუდიშა გიშმუღჷ განჩინება დო ოცადჷ აკარღვას კიდალა, ნამუთ ეიოგჷ ჯარალუაშე იზოლირაფაშ ღანკითჷნ.[166]

ალბომიშ ინაჭარალო ბრაიან ჰემფრიზი, ნამუქჷთ დოშურდჷ ბუნაწკჷმა ხუთწანაშ მუშობათჷნ, ჯეიმზ გათრიქ დოთირუ.[167] 1979 წანაშ მელახის, ფინანსური პრობლემეფიშ გეშა, ფინქ ფლოიდიქ კუნტახანით ქჷდიტუ ინგლისი დო ნიცას ქჷდიხორჷ, სოდეთ სტუდიას Super Bear მუშენდჷ.[168] ბუნაშ მაკათურეფი ვანაფერო აკმიკათუდეს, მარა უოტერსიშ ურთიართალაქ რაიტიწკჷმა საბოლათ გეუფრაშჷ. თის პროდიუსერიშ სახეთ გამორსებელ ვადაქ ქჷმიაჩჷ, მარა თიშ მუშობაშ სტილქ დო აკოქიმინჯალურ თიაშ უმუშო სტუდიას მილარინაქ გჷშეჭანუ თინეფ შქას ურთიართალაშ გილალუაფა. თიქ მეჭყვადჷ სტუდიას დღაშით მუშობა დო ხვალე ონჯუას მიიშჷ. თიშ ქორწინება ხოლო პრობლემეფს წისაფულენდჷ, არდგილ უღუდჷ დეპრესიულ გენწყუალასჷთ, თის უღუდჷ დორხველი პრობლემეფი, მარა ირფელქ ხოლო უმოსო გილელჷ, მუჟამცჷთ ლეიბლიქ Columbia ბუნას უჯგუში გარიგა გიწარზუ, თინა ალბომიშ დინოჭარუას ქირსეშახ მასურენდუ-და. უოტერსიქ შხვეფშა გეხარგა მოორდჷ, მარა რაიტიქ საბოლათ ვარია თქუ ფანიაშ მეტებაშენ (ნამუთ საბერძნეთის ოხორანდჷნ). თინა იშინანდჷ: ბუნაშ მაკათურეფიშ შხვა ბაღანეფი დიო ჭიჭელეფი ორდეს, მარა ჩქიმეფქ მირდეს დო სკოლაშო ვახაზირენდით. სარიკოთ მორკუდჷ თინეფი. [169] მუშ ავტობიოგრაფიას Inside Out (2005) მეისონი ჭარუნს, ნამუდა ალბომიშ მონტაჟიშ დოჭყაფაშახ უოტერსიქ დუდო ურეკჷ ო’რურკის, ნამუთ ააშ -შა QE2-ით მეფურინუნდჷნ დო მოთხუ რაიტიშ გიშაჸათამა ბუნაშე.[170] მორო წიგნის Comfortably Numb (2008), ავტორი ვერნონ ფიტჩი ანტკიცენს, ნამუდა უოტერსიქ დურეკჷ ო’რურკის დო თხუ, მუს ქუჩიებინუდუკო რაიტიწკჷმან, მარა რაიტიქ ო’რურკის უწუ გეგნოჩი როჯერს, ნამუდა მოტირხასჷნ.[171] რაიტი ვა ალუდჷ თე უზურს დო რაგადანდჷ, ნამუდა ბუნაქ დეალჷ, უმუშებუდუკო დინოჭარუაშენ ხვალე აფუნს დო ზარხულიშ მაართა დღალეფს დო თის ვა უჩქუდჷ, ნამუდა მუდგარენ გეგმეფი უღუდესჷნ. უოტერსი გაჩემებული რდჷ დო გჷნაფულენდჷ, ნამუდა რაიტიშ თია ალბომიშ თებაშო დასაბაღ ვა რდჷ.[172] გილმორი თე პერიოდის დუბლინს ისვანჯუდჷ დო ცადჷ სიტუაციაშ დორეგულირაფა. თიქ ეჩჲუ რაიტის დო დეპიჯჷ ალარინას, მარა ქუგაშინჷ თის, ნამუდა მუში თია ალბომშე დასურო მინიმალური რდჷნ. უოტერსი თხულენდჷ რიჩარდიშ ულას, შხვა შვანს The Wall-იშ გჷშაქუმლაშენ ვარიას რაგადანდჷ. მუსხირენი დღაშ უკული, რაიტიქ, ნამუთ აჭიროთებული რდჷ ფინანსური სიტუაციათ დო კერზო ურთიართალეფით ბუნაშ მაკათურეფს შქასჷნ, ქჷდიტუ ფინქ ფლოიდი.[173] შხვეფიშ მეჯინათ, თინა კოკაინით რდჷ ხვამილაფირი (მორო თინა თეს ივარანდჷ) დო თიშ უმუკუჯინუო, ნამუდა მუში ჯოხო სოთინ ვა რჩქჷ მოთებულ ალბომიშ კაბრასჷნ, რაიტიქ იშენით იჸუ ეჭოფილქ, მუჭოთ რჩქვანელობური სესიური მუსიკოსო, ნამუთ თე საქვარუას (დო გეჸვნჯი ოკონცერტე ტურნეს) ხეშფარას ეთმოჭოფუნდჷნ. [174] ალბომიშ აკოქიმინუაქ გეგინძორჷ 1979 წანაშ ზარხულშახ. მარაშინათუთას ბირეფიშ წორომეჸუნალაქ დოდგინელქ იჸუ, რაიტიქ აკარსულჷ მუში საღალეეფი (მორო, სესიური მუსიკოსეფიშ ალარინათ). სტუდიური სესიეფიშ ბოლოს, მეისონქ ხონარიშ მიქსშე მუშობა უოტერსის, გილმორს, ეზრინს დო გათრის მიანდჷ დო გეგნოფურინჷ ნიუ იორკიშა, ოდებიუტე სოლო-ალბომშე, Nick Mason's Fictitious Sports ქოუმუშებუდუკონი.[175]

ალბომიშ პრომო-კამპანია მითმეურდჷ სინგლიშ Another Brick in the Wall (Part II) მოხვარათ, ნამუთ რდჷ ფინქ ფლოიდიშ მაართა სინგლი, გჷშაშქუმალირი ბრიტანეთის მიარეწანაშ მოსვანჯაშ უკული. მუჭოთ ააშ -ს, თაშნეშე გოართოიანაფილ ომაფეს თინაქ ჩარტეფიშ ოდუდეს ქჷმოხვადჷ.[176] RIAA-შ გჷმოკითხირს Another Brick in the Wall (Part II) 2001 წანას ჯოხოდვალირქ იჸუ ოშწანურაშ ართ-ართ ბირათ (365 ბირა შქას).[177]The Wall გჷშართჷ 1979 წანაშ 30 გერგობათუთას დო ბილბორდიშ ჩარტის 15 მარათ ქჷმოხვადჷ.[178] RIAA-ს არძო ბორჯიშ 100 საუჯგუშო ალბომიშ ჩარტის The Wall იკჷნენს #4 აბანს, ააშ-ს გიმოჩამილი 23 მილიონი ანგით. [179]თინა კჷნე სქიდუ ბუნაშ ართ-ართ ბესტსელერო.[180] ალბომიშ კაბრა წჷმარინუანს ართ-ართ ჩინებულ მინიმალისტურ დიზაინს - ანგურეფიშ ჩე კიდალაშ სახეთ, ბუნაშ დო ალბომიშ ჯოხოდვალაშ უმუშო. The Piper at the Gates of Dawn-იშ უკული თენა რდჷ ფინქ ფლოიდიშ მაართა კაბრა, ნამუთ ვა ჸოფე აკოქიმინელი სტუდიაშ Hipgnosis-იშით.[181]

ალბომიშ უკული იმანჯჷ ოკონცერტე ტურნექ მასშტაბური ოსცენე დოდგუმათ. ჯერალდ სკარფი, პოლიტიკური კარიკატურისტი დო ანიმატორი, ნამუთ უკვე მუშენდჷ ბირაშ Another Brick in the Wall (Part II) პრომო-ვიდეო დო ალბომიშ გოფორმაფას გჷმორინაფილი პერსონაჟეფიშ (ფინქის, თიში ნანაშ, ალმასქუშ, მაგურაფალიშ დოშ შხვეფიშ) აკომუშებაშე, აკმოქიმინუნდჷ ტურნეშ მიმალობაბორჯის გჷმორინაფილ ანიმაციურ სეგმენტეფს. თინეფ შქას რდჷ მუმალიშ კოშმარული რწყებეფი - ცას აფეთქებული ტორონჯი, ნამუთ გიგანტურ უჩა კიღურათ გინმირთუდჷნ. ოკონცერტე გჷშულეფშე იხაზირჷ დიდი ომბარალი ფიგურეფქ დო მარიონეტეფქ.[182] ტურნეშ მიმალობაბორჯის ურთიართალეფქ ბუნას ბოლოშა გილელჷ, თიზჷმაშა, ნამუდა თინეფიშ კერზო ფურგონეფი ართიანიშ წოხოლე თეშ გერდჷ, ნამუდა კარეფი შხვადოშხვა გეზათ გჷშმეშჷ, ოთხური ართიანს ვაკოხვალამუდუკონ. უოტერსი ოკონცერტე დარბაზეფშა მუშ მანქანათ მიშჷ დო ბუნაშ მაკათურეფშე ზოხო, მუში ზალამით გიშაგორილ სასუმაროეფს სქიდუდჷ. რაიტიქ დირთჷ უბრალეთ გეძინელი მუსიკოსიშ სახეთ, მარა ქჷდოსქიდჷ ბუნაშ აკა კაკალია მაკათურო, ნამუქჷთ თე ტურნეშე მერეთი მოგება, 600.000 ფუნტი ეჭოფუნ (რახან ბუნაშ დოსქილადირ მაკათურეფქ მუნეფიშ ბიუჯეტი კჷნე ფინქ ფლოიდწკჷმა მერსხილ ოკითხუეფს ქჷმახვარეს, ოდო რაიტი ოფიციალურ ხეშფარას ეთმოჭოფუნდჷ. [183]

The Wall თაშნეშე გჷნოღალირქ იჸუ კინოეკრანშა. დუდშე გეგმელი რდჷ ბუნაშ ოკონცერტე გჷშულეფიშ დო ანიმაციური სეგმენტეფიშ ართო დამონტაჟება. მარა ოკონცერტე კადრეფიშ გჷნოღალაქ უმუწუძინუქ იჸუ. რეჟისორი ალან პარკერქ ფილმიშ გჷნოღალას შხვანერი რწყებათ მეუდირთჷ. თის ოკოდჷ ანიმაციური სეგმენტეფიშ, ირნერ გეძინელი დიალოგეფიშ უმუშო დოტება. სახიობიშ როლს უოტერსი ხოლო ქოსინჯეს, მარა თარი როლი ვა მეჩეს. ბობ გელდოფიქ, ნამუსჷთ გჷწარზის ფინქიშ როლიშ რსულებან, დეალჷ, მორო გიმაძიცეთ უჯინედჷ ფილმიშ სიუჟეტის დო უძახუდჷ თის ბორულს.[184]თინა ხვალე თით დიალეს, ნამუდა ფინქ ფლოიდი: კიდალა მასშტაბამ პროექტი რდჷ დო ოსახიობე ჰონორარი ხოლო დიდ თანხას წჷმარინუანდჷნ. გჷნოღალეფიშ პერიოდის უოტერსიქ 6 მარაშ დინახალე ქჷმისვანჯჷ, მარა დორთაშვანს კილაძირჷ, ნამუდა პარკერქ ფილმიშ ბრელი სეგმენტი დორხველი გემას ქჷმეუხუჯუნჷ. როჯერქ გეჸალჷ დო თიწკჷმა გადარი გომანჯჷ. პარკერქ ქჷდირცქინჷ პროექტიშ დოტებათ.

ბუნაშ დოსქილადირ მაკათურეფქ ფილმიშო ინაჭარეს სტუდიურ ალბომშა მიშაღალირ ბირეფიშ გინორთელი ვერსიეფი ხოლო. ფინქ ფლოიდი: კიდალაქ 1982 წანაშ მესის წჷმორინაფილქ იჸუ კანიშ კინოფესტივალიშ ფარგალეფს. ბრიტანეთის თიქ გჷშართჷ კჷნე თი წანაშ კვირკვეს, ოდო შხვა თუთეფიშ განწხანს - შხვა ქიანეფს.[185]

უოტერსიშ ლიდერობათ (1978–83)

[რედაქტირაფა | წყუშ რედაქტირაფა]

The Final Cut

[რედაქტირაფა | წყუშ რედაქტირაფა]
თარი სტატია: The Final Cut.

ფილმის ფინქ ფლოიდი: კიდალა ართნერ საუნდთრეკო ინოფირქებული რდჷ პროექტი სამუშა ჯოხოდვალათ Spare Bricks (მარგ. ომათირე ანგურეფი). თიშე მუშობას აკოხვადჷ ფოლკლენდიშ ლჷმაშ მოლინეფქ. უოტერსიქ დოთირუ გეზა დი მუშობა რსულაშე ახალ მოღეშე ქჷდიჭყჷ. თიშ არზით, მარგარეტ ტეტჩერიშ გამა კოკეფშა მიშაჭკირუაშე შოვინისტური დო უარდგილე რდჷ, დო ახალი ალბომი, ნამუსჷთ გჷმოკვათილო მიკოჭარუდჷRequiem for a Post-War Dream (მარგ. [პოსტ-ოლჷმარი ნარტიშ რექვიემი), მუში მუმაშ გოშინას მეუჯღუნჷ. როჯერსი დო დევიდი შქას არდგილი უღუდჷ გადარს ალბომშა მიშაღალარი მოღეშ გეშა. გილმორი კოროცხუნდჷ, ნამუდა თის აკოშაყარელი ოკო ჸოფედუკო ედომუშამი ახალი მოღე დო ვართ ხვალე ომათირე ანგურეფი. ბანაკის პრობლემეფიშ მონწყუმას ოცადუდჷ კომპოზიტორი მაიკლ კემენი, ნამუთ The Wall-იშ ორკესტრულ ნორთიშე რდჷ გამამინჯე. თიქჷნე ეჭოფჷ მუში დუდიშა რიჩარდ რაიტიშ როლიშ რსულება დო მიოგჷ არძო კლავიშამ ინსტრუმენტის. ჯეიმზ გათრი კჷნე მუშენდჷ ხონარიშ ინჟინერიშ სახეთ, ოდო ნიკ მეისონს ჟირი სესიური მუსიკოსიქ მეხვარჷ. დინოჭარუა მითმეურდჷ ბრუო სტუდიას (ნამუეფ შქას რდჷ გილმორიშ დინოხოლენურ სტუდია ჰუკენდიშ ბაბათის დო უოტერსიშ სტუდია ბჟაეიოლ შინს. პრობლემეფი ბუნას ხოლო იძინანდჷ. უოტერსით დო გილმორით ზოხო-ზოხო მუშენდეს, მარა გილმორი გურმულირი რდჷ დო კომპოზიციურ ნწყილობაშეთ ვა ფირქებედჷ. უოტერსიქ მოთვინა მიოდინუ, უღვარანდჷ კემენს, ნამუქჷთ თიზჷმაშა დოშურდჷ, ნამუდა ართ-ართი სესიაშ ბორჯის ქაღარდის ქჷდიჭყჷ ფრაზაშ I Must Not Fuck Sheep ჭარუა.[186] საბოლა აწორინალაშ უკული გილმორიშ, მუჭოთ ალბომიშ წოროპროდიუსერიშ ჯოხოქ, ეშაღალირქ იჸუ ალბომიშ ანოტაციაშე, მუთ ხოლო ართიშა უსვანდჷ ღოზის თის, ნამუდა უოტერსის თიში თია ვა ობაღინუანდჷნ. [187] მეისონიშ თია ხოლო მინიმალური რდჷ, თიშენი ნამუდა თინა უმოსი ბორჯის უთვენდჷ ალბომს გჷმორინაფილ სტერეო სისტემაშ Holophonic დოგურაფას. კერზო რინას თის პრობლემეფი უღუდჷ დო ინოჭარუაშე დუც შორს იკჷნენდჷ.[188]

დიზაინ სტუდია Hipgnosis თე ბორჯიშო აკოფაჩილი რდჷ, მარა სტორმ თორგერსონი, თიშ უმუკუჯინუო, ნამუდა თინა იშენი აკმოქიმინუნდჷ კაბრეფიშ დიზაინსჷნ, მითინქ ვა მიჭანუ. უოტერსიქ ალბომიშ კაბრაშე დუდო ისოფჷ, ქიჭანუ მუ სინჯაჸა, უილი კრისტი, ნამუთ ალბომიშო ფოტოსურათეფს გინმიღანდჷ (თიშით თაშნეშე გჷნოღალირქ იჸუ ფილმი ალბომიშ მეჯინათჷნ.[188] The Final Cut გჷშართჷ 1983 წანაშ მელახის დო მოხვადჷ ბრიტანეთიშ ჩარტიშ #1 დო ააშ ჩარტიშ #6 პოზიციას. ალბომს უოტერსი მეწურაფილი რე, მუჭოთ არძო ტექსტიშ დო ედომუშამო მუსიკაშ ავტორო.[189] გილმორს თი პერიოდის ალბომიშო ახალი მოღე ვა უღუდჷ, ათეშენ თიქ უოტერსის თხუ, კუნტახანით გეგნუდვალუდუკო ხონარიშინმაჭარალი სესიეფი, სოიშახ თინა მუში ბირეფს მიღანდუნ, მუდგაშეთ როჯერქ ვარია უწუ. [190] მოგვიანაფილო დევიდი იშინანდჷ: მუ რაგადი ოკო, მა ხოლო დუვაშე, რახან მა ხოლო ლანთირია ვორდი...მარა ვართ თინა რდჷ მართალი თე ალბომს მუსხირენი ბორულ ბირაშ გეძინათ. მეისონიშ ალებათ, გადარიშ მოღალუთ გილმორიშ ჯოხოქ გოდინჷ ალბომიშ ანოტაციაშე, თიშ უმუკუჯინუო, ნამუდა ჰონორარქ იშენით ხვადჷნ.[191] ალბომიშე სინგლიშ სახეთ გჷშართჷ Not Now John (აკა კაკალია ბირა თე დისკის, ნამუსჷთ გილმორიშ ვოკალი ისჷმედჷნ), სოდეთ ფრაზა Fuck all that დოთირეს Stuff all that-შა, გჷმოჩამა Melody Maker-ქ ალბომს გიოდჷ ... დიდი ეტაპი ოშქურანჯობაშ ისტორიას ..., როლინგ სტოუნქ თის მეჩჷ ხუთი მურიცხი, ოდო თიშ მასხუნალ კურტ ლოდერქ ეშანჷ, ნამუდა თენა რე შხვადოშხვა კრიტერიუმით უმაღალაში დონეშ მეჭირინაფა დო არტ როკიშ დჷმაგვირგვინაფალი შედევრი.[192] თე ბორჯისჷნე თინა თის სხუნუნდჷ, მუჭოთ როჯერ უოტერსიშ სოლო-ალბომს.[193]

„ეშაწირილი ძალა“

[რედაქტირაფა | წყუშ რედაქტირაფა]
დევიდიშ გჷშულა ბრიუსელს 1984 წანას, ტურნეშ About Face ფარგალეფს.

1984 წანას გილმორქ მაჟირა სოლო ალბომი, About Face დინაჭარჷ დო თის თიმ პერიოდის მუშო ოჭუებელი მუსხირენი ოკითხუ ხოლო ქოშნუ, მუნერით რდჷ ჯონ ლენონიშ ჸვილუა დო ურთიართალა უოტერსწკჷმა. მოგვიანაფილო თინა ეშანჷნდჷ, ნამუდა ალბომით ცადჷ ფინქ ფლოიდწკჷმა მოჩილათა. უოტერსიქ ეშობას დინაჭარჷ სოლო-ალბომი The Pros and Cons of Hitch Hiking (ნამუდგაშ მოღე სტუდიაშა დიო ხოლო 1984 წანას მიღჷ, მორო კოლეგეფიშ ჸურეშე მოწონა ვა დიინალუ).[194] 1984 წანას როჯერქ სოლო ტურნე ხოლო ქჷმჷწიჭყჷ, სოდეთ არსულენდჷ ფინქ ფლოიდიშ ჩინებულ ბირეფს დო The Pros and Cons of Hitch Hiking-ის, რსული სახეთ. რიჩარდ რაიტიქ ეშობას დეივ ჰარისწკჷმა ართო დარსხუ პროექტი Zee დო დინაჭარჷ ალბომი Identity, ნამუქჷთ დახე უძირაფუო ქჷდოდსქიდჷ. თე პერიოდის რიჩარდი ალმასქუწკჷმა დათხიაშე ფირქენდჷ დო მოგვიანაფილო ეშანჷნდჷ: ... ალბომქ ინიჭარჷ ჩქიმი რინაშ თინერ ეტაპის, მუჟამცჷთ დინაფილი ვორდინ.[195] მეისონქ 1985 წანაშ მარაშინათუთას გშაშქჷ ხოლო ართი სოლო ალბომი Profiles, სოდეთ ვოკალისტიშ სახეთ გილმორი ხოლო ოკათუდჷ, ბირას Lie for a Lie.[196]

თიშ უკული, მუთ უოტერსიქ ფინქ ფლოიდი „ეშაწირილ ძალათ“ გჷმაცხადჷნ, თიქ ქჷმიარსხუ ო’რურკის, მუმალუს ჰონორარეფიშ გორთუალშე ქუჩიებინუდუკონ. ო’რურკიშო თე ამბეშ გილმორშა დო მეისონშა ჩინება სირთულას წჷმარინუანდჷ დო აშჷმოთებულ უოტერსის გჷნოჭყვადილ აფუდჷ თიშ, მუჭოთ ბუნაშ მენეჯერიშ, მოჩილითაფა. თიქ ქჷმიოწურუ უმაღალაშ სასამართოს, თხუალთ, ფინქ ფლოიდიშ ჯოხო ვა გიმურინუაფუდუკონ[196] თიშ ადვოკატეფქ კილაძირეს, ნამუდა წორომოხანდობა ო’რურკი დო ბუნაშ დოსქილადირ მაკათურეფ შქას ფორმალურ ხასიათის ვა ატარენდჷნ, ათეშენ როჯერქ დიირთჷ სასამართოშა, ჯოხოშა ფინქ ფლოიდი ვეტო ქჷგეუდვალუდუკონ. გილმორიშ ბუნაქ თის უგამჷ უნელი პრეს-რელიზით თიშ გეშა, ნამუდა ფინქ ფლოიდი გაგჷნძორენდჷ რინასჷნ. მორო გილმორქ გჷშაშქუმალას Sunday Times გუცხადჷ: როჯერი გაჸალებური ჯოღორი რე დო მა თის მივანტებუქ;....[197]

უოტერსიქ ჭარილით ქჷმიოწურუ EMI-ის დო Columbia-ს დო გუცხადჷ, ნამუდა ბუნას იტენდჷნ დო ოკოდჷ, ნამუდა თიშა კონტრაქტით გოთოლწონაფილი საღალეეფი მოუნწყუმუდესკონ. გილმორი დორწუმაფილი რდჷ, ნამუდა უოტერსიშ გჷნოჭყვადირუა ნანჭუეფი რდჷნ. როჯერქ მოგვიანაფილო გენწყჷ, ნამუდა ზეკი რდჷ ახალი მუსიკალური მოღეშ უღვენობა. ფინქ ფლოიდი, თიშ არზით, აკმარღვანდჷ კონტრაქტის, მუთ შანენდჷ, ნამუდა ჰონორარეფი ლეიბლიშე დეგვიანუანდჷ დო ანტკიცენდჷ, ნამუდა ბუნაშ შხვა მაკათურეფქ თიშა გოლინა მახვამილეს, მოთხუეს მუ ბუნაშე ულა დო დარცქინეს სასამართოს ჩიულინ. თინეფიშ საქვარი კჷნე ისხუნუუდჷ, მუჟამცჷთ უოტერსიქ ო’რურკი გეკისერაფილი საღალეეფშე გადუდიშალჷ დო თიშ აბანშა პიტერ რეჯი ქჷმიჸონჷ.[196] დუდო როჯერქ იმუშუ ფილმიშ მუჟამცჷთ ბორია ირქენსჷნ საუნდთრეკიშე[198], თეშინეშეს მუჭოთ მაჟირა სოლო-ალბომშე, Radio K.A.O.S..[199]

გილმორიშ ლიდერობათ (1986–1995)

[რედაქტირაფა | წყუშ რედაქტირაფა]

A Momentary Lapse of Reason

[რედაქტირაფა | წყუშ რედაქტირაფა]
თარი სტატია: A Momentary Lapse of Reason.
ხონარიშინმაჭარალი სტუდია ასტორია

უოტერსიშ ალბომიშ Radio K.A.O.S. 1987 წანაშ მანგის გჷშაშქუმალაშ პარალელურო, გილმორიშ ბანაკის მითმეურდჷ ახალი მუსიკოსეფიშ მიკოჭოფუა. დევიდი გეგმუნდჷ როჯერიშ უმუშო ფინქ ფლოიდიშ მაართა დისკიშ (მუმალუს - A Momentary Lapse of Reason) დინოჭარუას. მოღეშე მუშენდეს ჩინებული მუსიკოსეფი, მუნერეფით რდეს ჯონ კერინი დო ფილ მანზანერა. სტუდიას თინეფს ბობ ეზრინქჷთ ქახოლჷ.[200] გილმორს თაშნეშე ქჷმიარსხუ რიჩარდ რაიტიშ ახალი ალმასქუქ. თიქ გეგჷ ალბომშე მუშობაშ გეშა ი დოკითხჷ, ქიშილებედჷ დო ვარი თე სესიეფს თიშ ალმასქუშ კათინი. გილმორქ გეთოლწონჷ თიში თხუალა, მარა რაიტიშ ბუნაშა დორთინაფას შხვადოშხვა იურიდიული ოკითხუ აწმუდირთუდჷ. ჰემპსტედის რიჩარდწკჷმა აკოხვალამაშ უკული მოხვადჷ თიშ ეკონწყუალაქ, მორო - რსულნებამი მაკათურიშ სახეთ ვარი.[201] მოგვიანაფილო, კარლ დალასწჷმა ჩიებაბორჯის დევიდი ეშანჷნდჷ, ნამუდა რიჩარდიშ დორთა ფინქ ფლოიდის უმოს იურიდიულ დო მუსიკალურ ენერგიას არზენდჷ. თიქ კჷნე იჸუ ეჭოფილქ სესიური მუსიკოსიშ სახეთ, ნამუსჷთ მარას 11.000 ააშ დოლარს უგანდესჷნ.[202][203] ალბომიშ დიდი ნორთიქ ენიჭარჷ წყარმალ თემზას მანჩურალ სტუდია „ასტორიას“. ჯეიმზ გათრიშ კოლეგა, ენდრიუ ჯექსონი, თიშე ხონარიშ ინჟინერიშ სახეთ მუშენდჷ. ბირეფიშ ტექსტეფშო გილმორქ ერიკ სტიუარტიშ დო როჯერ მაკ-გაუშ მანგურ პიჯეფს ქჷმიოწურუ, მარა საბოლათ მიწონუ ენტონი მური.[204] დევიდი აღიარენდჷ, ნამუდა უოტერსიშ უმუშო თე პროექტიშ მოთება რთული რდჷ.[205] ნიკ მეისონს აწუხენდჷ, ნამუდა პრაქტიკაშ უღვენობაშ გეშა, თის გვალო დაჭყორდჷ მეგამაქ დო ალბომიშ ხონარიელ ეფექტეფით დეკავჷ. ბორჯგჷშქუმალირო გიოშქუმალარ ინსტრუმენტეფს თის შხვა მუსიკოსეფი თირანდეს. წოხოლენ ალბომიშე გინორთელო, A Momentary Lapse of Reason-ქ ინიჭარჷ ფირმაშ Mitsubishi 32 არხამ ციფრულ ინმაჭარალშა, Apple-იშ კომპიუტერშა MIDI სინქრონიზაციათ.[206][207] უოტერსიქ ართშა, ალმასქუწკჷმა ართო დუდო ესურჷ სტუდიას, ეზრინს აკოხვალამუდუკონ. რახან თინა დიო ხოლო ფინქ ფლოიდიშ მუსიკაშე ჰონორარეფს ეთმოჭოფუნდჷნ, თის შეულებუდჷ ჸოფილი კოლეგეფიშ ჸურეშე ეჭოფილი ნამდგარდია გინოჭყვადირაფაშ აკოჩემება. ათეშენ დევიდიქ გჷნოჭყვადჷ ხონარიშინმაჭარალი სესიეფიშ სტუდია Mayfair-შა დო უკული - ლოს ანჯელესიშა გჷნოღალა: გოსოფური რდჷ. ადვოკატეფი ვა მაწუხენდეს ინოჭარუაშვანს, რახან ჩქინი ბორჯით სერით მირეკუნდეს.[208]

ალბომქ გჷშართჷ 1987 წანაშ ეკენიას. სტორმ თორგერსონი დართინეს კაბრეფიშ დიზაინერო.[209] მაართათ, ალბომიშ Meddle პერიოდიშე, ფირფიტაშ კონვერტიშ დინოხოლენ განს წჷმორინაფილი რდჷ მეისონიშ დო გილმორიშ სურათეფი. [nb 8] გჷშულაშენო დისკიქ მოხვადჷ ბრიტანეთიშ ჩარტიშ #3 აბანს, ოდო ააშ -ს მაართა არდგილეფშე გეგმაჸათჷ მაიკლ ჯექსონიშ Bad დო უაითსნეიკიშ ეპონიმური ალბომი. თიში უმუკუჯინუო, ნამუდა გილმორი ალბომს კოროცხუნდჷ ბუნაშ საუჯგუშო ფორმაშა დორთათჷნ, რაიტი თიშ პოზიციას ვა უხუჯანდჷ, იჩიებუდჷ მუ, ნამუდა როჯერიშ ჸურეშე კრიტიკა სამართლიანი რე. თენა შურო ვა რე ბუნური ალბომი.[210] ჟურნალიშ Q არზით, ალბომი ჯინჯიერო გილმორიშ სოლო-ცადებას წჷმარინუანდჷ.[211] უოტერსი იჩიებუდჷ: მა მოგონჷ, თინა დასაბაღას დაღარი რე, მარა ჯგირი გაყალბება რე. ჯინჯიერო ბირეფი ღარიბი რე, ტექსტეფი ვუდუმაჯერებელი. გილმორიშ ტექსტეფი მასუმახარისხამი რე.[212]

ალმაჸვენჯი ოკონცერტე ტურნეშ დაჭყაფუ სირთულეეფწკჷმა რდჷ მერსხილი. უოტერსიქ ეცადჷ თიშ გაჩემება, ქჷმიარსხუ ააშ -ს არძო პრომოუტერს დო დარცქინჷ გილმორს დო მეისონს, ნამუდა ბუნაშ ჯოხოშ გჷმორინაფაშენ სასამართოს ქუჩიულუდჷნ. თანხეფქ ტურნეშ დაფინანსებელო გილმორქ დო მეისონქ მუნეფიშ ძალეფით აკოკორობეს. რახან პრომოუტერეფს ვა მეწონეს უოტერსიშ რცქინაქჷნ, ტორონტოშ კონცერტის ბილეთეფქ ხაზირებულქ იჸუ დო მუსხირენი საათშა გეგმიჩინჷ.[213] ტურნეშ რეპეტიციეფი ქაოტურ ხასიათი ატარენდჷ. მეისონი დო რაიტი კჷნე წისაფულენდეს სირთულეეფს მუსხირენი წანამ პრაქტიკაშ უღვენობაშ გეშა. ააშ -ს თინეფიშ ტურნეშ დოჭყაფაშ პერიოდის როჯერიშ შოუშ Radio K.A.O.S. სერია ეშმიწირუდჷ. ბუნაშ ჸოფილ ბას გიტარისტიქ სუმურიშ მაკათურეფს აუკრძალჷ მუშ კონცერტეფს გჷმორჩქინა, [nb 9] ნამუეფით იმანჯუდჷ ფინქ ფლოიდიშ წოხოლენი ტურეფწკჷმა ალაზიმაფათ უმოსი მორჩილი დარბაზეფს. მუჟამცჷთ უოტერსიქ გჷნოჭყვადჷ, უჩიულუდუკონ თინეფშა ომბარალი მაფურინჯე ღეჯიშ ორიგინალური კონცეფციაშ გჷმორინაფაშენინ, ფინქ ფლოიდიშ შოუეფს გჷმორჩქინდჷ გოშხვანერაფილ ომბარალი სქილედიქ - მუმულიშ ოსქესე ორგანოეფით, მუდგათ თინეფქ დუდუშე გეიჩილითუეს სასამართოეფშა გილულა.

მორო, 1987 წანაშ გერგობათუთაშო, უოტერსიქ კჷნე გეაქტიურჷ დო საბოლათ, 23 ქირსეთუთას, სასამართოშ გჷნოჭყვადუათ, აკოდირთჷ თინეფიშ აპიჯაფაქ. მეისონ დო გილმორს ქჷმიაჩჷ ნებაქ, გეგმურინუაფუდესკონ ბუნაშ ჯოხო, ოდო უოტერსი გეჭოფუნდჷ ოავტორე ჰონორარეფს თინეფიშ შოუეფს ფინქ ფლოიდწკჷმა მერსხილი (სამანგათ, The Wall-იშ) ელემენტეფიშ გჷმორინაფაშენ (მუდგასჷთ თის ხოლო ოავტორე თია უღუდჷნ). ბორჯგჷშქუმალირო პრესას უოტერსი თინეფს ჸინჩას მიშინუანდჷ, მარა გილმორიშ დო მეისონიშ პროექტიქ თიშ უზურეფი ბუნაშ, მუჭოთ ეშაწირილი ძალაშ გეშა, ხვალე ივარუ.[215] გჷშაშქუმალაქ The Sun გჷმაბჟინუ სახალისო ისტორია უოტერსიშ გეშა, ნამუქჷთ ითამ ართ-ართ ხანტუს გინუგჷ ფარა, ტუალეტიშ ქაღარდი ქოუღოლამუდუკონ გილმორიშ ამნახანტით, მარა უოტერსიქ თე ციორი ივარუ, მორო ეშანჷ, ნამუდა ვართ ფერი გლახა არზი რდჷნ.[216]

The Division Bell

[რედაქტირაფა | წყუშ რედაქტირაფა]
თარი სტატია: The Division Bell.

მუსხირენი წანაქ გამუკორთჷ ბუნაშ სუმხოლო მაკათურიშ კერზო ოკითხუეფიშ გარკვიას. მეისონქ დო გილმორქ ქაკათეს მექსიკას მანჯებულ ავტორალს Carrera Panamericana დო ელმაჸუნე ფილმიშო, La Carrera Panamericana მუსიკაშ აკოქიმინუას.[217] გილმორქ დეთხუ ალმასქუ ჯინჯერს, მეისონქ ჩილო მიჸონჷ არტისტი ანეტ ლინტონი.[218] 1993 წანაშ ღურთუთას ბუნაქ სტუდიაშ Britannia Row გოახალაფირ ნოდგჷმს მუშობა ქჷდიჭყჷ ახალ ალბომშე. მუსხირენი დღაშ განწხანს გილმორი, მეისონი დო რაიტი ართო მიოგანდეს დო ახალ მოღეს ახაზირენდეს. ჟირი მარაშ უკული თისხი იდეაქ აკიშაყარჷ, ნამუდა ბირეფიშ აკოქიმინუა დუდიშულო შილებედჷ. [nb 10] ბუნას აკათჷ ბობ ეზრინქ დო დისკიშ დინოჭარუაქ გეგინძორჷ ასტორიას. 1993 წანაშ ფურთუთაშე მესიშახ ბუნაქ დოხოლაფირო 25 ბირა სხუნჷ.[220] რაიტის კჷნე ვა უღუდჷ ოფიციალური კონტრაქტი, მუჭოთ ბუნაშ რსულჸოფილ მაკათურს. ირფელქ თეიშა ქჷმერთჷ, ნამუდა ალბომიშ დინოჭარუა ხოლო ვა მოკოდჷ,[221] იშინანდჷ რიჩარდი დო რაგადანდჷ, ნამუდა თენა ძალამს აწუხენდჷნ. თეშ უმუკუჯინუო, თინაშა მაართათ, 1975 წანაშე, მეწურაფილქ იჸუ, მუჭოთ ბირეფიშ წოროავტორშა. ხოლო ართი წოროავტორი რდჷ გილმორიშ ჸოროფილი, პოლი სემსონი. თის ორხველუდჷ ბირაშ High Hopes დო მუსხირენი შხვა კომპოზიციაშ ტექსტეფი. ეზრინიშ თქუალათ,თიშ უმუკუჯინუო, ნამუდა სიტუაცია ალბომშე მუშობაბორჯის გილალუაფირი რდჷნ, წორას თე წორომოხანდობაქ იღვენუ გოლინა ალბომიშ საბოლა მოთებაშე.[222] სემსონქ დიდი გოლინა იღვენუ დუდო დევიდშათ, ნამუქჷთ ჩილწკჷმა დათხიაშ უკული ქიმიარჩქვანჷ კოკაინსჷნ.[223] ალბომიშ არანჟირებაშე შხვეფწკჷმა ართო მაიკლ კემენი ხოლო მუშენდჷ.[220] დიკ პერიქ დიირთჷ საქსოფონისტიშ სახეთ. ხონარიშ მიქსიშა ხოლო ართი ჯვეში ნაჩინებუქ, კრის თომასი მუშენდჷ.[224] ალბომიშ გჷშაშქუმალა თიმ წანაშ შხვა გურგაჩამალი დისკეფიშ გჷშაშქუმალას ვა აკოხვალამუდუკონ თიშენი, ბუნაქ დოშანჷ უძგალაშ თარიღი - 1994 წანაშ დალია. კჷნე თე პერიოდიშო იგეგმუაფუდჷ ახალი ოკონცერტე ტურნეშ დოჭყაფა. ალბომიშ დუდჯოხო მუთმურს ბირაშ High Hopes ლაწკარშე. თიქ გჷშაგორილქ იჸუ ჭარუ დაგლას ადამსიშით. სტორმ თორგერსონიშით აკიქიმინჷ მუჭოთ კაბრაშ დიზაინქ[225], თაშნეშე ამშვი ახალი ვიდეოსიუჟეტიქ, ნამუთ ოკონცერტე ტურნეს პროექციეფიშ სახეთ გჷმირინუაფუდჷნ.[226]

კალიფორნიას, ნოღა სან ბერნარდინოს, ბუნა ამშვი მარაშ მეძენას მუშენდჷ ახალ შოუშე.[227] 29 მელახის, მაიამიის, ქჷდიჭყჷ კონცერტეფიშ სერიაქ, ნამუშეთ მუშენდჷ დახე კინ თი პერსონალი, მით წოხოლენი ტურნეს, Momentary Lapse of Reason. გინორთა რდჷ თი ჸურე, ნამუდა რსულებური ბირეფიშ ერკებულს გიაძინჷ დახე არძო კომპოზიციაქ ალბომიშე The Dark Side of the Moon, ოდო ეკონია კონცერტეფს თინა ედომუშამი სახეთ ირსულებუაფუდჷ, კონცერტიშ მაჟირა გჷნართას.[228] ბუნაქ გაახალჷ ურთიართალეფი პიტერ უინ უილსონწკჷმა [229] მუჟამცჷთ ბუნაშ ტურნექ ევროპაშახ მიოჭირინუნ, როჯერ უოტერსის გჷწარზის ბუნაწკჷმა ართო კონცერტეფშა გჷშულა, მარა თიქ მიბაძაძჷ თინა, ნამუდა ფინქ ფლოიდიშ ბირეფი კჷნე ირსულებუაფუდჷ დიდ მოედანეფს დო ვარია თქუ. გურგაჩამალი რე, ნამუდა ერლს კორტიშ კონცერტეფიშ სერიაშ დოჭყაფაბორჯის, მაართა ონჯუაშენო დარბაზის აკოცუ 1200 არდგილამ დახუნალი იარუსიქ. თიშ უმუკუჯინუო, ნამუდა სერიოზულო მითინ ვაგავალებენ, კონცერტი გეჸვენჯი დღაშო გეგნოდვეს.

ტურნექ მისურჷ 29 გჷმათუთას დო 2005 წანაშახ ბუნას ოკონცერტე გჷშულა ვა ნოღვე. კონცერტეფიშ მეჯინათ აკოდგინელქ იჸუ 1995 წანას გჷშულირი ცოცხალი ალბომქ Pulse დო ოკონცერტე ფილმი (ეკონია - ხვალე ერლს კორტიშ კონცერტეფიშ მეჯინათ).[230]

2005 - ამუდღარშახ

[რედაქტირაფა | წყუშ რედაქტირაფა]
ბუნაშ გჷშულა კონცერტიშ Live 8 ფარგალეფს
დევიდ გილმორი Live 8-ს

2005 წანაშ 2 კვირკვეს ოჩეჟქიმინჯალე კონცერტის Live 8 აკოდირთჷ ფინქ ფლოიდიშ კლასიკური აკოდგინალუაშ მაართა გოართოიანაფაქ ეკონია 24 წანაშ მეძენას .[231] თენერ აკოხვალამაშე ისოფჷ ბობ გელდოფიქ, მარათონიშ ორგანიზატორქ, ნამუქჷთ უმოსი ორდოშე ურეკჷ ნიკ მეისონს დო გჷწარზუ ბუნაშ აკოკათუა. თეიშახ გელდოფის გილმორიშა თენერი გჷწორზია უკვე უღუდჷ, მარა დევიდიქ ვარია უწუ. ათეშენი ბობიქ შქაშიმალობა ნიკის თხუ. თეშ მანგიორ, მეისონქ დუდო დოურეკჷ როჯერ უოტერსის, ნამუქჷთ თიმ მერქასჷნე ენთუზიაზმით აკოხვადჷ თენერ მოლინას. პრესას გჷმიბჟინუ განცხადებეფქ, ნამუდა ბუნაშ მაკათურეფ შქას პრობლემეფიშ უმუკუჯინუო, კოლექტივი აკიკათუდჷ აკა კაკალია კონცერტიშო. ორსულებერი ბირეფიშ ერკებული დაგეგმეს სასუმაროს The Connaught (ლონდონი), მუსჷთ მაჸუნჷ სტუდიას Black Island სუმდღალამ რეპეტიციეფქ. ორეპეტიციე სესიეფიშ მიმალობაბორჯის მუსიკოსეფ შქას ურთიართალა უპრობლემეთ მითმეურდჷ, უშანულამე უაპიჯაფუობეფით ბირეფიშ ტემპი დო სტილისტიკაშ გეშა. უოტერსი თოჸუჯალას არზენდჷ დორხველი კონცეფციეფიშ უმოს ფართას გჷნოჩამასჷ-და, გილმორი ფირქენდჷ, ნამუდა ბირეფი ოკო ურსულებუდესკონ აიწორო თეში, მუჭოთ თეს მორჩქილე ელუდჷნ. საბოლა სეტლისტიქ დო ბირეფიშ მეჸუნელობაქ დიდგინჷ კონცერტიშ წოხოლენი დღას.[232] ვოკალურ ნორთეფს სცენას გილმორით დო უოტერსით არსულენდეს. ბირაშ Wish You Were Here რსულებაშ წოხოლე უოტერსიქ მიოწურუ მორჩქილეეფს: თენა დასურო ემოციური რე, გერედე ათაქ ათე სუმ პიჯიწკჷმა ათესხი წანაშ უკული, თქვანწკჷმა ართო. ათე ბირა არძოს ეჯღუნებჷ, მით ჩქინწკჷმა ვა რენ დო გჷშაკერძაფილო - სიდის. გჷშულაშ ბოლოს გილმორქ ჯგირობუა ქჷდოუჩინჷ მორჩქილეეფს დო იტენდჷ სცენას, მარა უოტერსიქ უკოხოლე ქჷმიჭანუ დო ბუნაშ ოთხხოლო მაკათურქ, ხუტოლაფირო, სცენას მუსხირენი მერქას აკოჩენდჷ. Live 8-იშ უკული წორას თე კადრეფით რდჷ არჭელებური მარაშ გაზეთეფი.[233][234] თე აკა გოართოიანაფაშე ჟირი წანაშ უკული უოტერსი ეშანჷნდჷ: ვა მოგონჷ, ნამუდა ნამუდგაიჸინს ჩქინდე 1985 წანაშ უკული ვა გჷშუღალუ დუნასქვეფინ. თენა რდჷ გლახა, ნეგატიური პერიოდი. დო მოწუხჷ, ნამუდა თე ნეგატიურ ჸოფირებეფს მა ხოლო ვოკათუდინ. [235] თინეფიშ გჷშულაშე გეჸვენჯი მარას ინტერესიქ ფინქ ფლოიდიშ მეხჷ კჷნე მიძინჷ. HMV-შ მეჯინათ, ათელიშ Echoes: The Best of Pink Floyd გჷმოჩამაქ 1343 პროცენტით მიძინჷ, ოდო Amazon.com-ს მიირდჷ მოთხუალაქ ალბომშე The Wall. გილმორქ მოგვიანაფილო თქუ, ნამუდა გჷმოჩამეფშე მიშულირი თანხა გჷნმირიცხუდჷ ოჩეჟქიმინჯალე ფონდიშა დო კინ თი ნობიჯგუშ გჷნოდგუმა გჷწარზუ შოუშ შხვა მაკათურეფსჷთ.[236]

დევიდი ეშანჷნდჷ, ნამუდა Live 8-იშ უკულნეშიანი პერიოდის თინას დო უოტერსის ობაღინაფალო ჯგირი მაჸალობა უღუდეს.[237] ბუნაქ ვარია თქუ გოართოიანაფაშ გეშა გჷწორზიაშე, მუდგაშეთ თინეფს 136 მილიონი ფუნტი გწარზისჷნ. უოტერსი ვა გჷშმაკოროცხუნდჷ ბუნაშ თენერი, გჷშაკერძაფილი ბაძაძით კჷნე აკოკათუას.[238][239][240] 2006 წანაშ ინტერვიუს გჷშაშქუმალაწკჷმა La Repubblica დევიდიქ თქუ, ნამუდა თინა იმუშენდჷ სოლო პროექტეფშე, მუკულუანდჷ ფანიას დო ღოზი გოუსჷ თის, ნამუდა მუში გჷმორჩქინაქ Live 8-ს აკოდირთჷ უოტერსწკჷმა უაპიჯაფუობაშ გიშანწყუალაშ ღანკით.[241] 2006 წანას მუში ინტერვიუს მეისონქ ეშანჷ, ნამუდა ფინქ ფლოიდი გჷშელენდჷ კონცერტიშა, ნამუთ ისრაელ დო პალესტინა შქას შვიდობაშ დორსხუაფას დოუკინანდჷ ხუჯისჷნ. [242] ბუნაშ მუმალუშე ჩიებაბორჯის, 2006 წანას, გილმორქ უბრალეთ შინუ: მის უჩქჷ.[243]

დევიდიქ 2006 წანაშ 6 მელახის, დორხველ იუბილეს, გჷშაშქჷ მასუმა სოლო ალბომი On an Island. ევროპაშ, კანადაშ დო ააშ -შ მორჩილ ოკონცერტე დარბაზეფს თიქ გომანჯჷ ტურნე, ნამუსჷთ ოკათუდეს რიჩარდ რაიტი დო მუსხირენი შხვა მუსიკოსი პოსტ-უოტერსიშურ ფინქ ფლოიდიშ ტურეფშე. ეკონია კონცერტის თინეფწკჷმა ართო ნიკ მეისონქჷთ გჷშართჷ, თეშინეშეს მუჭოთ როჯერ უოტერსიშ 2006 წანაშ ევროპული ტურნეშ მუსხირენი კონცერტის.

60 წანაშ ხანს, 2006 წანაშ 7 კვირკვეს კემბრიჯის სიდ ბარეტიქ დოღურჷ.[244] 2006 წანაშ 18 კვირკვეს თინა დასაფულეს კემბრიჯიშ კრემატორიუმს. ნთხოურას ფინქ ფლოიდიშ ნამუთინი მაკათური ვა დარსებჷ. რაიტი ეშანჷნდჷ: ბუნა გურწყუნაფილი რდჷ დო გურღურელი რე სიდ ბარეტიშ ღურაშ გეშა. სიდი რდჷ ბუნაშ მაართა აკოდგინალუაშ მადუდე ძალა დო ხოლო უღჷ ჩქინდა გოლინა.[244] თიშ უმუკუჯინუო, ნამუდა თეიშახ 35 წანაშ მეძენას ბარეტი გოდინაფილი რდჷნ, ბრიტანეთიშ პრესაქ თის მუსიკაშა მიშაღალირ თიაშენ ცქვაფა ვა დარკჷ. [245] ანდერძიშ მეჯინათ, თიშ ფანიაქ ეჭოფჷ 1.25 მილიონი ფუნტი. მოგვიანაფილო ოჩეჟქიმინჯალე ღანკეფით აუქციონს გჷმიჩამუდჷ თიშ კერზო მეკონეფი დო ნახანტეფი.[246]

2005 წანაშ ეკენიას უოტერსიქ გჷშაშქჷ სუმმოქიმინჯურ ოპერა Ça Ira, წჷმორინაფილქ იჸუ ფრანგულ დო ინგლისურ ნინეფშა, ორიგინალური ლიბრეტოშ მეჯინათ, ნამუქჷთ ფრანგულ რევოლუციას ეჯღუნჷ. ოპერაშ აკოფასებეფი პოზიტიური რდჷ.[247] როლინგ სტოუნი ჭარჷნდჷ, ნამუდა თინა ეთმოხანტუნდჷ ავტორიშით ლჷმაშ დო შვიდობაშ, ჸოროფაშ დო ნადინეფუშ გინაფეფს.[248] 2007 წანას, ბუნაშ EMI-წკჷმა კონტრაქტიშ 40 წანაშ ეიოშანალო, გჷშართჷ ჟირ შანულამ გჷშაშქუმალაქ. მაართა რდჷ ოდებიუტე ალბომიშ The Piper at the Gates of Dawn 2 დო 3 დისკამ ვერსია, გეძინელი კომპოზიციეფით. წანაშ ბოლოს გჷმოჩამას გჷმორჩქინდჷ Oh, by the Way - ბუნაშ არძო სტუდიური ალბომიშ აკოხურგილი მუდანობათ გჷშაშქუმალირ კათელქ.[249]

2007 წანაშ 10 მესის უოტერსი დო ფინქ ფლოიდიშ დოსქილადირი მაკათურეფქ ზოხო-ზოხო გეგმორჩქინდეს სიდ ბარეტიშა მეჯღუნილ კონცერტის, ნამუქჷთ ლონდონიშ დარბაზის Barbican აკოდირთჷ. ირსულჷ სიდიშ დო ფინქ ფლოიდიშ ბირეფქ, მუნერეფით რე Bike დო Arnold Layne. კონცერტიშ ორგანიზატორეფი რდეს ჯო ბოიდი დო ნიკ ლერდ-კლაუზი.[250] 2007 წანაშ ღურთუთას უოტერსიქ ხოლო ართშა ეშანჷ, ნამუდა ხაზირი რდჷ ფინქ ფლოიდიშ გოართოიანაფაშო: შხვეფი ქიზალამენდეს აკოკათუასჷ-და, ვართ მა მაღვენუდჷ თეშ პრობლემა. უციო ვა რე, ხვალე მოსოფელიშ გინასქილიდაფარო თეშ ქიმინუა. შილებე თეშ ქიმინუა, რახან თენა ჰამო იჸიდჷ. დო კათასჷთ მეწონებუდჷ.[251] მორო, კჷნე თი წანას, მოგვიანაფილო, გილმორქ თქუ: ვა ვორწყექ ბაძაძის, მუშენ ოკო დუვართე კინ თინასჷნ. თენა ძალამი რეგრესიული პროცესი რე. მუმალუშა ჯინა მოკო, უკოხოლე მიკოჯინა ჩქიმო ჰამო ვა რე.[252] 2008 წანაშ მესის, BBC 6 Music-წკჷმა ინტერვიუს მიშეძირედჷ მეწურაფა თიშ გეშა, ნამუდა ჰამებულო აკათუდჷ ართშახიანი გჷშულას, მარა ფინქ ფლოიდიშ რსული ტურნე გჷშაკოროცხალი რდჷ.[253]Associated Press-წკჷმა მუში ცოცხალი ალბომიშ Live in Gdańsk სხუნუაბორჯის თიქ უმოს კვათირაშო გჷმოხანტჷ პოზიცია: რეპეტიციეფი ნორკებას ჰამო რდჷ. თიწკჷმა დევრწუმი, ნამუდა თენა თინა ვა რდჷ, მუსჷთ გუვამაჟირენდინ. ჸოფე ჯგირობუაშ დოჩინაშ ჟამი კათაშ რინა დო კარიერას, მუდგაშენით ვარია უთქუალუნან, მარა შემილებ გონჯამილო დო კატეგორიულო ბთქუენ, ნამუდა ვეჸუაფჷ მუდგაიჸინ სახეშ ტურნე ვარა ალბომი, ნამუდგასჷთ მა ქუვაკათუქინ. თენა მუთუნნერი რსხუს ვა რე ანონიმურობაწკჷმა ვარა თეშ მანგურ ოკითხუწკჷმა. თენა შანენს, ნამუდა მა უკვე ჩქიმი ქოფქიმინი. ვორდი დო ქოფქიმინი .[254]

2008 წანაშ 15 ეკენიას, 65 წანაშ ხანს, კიბოთ დოღურჷ რიჩარდ რაიტიქ.[255] ბუნაშ შხვა მაკათურეფი თის ტიბას იშინანდეს, მუჭოთ ფინქ ფლოიდიშ სიმორობაშე დიდი გოლინაშ მაღვენჯი მუსიკოსის.[256]

2010 წანაშ 10 კვირკვეს ფონდიშ Hoping-შით კიდლინგტონს (ინგლისი) მანჯებულ კილერ ოჩეჟქიმინჯალე ონჯუას ართო გამუკორჩქინდეს უოტერსიქ დო გილმორქ. თინეფქ დოხოლაფირო 200 მორჩქილეშ წოხოლე არსულეს მუსხირენი ბირა. მუშულირი თანხაქ გჷნორიცხილქ იჸუ პალესტინარ ბაღანეფიშ მოხვარაშ ფონდიშა. თეიშახ, 2009 წანას დევიდიქ უკვე გამუკორჩქინდჷ ფონდიშით მონწყილ თეშნერი ონჯუას, სოდეთ თიწკჷმა ართო კეიტ მოსიქ იბირჷ.[257] გამათ უოტერსიშით გჷნოდგუმილ ნობიჯგუშე, გილმორქ დეყაბულ, გიშულებუდუკო როჯერიშ მუმალ ტურნეს The Wall Live ფარგალეფს მანჯებულ ნამუდგაიჸინ კონცერტის .[258]

2011 წანაშ 4 ღურთუთას ბუნაქ კომპანიაწკჷმა EMI გაფორმჷ ხუთწანამ კონტრაქტი.[259]

2011 წანაშ 12 მესის, ნოპიჯებუშობურო, დევიდ გილმორქ გამუკორჩქინდჷ როჯერ უოტერსიშით ლონდონიშ დარბაზის O2, ტურნეშ The Wall ფარგალეფს მანჯებულ კონცერტის. ბირას Comfortably Numb თიქ არსულჷ დორხველი სტროფეფი სოლო გიტარას. შოუშ დათებუს უოტერსიქ სცენაშა იჭანუ მუჭოთ დევიდი, თაშნეშე დარბაზის რენჯი ნიკ მეისონი ხოლო.თინეფქ ართო არსულეს ფინალური Outside The Wall.[260].

2011 წანაშ 26 ეკენიაშე ლეიბლიშ EMI-შ ინიციატივათ დო ბუნაშ მაკათურეფიშ ხუჯიშ მეჩამათ ქჷდიჭყჷ ახალი კამპანიაქ Why Pink Floyd...?, ნამუსჷთ ღანკო უღჷ ბუნაშ სტუდიური კატალოგიშ მიარედისკამ რემასტერინგეფიშ სახეთ გჷშაშქუმალა. თეს გიაძინუ ალბომიშ სპეციალური გჷშაშქუმალეფი, გეძინელი დისკეფით (ვანაფერი მოღეთ) დო ვიდეომოღეეფით. რემასტერინგეფშე მუშენდჷ ჯეიმზ გათრი, ალბომიშ The Wall წოროპროდიუსერი.[261]

მონძალა დო შანულობა

[რედაქტირაფა | წყუშ რედაქტირაფა]
ფაილი:Pinkfloyd.png
ფინქ ფლოიდიშ კლასიკური ოთხური. საათიშ საგანიშ გეზათ (ჟილენ კვარჩხანი ჸურეშე): როჯერ უოტერსი, დევიდ გოლმორი, რიჩარდ რაიტი, ნიკ მეისონი

გოლინა დო ჯილდოეფი

[რედაქტირაფა | წყუშ რედაქტირაფა]

ბუნას გიმოჩამილი აფუ ალბომეფიშ 200 მილიონშე უმოსი ანგი.[262] თინეფ შქას, 74.5 მილიონი - ააშ -ს [263]. 1991 წანაშე გჷმიჩინჷ ფინქ ფლოიდიშ 35.8 მილიონი დისკიქ.[264]

გჷშაშქუმალაშ Sunday Times-შით გჷმობჟინაფილი 2009 წანაშ უდინდარაშ პიჯეფიშ ერკებულს როჯერ უოტერსი 657-ა აბანს იკჷნენდჷ (85 მილიონი ფუნტით), დევიდ გილმორი - 742-ის (79 მილიონი ფუნტით), ოდო ნიკ მეისონი - 1077-ის (50 მილიონი ფუნტით).[265]

მიარე მუსიკოსიქ მირთინუ ბუნაშ გოლინაშ თუდო. დევიდ ბოუიშო სიდ ბარეტიქ ჯინჯიერ ინოჩამათ გჷნირთჷ. [266] მარდუობაშ ბორჯის გიტარისტ ეჯიშით მაართა პედალქ ჸიდირებულქ იჸუ ალბომ Animals-იშ მაართა ჰანგეფიშ მორჩქილაშ უკული[267]. ბუნა მარილიონიშ გიტარისტ სტივ როზერიშ აღიარაფათ, Wish You Were Here თიშ ჯინჯიერი ინოჩამაშ წყუ რდჷ. [268] შხვა ბუნეფ შქას, ნამუეფქით ფინქ ფლოიდიშ გოლინაშ თუდო მირთინესინ, რდეს: Foo Fighters, Dream Theater, Porcupine Tree, მარს ვოლტა, Tool, Queensryche, Scissor Sisters, Rush, რედიოჰედი, Gorillaz, Nine Inch Nails, Primus დო სმეშინგ პამპკინსი. ნამთინე თინეფიშით შხვადოშხვა ბორჯის რსულებურქ იჸუ ბუნაშ ბირეფიშ ქავერ ვერსიეფქ ხოლო.

ფინქ ფლოიდიქ ნომინირაფილქ დო გომორძგვილქ იჸუ შხვადოშხვა დაჯილდოებას.[269] ტექნიკურ ჯილდოეფ შქას რე საუჯგუშო ხონარიშ ინჟინერი (The Wall, 1980)[270], BAFTA-ს ჯილდო საუჯგუშო ორიგინალური ბირაშო (გჷნაჩჷ უოტერსის) დო საუჯგუშო სიმორობაშენ (გჷნაჩჷ ჯეიმზ გათრის, ედი ჯოზეფის, კლაივ ვინტერს, გრემ ჰარტსტოუნს დო ნიკოლას ლე მესურიეს, ფილმიშო ფინქ ფლოიდი: კიდალა (1982)[271]. 1995 წანას ბუნას გჷნაჩჷ გრემიშ ჯილდოქ საუჯგუშო ინსტრუმენტული როკ-კომპოზიციაშო (Marooned).[272] 2008 წანას ფინქ ფლოიდის გჷნაჩჷ პრესტიჟული ჯილდოქ Polar Music Prize, თინეფიშით ალმახანური მუსიკაშა მიშაღალირ თიაშენ. თე ჯილდო როჯერ უოტერსიქ დო ნიკ მეისონქ ეჭოფეს შვედეთიშ მაფა კარლ XVI გუსტავიშე.[273] 1996 წანაშ 17 ღურთუთას ბუნაქ მიშაჸონაფილქ იჸუ როკ-ენ-როლიშ დიდებაშ დარბაზის[274], ოდო 2005 წანაშ 16 გერგობათუთას - გოართოიანაფილი ომაფეშ მუსიკაშ დიდებაშ დარბაზის.[275]. 2010 წანას აკოდირთჷ თინეფიშ მიშაჸონაფაქ ჰიტ აღლუმეფიშ დიდებაშ დარბაზის.

ოკონცერტე გჷშულეფი

[რედაქტირაფა | წყუშ რედაქტირაფა]

ფინქ ფლოიდი იკოროცხუ პიონერო ოკონცერტე შოუეფს, თინეფიშ დიდარული ოსცენე დოდგუმეფიშ გეშა, ნამუეფსჷთ დუდო მარსულებერეფი მაჟირაშურ როლს არსულენდესჷნ. ფინქ ფლოიდიშ შოუეფი წჷმარინუანს მაღალხარისხამ სიმურობაშ მინუშის, უნიკალური ხონარიელი ეფექტეფიშ დო კვადროფონული სისტემაშ გჷმორინაფათ.[276] სქჷლადაშ მაართა ეტაპიშე თინა ჩინებული რდჷ ვიზუალური ეფექტეფიშ გჷმორინაფათ, ნამუეფით მიშმაწყორუდჷ ფსიქოდელიური როკიშ მელოდიეფს, რსულებურს ანდერგრაუნდულ კლუბეფს, მუნერით რდჷ ლონდონიშ UFO.[35] თინეფიშ ოკონცერტე გჷშულეფიშ ხარისხის ბუნაშე ირო დიდი გურიშჩამა ერზიებუდჷ - თეშინეშეს მუჭოთ თინეფიშ ინნაჭარეფიშ მაღალხარისხამ ტექნიკაშა მორჩქილას. ჩინებული რე, ნამუდა ალბომიშ The Dark Side of the Moon (ნამუდგაშ მორჩქილაქჷთ თინეფშო უმუღებუ აუდიოსისტემას აკოდირთჷნ) პრეზენტაციას თიშ მაკათურეფქ გარძახ ვა გიმეცხადეს.[277][278] ეშანილი ალბომი აკმიქიმინუნდჷ ჯინჯიერო ოკონცერტე ტურეფიშ პერიოდის, 1972 - 1973 წანეფს.[279]Animals გჷნირთჷ დორტმუნდის დოჭყაფილი ტურნეშ In the Flesh ჯინჯიერ ნორთო. თე კონცერტეფს მაართათ გჷმორჩქინდჷ მაფურინჯე ომბარალი ღეჯიქ, ნამუსჷთ ელჯი გიოდვესჷნ. გეჸვენჯი წანეფს ბუნა როჯერ უოტერსიშ უმუშოთ ირინუანდჷ დორხველ კონცერტეფს მაფურინჯე ღეჯეფს.[280]

თიშ უმუკუჯინუო, ნამუდა ფინქ ფლოიდის უღუდჷ ოკონცერტე გჷშულეფიშ ბრელი ხანიშ გომორსილობან, ტურნეშ In the Flesh მიმალობაბორჯის თინეფს ქაშის პრობლემეფქ, რახან გჷშულეფი მასშტაბამ აბანეფს იმანჯუდჷ სოდეთ შხირას მორჩქილეფიშ ზიმოთი ნაბეტანი ნერვეფიშ მუმაფაჩალი რდჷ. თექ დიდი გოლინა იღვენუ ალბომშა The Wall დო ოკონცერტე ტურნეშა The Wall, ნამუდგაშ მიმალობაბორჯის ირ კონცერტის მორჩქილეშ წოხოლე ერხინილი რდჷ გიგანტური, 12 მეტრაშ სიმაღალაშ კიდალა, ეგაფილი მუყაოშ ანგურეფშე. ანიმაციური სეგმენტეფიშ პროეცირაფა ბონას კიდალას ხვადუდჷ, ოდო კიდალას დოსქილადირი ჩოლერი აბანეფი გჷმირინუაფუდჷ გეძინელი სცენეფიშ წჷმარინაფალო. ალბომიშ მუსხირენი ცენტრალური გერგეზი შოუს გიგანტური კენჯაშ სახეთ მუკმორჩქინდუდჷ.[281] შოუშ ართ-ართი ცენტრალურ მომენტის წჷმარინუანდჷ ბირაშ Comfortably Numb რსულება. უოტერსი კიდალაშ ჯინც არსულენდჷ მუში მაართა სტროფის, ოდო გილმორი მუში ლაწკარეფს კიდალაშ დუც, სპეციალურ პლატფორმას გერინელი იბირდჷ.[282]

1987 წანას ბუნაქ ქჷდიჭყჷ ოკონცერტე ტურნე A Momentary Lapse of Reason Tour. მაართა შოუქ აკოდირთჷ ოტავას, 9 ეკენიას. კონცერტეფიშ სერიაქ გეგინძორჷ ხოლო 2 წანაშ მეძენას დო ფორუნდჷ ააშ -, იაპონია, ევროპა დო ცენტრალური აზიას. ვენეციას ფინქ ფლოიდიქ გჷმორჩქინდჷ 200.000 მარჩქილეშ წოხოლე, მანჩურალ სცენას. დუდო ტურნეს ართნერი აკოჯამებაშ სახეთ, 1988 წანას გჷშართჷ ცოცხალი ალბომქ Delicate Sound of Thunder, ოდო 1989 წანას - ოკონცერტე ფილმიქ ნიუ იორკიშ შტატის, ნასაუს მანჯებულ კონცერტიშ ინნაჭარათ.[283]

ბუნაშ ტურნეშ Division Bell პერიოდის, გეძინელი ინტერესი კონცერტეფიშ მეხჷ გჷშეჭანუ ზედმეტჯოხოთ Publius ჩინებული პიჯიშ ნაჭარეფქ, ნამუეფსჷთ თინა ფინქ ფლოიდიშა მეჯღუნილ ინტერნეტ ბუნას ობჟინუანდჷნ. თიშ ნაჭარეფიშ მეჯინათ, ალბომს ფულირი რდჷ ართგვარი მუორე. თიქ, ნამუდა თის შილებე, უღუდუკო ნოფული ინფორმაცია სცენაშ მინი რინელ ოკითხუეფშენ, დედასურჷ, მუჟამცჷთ ბჟაეიოლ რეზერფორდის ბუნაშ გჷშულაბორჯის ეკრანს გჷმისახჷ ზიტყვეფქ Enigma Publius. 1994 წანას, ერლს კორტის ფინქ ფლოიდიშ კონცერტიშ ბორჯის, ზიტყვა Enigma-ქ კჷნე გამუკორჩქინდჷ ეკრანს. მოგვიანაფილო ნიკ მეისონქ გჷმაცხადჷ, ნამუდა Publius Enigma ვა რსებენს დო თინა შილებე, უმოსო ლეიბლიშით, ვინდარო ბუნაშ ინიციატივათ ქიმინელი ციგანობა რდჷნ. 2024 წანაშო თე მუორე კჷნე ეშუნწყუმუო სქიდუ.[228]

დისკოგრაფია

[რედაქტირაფა | წყუშ რედაქტირაფა]
გჷშაშქუმალაშ თარიღი ალბომი უმაღალაში აბანი
„ბილბორდიშ“ ჩარტის 		RIAA-შ სერთიფიცირაფა ლეიბლი
4 მარაშინათუთა 1967 The Piper at the Gates of Dawn 131 — Columbia/EMI (ბრიტანეთი)
Tower/Capitol (ააშ )
28 მანგი 1968 A Saucerful of Secrets — —
27 კვირკვე 1969 Soundtrack from the Film More 153 —
7 გერგობათუთა 1969 Ummagumma 74 პლატინა Harvest/EMI
2 გჷმათუთა 1970 Atom Heart Mother 55 ორქო
5 გერგობათუთა 1971 Meddle 70 2x პლატინა
2 მანგი 1972 Obscured by Clouds 46 ორქო
23 მელახი 1973 The Dark Side of the Moon 1 15x პლატინა
12 ეკენია 1975 Wish You Were Here 1 6× პლატინა Harvest/EMI
Columbia/CBS
21 ღურთუთა 1977 Animals 3 4x პლატინა
30 გერგობათუთა 1979 The Wall 1 23x პლატინა
21 მელახი 1983 The Final Cut 6 2x პლატინა
7 ეკენია 1987 A Momentary Lapse of Reason 3 4x პლატინა EMI
28 მელახი 1994 The Division Bell 1 3x პლატინა

აკოდგინალუა

[რედაქტირაფა | წყუშ რედაქტირაფა]



მიკოღანკუეფი

[რედაქტირაფა | წყუშ რედაქტირაფა]
  1. ↑ შხვადოშხვა რესურსიშ ალებათ, თენა რდჷ „Meggadeaths“;[5][6] მორო თაშნეშე იჩიებუნა, ნამუდა თინა ისიმედჷ, მუჭოთ „Megadeaths“.[7][8]
  2. ↑ „Architectural Abdabs“ რე თიში ხოლო ართი ვარიაცია; Povey (2007), თიშენ, ნამუდა რსებენს ონდებელი წყუ, სტატია The Abdabs-იშ გეშა პოლიტექნიკური უნივერსიტეტიშ ჟურნალს[9]
  3. ↑ The Tea Set გჷმირინუაფუ თი ბორჯიშ არძო ონდებელ წყუს,[10] დო ნორკებო გჯმირინუაფუ The T-Set, ნამუთ თაშნეშე ბუნაშ ჯოხოშ ჭარუაშ ართ-ართ ვერსიათ სქიდუ.
  4. ↑ სტორმ თორგერსონი, ბარეტი დო უოტერსი თეიშახ ართ სკოლას გურაფულენდეს.[79]
  5. ↑ პოუიშ (2007) მეჯინათ, ბრიტანული თარიღი რდჷ 5 გერგობათუთა.[99] მარა ენდი მებეტისა (1995) და ფინქ ფლოიდიშ ოფიციალური საიტიშ მეჯინათ თენა რე 13 გერგობათუთა. ააშ თარიღიშ გეშა არძო რესურსი ართიანს ოალჷ.[100][101]
  6. ↑ კეროლაინ ანა კრისტი რდჷ როკ სკალიშ, ბუნაშ Grateful Dead მენეჯერიშ ალმასქუ. უოტერსის ჯუდიწკჷმა ქორწინებაბორჯის სქუალეფი ვა შიბჷ, მარა კეროლაინწკჷმა ქორწინებაბორჯის 1976 წანაშ გერგობათუთას მუმათ გჷნირთჷ.[156]
  7. ↑ ფინქ ფლოიდიქ NWG-ის სასამართოს ქუჩიულჷ დო გურუგუჩამუობაშ დო ცუხებაშ გურშენი მითხუ 1 მილიონი ფუნტი. 1981 წანას NWG დიფაჩჷ. ენდრიუ უორბურგიქ იინტჷ ესპანეთშა, Norton Warburg Investments-ის (NWG-იშ ნორთის) ჯოხოქ Waterbrook,-ო დათირჷ დო თიში მიარე ჰოლდინგიქ დაბალ ფასეფს იჸუ გჷმოჩამილქ. ენდრიუ უორბურგის 1987 წანას, ინგლისშა დორთაშ ბორჯიშენო, სუმი წანა პატიმარობა ქიმეუსარჯეს.[163]
  8. ↑ რიჩარდ რაიტი ხვალე პერსონალიშ ერკებულს რე მეწურაფილი.
  9. ↑ მეისონი (2005) თეციორს დორხველ ავტობიოგრაფიულ ნახანდის ადასურენს.[214]
  10. ↑ მეისონი (2005) ჭარუნს, ნამუდა თისხი მოღე უღუდეს, ნამუდა დასაბაღ იჸუაფუდჷ ხოლო ართი ალბომიშ ინაჭარალო.[219]

ციტატეფი

[რედაქტირაფა | წყუშ რედაქტირაფა]
  1. ↑ მეისონი 2005
  2. ↑ შეფნერი 1992
  3. ↑ ბლეიკი 2008
  4. ↑ მეისონი 2005
  5. ↑ მებეტი 1995
  6. ↑ პოუი 2007
  7. ↑ ბლეიკი 2008
  8. ↑ უოტკინსონი დო ანდერსონი 2001
  9. ↑ პოუი 2007
  10. ↑ პოუი 2007
  11. ↑ ბლეიკი 2008
  12. ↑ პოუი 2007
  13. ↑ 13.0 13.1 ბლეიკი 2008
  14. ↑ ბლეიკი 2008
  15. ↑ 15.0 15.1 მეისონი 2005
  16. ↑ 16.0 16.1 შეფნერი 1991
  17. ↑ შეფნერი 1991
  18. ↑ 18.0 18.1 ბლეიკი 2008
  19. ↑ შეფნერი 1991; მეისონი 2005
  20. ↑ მეისონი 2005
  21. ↑ მეისონი 2005
  22. ↑ მეისონი 2005
  23. ↑ ბლეიკი 2008
  24. ↑ მეისონი 2005
  25. ↑ შეფნერი 1991
  26. ↑ შეფნერი 1991
  27. ↑ მეისონი 2005
  28. ↑ შეფნერი 1991; მეისონი 2005
  29. ↑ შეფნერი 1991
  30. ↑ მეისონი 2005
  31. ↑ 1992 შეფნერი
  32. ↑ მეისონი 2005
  33. ↑ Entertainments—Classified Advertising, The Times at infotrac.galegroup.com, 17 ღურთუთა 1967, http://infotrac.galegroup.com/itw/infomark/532/365/36343438w16/purl=rc1_TTDA_0_CS67333169&dyn=7!zoom_3?sw_aep=mclib, წაკითხულია: 27 მარაშინათუთა 2009 
  34. ↑ მეისონი 2005
  35. ↑ 35.0 35.1 მეისონი 2005
  36. ↑ შეფნერი 1991
  37. ↑ მეისონი 2005
  38. ↑ შეფნერი 1991
  39. ↑ 39.0 39.1 პოუი 2007
  40. ↑ შეფნერი 1991; მეისონი 2005
  41. ↑ ბლეიკი 2008
  42. ↑ მეისონი 2005
  43. ↑ მეისონი 2005
  44. ↑ მეისონი 2005
  45. ↑ შეფნერი 1991
  46. ↑ მეისონი 2005
  47. ↑ 47.0 47.1 მეისონი 2005
  48. ↑ ბლეიკი 2008
  49. ↑ ბლეიკი 2008
  50. ↑ 50.0 50.1 მეისონი 2005
  51. ↑ Shaffner 1991
  52. ↑ შეფნერი 1991
  53. ↑ მეისონი 2005
  54. ↑ მეისონი 2005
  55. ↑ მეისონი 2005
  56. ↑ 56.0 56.1 56.2 მეისონი 2005
  57. ↑ პოუი 2007; ბლეიკი 2008
  58. ↑ შეფნერი 1991
  59. ↑ 59.0 59.1 შეფნერი 1991
  60. ↑ შეფნერი 1991
  61. ↑ ბლეიკი 2008
  62. ↑ შეფნერი 1991
  63. ↑ ბლეიკი 2008
  64. ↑ მეისონი 2005
  65. ↑ მეისონი 2005
  66. ↑ მეისონი 2005
  67. ↑ 67.0 67.1 შეფნერი 1991
  68. ↑ ბლეიკი 2008;მენინგი 2006; მეისონი 2005; პოუი 2008; შეფნერი 1991
  69. ↑ შეფნერი 1991
  70. ↑ მეისონი 2005
  71. ↑ 71.0 71.1 ბლეიკი 2008
  72. ↑ ბლეიკი 2008; მენინგი 2006; მეისონი 2005; პოუი 2008; შეფნერი 1991
  73. ↑ მეისონი 2005
  74. ↑ ბლეიკი 2008; მეისონი 2005; პოუი 2008; შეფნერი 1991
  75. ↑ მეისონი 2005
  76. ↑ ბლეიკი 2008
  77. ↑ ბლეიკი 2008
  78. ↑ 78.0 78.1 78.2 ბლეიკი 2008
  79. ↑ მეისონი 2005
  80. ↑ მეისონი 2005
  81. ↑ შეფნერი 1991
  82. ↑ 82.0 82.1 82.2 მეისონი 2005
  83. ↑ შეფნერი 1991
  84. ↑ შეფნერი 1991
  85. ↑ შეფნერი 1991
  86. ↑ მეისონი 2005
  87. ↑ შეფნერი 1991
  88. ↑ ბლეიკი 2008
  89. ↑ 89.0 89.1 შეფნერი 1991
  90. ↑ Cashmere, Paul (3 მანგი 2008), David Gilmour To Perform Atom Heart Mother Suite, undercover.com.au, http://www.undercover.com.au/News-Story.aspx?id=5095, წაკითხულია: 15 ღურუთუთა 2010 
  91. ↑ შეფნერი 1991
  92. ↑ შეფნერი 1991
  93. ↑ შეფნერი 1991
  94. ↑ მეისონი 2005; მეისონი 2005
  95. ↑ მეისონი 2005
  96. ↑ ჰარისი 2006
  97. ↑ ჰარისი 2006
  98. ↑ მეისონი 2005; პოუი 2007
  99. ↑ პოუი 2007
  100. ↑ მებეტი 1995
  101. ↑ Pink Floyd – Echoes, pinkfloyd.co.uk, http://www.pinkfloyd.co.uk, წაკითხულია: 22 მარაშინათუთა 2009 
  102. ↑ მეისონი 2005
  103. ↑ კოსტა, ჟან-შარლ (6 ღურთუთა 1972), Pink Floyd: Meddle, rollingstone.com, Archived from the original on 2008-01-04, http://web.archive.org/web/20080104170149/http://www.rollingstone.com/artists/pinkfloyd/albums/album/235970/review/6067420/meddle, წაკითხულია: 19 მარაშინათუთა 2009 
  104. ↑ Pink Floyd & Co Discography - Meddle Trivia and Quotes, http://www.pinkfloyd-co.com/disco/meddle/meddle_trivia.html, წაკითხულია: 10 ფურთუთა 2011 
  105. ↑ შეფნერი 1991
  106. ↑ BBC – Music – Review of Pink Floyd – Meddle, bbc.co.uk, http://www.bbc.co.uk/music/reviews/wnbd, წაკითხულია: 29 გჷმათუთა 2009 
  107. ↑ შეფნერი 1991
  108. ↑ შეფნერი 1991
  109. ↑ შეფნერი 1991
  110. ↑ მეისონი 2005
  111. ↑ შეფნერი 1991
  112. ↑ მეისონი 2005
  113. ↑ რიჩარდსონი, კენ (2003-05), Another Phase of the Moon page 1, soundandvisionmag.com, http://www.soundandvisionmag.com/features/444/another-phase-of-the-moon.html, წაკითხულია: 19 მელახი 2009 
  114. ↑ შეფნერი 1991
  115. ↑ ჰარისი 2006
  116. ↑ 116.0 116.1 მეისონი 2005
  117. ↑ ჰარისი 2006
  118. ↑ შეფნერი 1991
  119. ↑ მეისონი 2005
  120. ↑ Pink Floyd —Dark Side of the Moon —sleeve notes, TRO Hampshire House Publishing Corp., 1973 
  121. ↑ Hollingworth, Roy (1973), Historical info – 1973 review, Melody Maker, pinkfloyd.com, http://www.pinkfloyd.com/dsotm/content/setup.html, წაკითხულია: 30 მელახი 2009 
  122. ↑ გროსმენი, ლოიდი (24 მაისი 1973), Dark Side Of The Moon Review, როლინგ სტოუნი, Archived from the original on 2008-06-18, http://web.archive.org/web/20080618145828/http://www.rollingstone.com/artists/pinkfloyd/albums/album/270102/review/6212432/dark_side_of_the_moon, წაკითხულია: 7 მარაშინათუთა 2009 
  123. ↑ ჰარისი 2006
  124. ↑ შეფნერი 1991
  125. ↑ ჰარისი 2006
  126. ↑ ჰარისი 2006
  127. ↑ შეფნერი 1991
  128. ↑ 128.0 128.1 შეფნერი 1991
  129. ↑ მეისონი დო 2005 p. 134, p. 200
  130. ↑ 130.0 130.1 130.2 შეფნერი 1991
  131. ↑ In the Studio with Redbeard, Barbarosa Ltd. Productions, 1992 
  132. ↑ შეფნერი 1991
  133. ↑ 133.0 133.1 უოტკინსონი დო ანდერსონი 2001
  134. ↑ 134.0 134.1 შეფნერი 1991
  135. ↑ შეფნერი 1991
  136. ↑ (DVD)The Pink Floyd And Syd Barrett Story, BBC, 2003 
  137. ↑ შეფნერი 1991
  138. ↑ უოტკინსონი დო ანდერსონი 2001
  139. ↑ შეფნერი 1991
  140. ↑ მეისონი 2005
  141. ↑ პოუი 2007
  142. ↑ თორგერსონი, სტორმ, Wish You Were Here cover, hypergallery.com, http://www.hypergallery.com/prints/wish-you-were-here-26.html, წაკითხულია: 4 მესი 2009 
  143. ↑ სტიუარტი, ჯულია (7 მელახი 2007) (უციო რეგისტრაცია), Cover stories, The Independent hosted at infoweb.newsbank.com, ISBN 0960265600, http://infoweb.newsbank.com/iw-search/we/InfoWeb?p_product=AWNB&p_theme=aggregated5&p_action=doc&p_docid=117C291F281AEFF0&p_docnum=3&p_queryname=3, წაკითხულია: 21 მარაშინათუთა 2009 
  144. ↑ კინი, დანუტა (21 მანგი 2007), Cover story that leaves authors out of picture, ft.com, http://www.ft.com/cms/s/1/7a9b72e6-201f-11dc-9eb1-000b5df10621.html, წაკითხულია: 21 მარაშინათუთა 2009 
  145. ↑ შეფნერი 1991
  146. ↑ პოუი 2007
  147. ↑ 147.0 147.1 შეფნერი 1991
  148. ↑ კრისტგოუ, რობერტ (1975), Pink Floyd – Wish You Were Here, robertchristgau.com, http://www.robertchristgau.com/get_album.php?id=2775, წაკითხულია: 14 მარაშინათუთა 2009 
  149. ↑ მეისონი 2005
  150. ↑ 150.0 150.1 მეისონი 2005
  151. ↑ ბლეიკი 2008
  152. ↑ ბრაუნი, პეტ (2001-06-15), "Pink Floyd", The guide to United States popular culture, p. 610, ISBN 9780879728212, http://books.google.co.uk/books?id=U3rJxPYT32MC&pg=PA610 
  153. ↑ შეფნერი 1991
  154. ↑ 154.0 154.1 154.2 ბლეიკი 2008
  155. ↑ მეისონი 2005
  156. ↑ ბლეიკი 2008
  157. ↑ ბლეიკი 2008
  158. ↑ ბლეიკი 2008
  159. ↑ 159.0 159.1 159.2 ბლეიკი 2008
  160. ↑ ბლეიკი 2008
  161. ↑ მეისონი 2005
  162. ↑ მეისონი 2005
  163. ↑ 163.0 163.1 შეფნერი 1991
  164. ↑ ბლეიკი 2008
  165. ↑ ბლეიკი 2008
  166. ↑ ბლეიკი 2008
  167. ↑ მეისონი 2005
  168. ↑ შეფნერი 1991; მეისონი 2005
  169. ↑ ბლეიკი 2008
  170. ↑ მეისონი 2005
  171. ↑ ბლეიკი 2008
  172. ↑ მეისონი 2005
  173. ↑ ბლეიკი 2008
  174. ↑ შეფნერი 1991; ბლეიკი 2008
  175. ↑ მეისონი 2005
  176. ↑ ბლეიკი 2008
  177. ↑ RIAA's 365 TOP SELLING SONGS OF THE 20th CENTURY, http://nfo.net/usa/365a.htm, წაკითხულია: 27 ფურთუთა 2010 
  178. ↑ შეფნერი 1991
  179. ↑ RIAA's Top 100 Albums., http://www.riaa.com/goldandplatinumdata.php?table=tblTop100, წაკითხულია: 28 ფურთუთა 2010 
  180. ↑ Ruhlmann 2004; ჰოლდენი, სტივენ (25 პირელი 1990), Putting Up 'The Wall', The New York Times, http://www.nytimes.com/1990/04/25/arts/the-pop-life-332890.html30, წაკითხულია: 21 მარაშინათუთა 2009 
  181. ↑ ბლეიკი 2008
  182. ↑ შეფნერი 1991
  183. ↑ ბლეიკი 2008
  184. ↑ ბლეიკი 2008
  185. ↑ მეისონი 2005; ბლეიკი 2008; The Internet Movie Database (IMDB.com), Release dates for Pink Floyd The Wall (1982), http://www.imdb.com/title/tt0084503/releaseinfo, წაკითხულია: 11 გჷმათუთა 2010 
  186. ↑ ბლეიკი 2008; მეისონი 2005
  187. ↑ ბლეიკი 2008
  188. ↑ 188.0 188.1 მეისონი 2005
  189. ↑ ბლეიკი 2008; მეისონი 2005
  190. ↑ ბლეიკი, 2008, p. 295
  191. ↑ ბლეიკი 2008; მეისონი 2005; შეფნერი 1992
  192. ↑ ბლეიკი 2008; შეფნერი 1991
  193. ↑ ლოდერი, კურტ (14 პირელი 1983), Pink Floyd—The Final Cut, როლინგ სტოუნი, Archived from the original on 2008-06-22, http://web.archive.org/web/20080622041133/http://www.rollingstone.com/artists/pinkfloyd/albums/album/107472/review/5943392/the_final_cut, წაკითხულია: 4 ეკენია 2009 ; ბლეიკი 2008
  194. ↑ ბლეიკი 2008
  195. ↑ ბლეიკი 2008
  196. ↑ 196.0 196.1 196.2 ბლეიკი 2008
  197. ↑ შეფნერი 1991
  198. ↑ შეფნერი 1991
  199. ↑ შეფნერი 1991
  200. ↑ შეფნერი 1991
  201. ↑ ბლეიკი 2008
  202. ↑ შეფნერი 1991
  203. ↑ მენინგი 2006
  204. ↑ მეისონი 2005
  205. ↑ ბლეიკი 2008
  206. ↑ შეფნერი 1991
  207. ↑ მეისონი 2005
  208. ↑ ბლეიკი 2008
  209. ↑ შეფნერი 1991
  210. ↑ ბლეიკი 2008
  211. ↑ ბლეიკი 2008
  212. ↑ ბლეიკი 2008
  213. ↑ ბლეიკი 2008
  214. ↑ მეისონი 2005
  215. ↑ ბლეიკი 2008
  216. ↑ ბლეიკი 2008
  217. ↑ მეისონი 2005
  218. ↑ ბლეიკი 2008
  219. ↑ მეისონი 2005
  220. ↑ 220.0 220.1 მეისონი 2005
  221. ↑ ბლეიკი 2008
  222. ↑ ბლეიკი 2008
  223. ↑ ბლეიკი 2008
  224. ↑ ბლეიკი 2008
  225. ↑ ბლეიკი 2008
  226. ↑ მეისონი 2005
  227. ↑ ვარგა, ჯორჯ. Pink Floyd's Hush-Hush Rehearsals Heard Loudly in San Bernardino The San Diego Union-Tribune 30 მელახი 1994: E6
  228. ↑ 228.0 228.1 ბლეიკი 2008
  229. ↑ მეისონი 2005
  230. ↑ მეისონი 2005
  231. ↑ პოუი 1997; მეისონი 2005
  232. ↑ მეისონი 2005; ბლეიკი 2008
  233. ↑ Live 8: London, live8live.com, 2 კვირკვე 2005 
  234. ↑ ბლეიკი 2008
  235. ↑ ბლეიკი 2008
  236. ↑ Donate Live 8 profit says Gilmour, news.bbc.co.uk, 5 კვირკვე 2005, http://news.bbc.co.uk/2/hi/entertainment/4651309.stm, წაკითხულია: 15 გერგობათუთა 2008 
  237. ↑ David Gilmour talks of reunion and the future, brain-damage.co.uk, 13 კვირკვე 2005, http://www.brain-damage.co.uk/archive/david-gilmour-talks-of-reunion-and-the-future.html, წაკითხულია: 8 ეკენია 2009 
  238. ↑ (უციო რეგისტრაცია)We don't need no £136m, The Daily Records, 5 ეკენია 2005, http://infoweb.newsbank.com/iw-search/we/InfoWeb?p_product=AWNB&p_theme=aggregated5&p_action=doc&p_docid=10C7614FEE68F370&p_docnum=9&p_queryname=9, წაკითხულია: 8 ეკენია 2009 
  239. ↑ სკეგზი, ოსტინი (28 კვირკვე 2005), Q&A: Roger Waters, rollingstone.com, Archived from the original on 2008-03-04, http://web.archive.org/web/20080304084317/http://www.rollingstone.com/artists/rogerwaters/articles/story/7504168/roger_waters, წაკითხულია: 15 გერგობათუთა 2008 
  240. ↑ Guitar World, პირელი 2006
  241. ↑ David Gilmour: Pink Floyd? It's over, brain-damage.co.uk, 5 ფურთუთა 2006, http://www.brain-damage.co.uk/archive/david-gilmour-pink-floyd-its-over.html, წაკითხულია: 8 ეკენია 2009 
  242. ↑ 5 ფურთუთა 2006 – Die Welt, Germany, brain-damage.co.uk, 5 ფურთუთა 2006, http://www.brain-damage.co.uk/nick-mason-interviews/ფურთუთა-5th-2006-die-welt-germany-2.html, წაკითხულია: 8 ეკენია 2009 
  243. ↑ ლეგრანი, ემანუელი (21 ფურთუთა 2006), 21 ფურთუთა 2006 – Reuters/Billboard, brain-damage.co.uk, http://www.brain-damage.co.uk/david-gilmour-interviews/ფურთუთა-21st-2006-reuters-billboard-2.html, წაკითხულია: 8 ეკენია 2009 
  244. ↑ 244.0 244.1 პერლესი, ჯონ (12 კვირკვე 2006), Syd Barrett, a Founder of Pink Floyd And Psychedelic Rock Pioneer, Dies at 60, nytimes.com, http://query.nytimes.com/gst/fullpage.html?res=9F06E0D91130F931A25754C0A9609C8B63, წაკითხულია: 7 ეკენია 2009 
  245. ↑ ბლეიკი 2008
  246. ↑ ბლეიკი 2008
  247. ↑ ბლეიკი 2008
  248. ↑ ბლეიკი 2008
  249. ↑ (უციო რეგისტრაცია)The Express: Floyd in full glory, Daily Express at infoweb.newsbank.com, 27 ქირსეთუთა 2007, http://infoweb.newsbank.com/iw-search/we/InfoWeb?p_product=AWNB&p_theme=aggregated5&p_action=doc&p_docid=11DB2DA5228EB1E8&p_docnum=1&p_queryname=3, წაკითხულია: 8 ეკენია 2009 
  250. ↑ იანგსი, იენ (11 მესი 2007), Floyd play at Barrett tribute gig, news.bbc.co.uk, http://news.bbc.co.uk/1/hi/entertainment/6643779.stm, წაკითხულია: 8 ეკენია 2009 
  251. ↑ რიდი, გრემ (22 ღურთუთა 2007), Roger Waters Interview by Graham Reid: Dark Side of the Moon Concert Auckland, viewauckland.co.nz, hosted at web.archive.org, Archived from the original on 2008-04-16, http://web.archive.org/web/20080416030144/http://www.viewauckland.co.nz/roger_waters_interview_3_dark_side_moon_concert_auckland_index.html, წაკითხულია: 16 პირელი 2008 
  252. ↑ ჰაიეტი, ბრაიან (4 ეკენია 2007), Exclusive: David Gilmour Looks Darkly at the Future of Pink Floyd, rollingstone.com, Archived from the original on 2008-06-19, http://web.archive.org/web/20080619045136/http://www.rollingstone.com/rockdaily/index.php/2007/09/24/exclusive-david-gilmour-looks-darkly-at-the-future-of-pink-floyd/, წაკითხულია: 15 გერგობათუთა 2008 
  253. ↑ Pink Floyd to repeat Live8 reunion?, nme.com, 27 მესი 2008, http://www.nme.com/news/pink-floyd/36896, წაკითხულია: 15 გერგობათუთა 2008 
  254. ↑ Gilmour says no Pink Floyd reunion, msnbc.msn.com, 9 ეკენია 2008, http://www.msnbc.msn.com/id/26628516/, წაკითხულია: 8 ეკენია 2009 
  255. ↑ Booth, Robert (16 ეკენია 2008), Pink Floyd's Richard Wright dies, London, http://www.guardian.co.uk/music/2008/sep/16/pinkfloyd.popandrock?gusrc=rss&feed=networkfront, წაკითხულია: 7 ეკენია 2009 
  256. ↑ Floyd Founder Wright dies at 65, news.bbc.co.uk, 15 ეკენია 2008, http://news.bbc.co.uk/2/hi/entertainment/7617363.stm, წაკითხულია: 15 გერგობათუთა 2008 
  257. ↑ David Gilmour and Roger Waters Perform Together for Hoping Fundraiser, Neptune Pink Floyd, 11 კვირკვე 2010, http://www.neptunepinkfloyd.co.uk/index.php/news/611-david-gilmour-and-roger-waters-perform-together, წაკითხულია: 11 კვირკვე 2010 
  258. ↑ Barth, Chris (15 კვირკვე 2010), Roger Waters Reunites With David Gilmour for 'Wall' Tour, http://www.rollingstone.com/music/news/17386/181370, წაკითხულია: 1 მარაშინათუთა 2010 
  259. ↑ Pink Floyd end EMI legal dispute, 4 ღურთუთა 2011, http://www.bbc.co.uk/news/entertainment-arts-12112630, წაკითხულია: 5 ღურთუთა 2011 
  260. ↑ http://pinkfloydz.com/roger2011/may12london/may12london.htm
  261. ↑ Why Pink Floyd?, Pink Floyd & EMI 2011 remastered campaign. Whypinkfloyd.com (2011). კითხირიშ თარიღი: 27 May 2011.
  262. ↑ Pink Floyd Re-Signs to EMI, Sides End Legal Row. ABC News (4 ღურთუთა 2011). კითხირიშ თარიღი: 20 ფურთუთა 2011.
  263. ↑ Top Selling Artists, riaa.com, http://www.riaa.com/goldandplatinumdata.php?table=tblTopArt, წაკითხულია: 15 გერგობათუთა 2008 
  264. ↑ 2009 U.S. MUSIC PURCHASES, Soundscan, პირელი 2010, http://blog.nielsen.com/nielsenwire/wp-content/uploads/2010/01/Nielsen-Music-2009-Year-End-Press-Release.pdf, წაკითხულია: 25 ქირსეთუთა 2010 
  265. ↑ 2009 Rich List search, London: business.timesonline.co.uk, 2009, http://business.timesonline.co.uk/tol/business/specials/rich_list/rich_list_search/, წაკითხულია: 8 ეკენია 2009 
  266. ↑ David Bowie pays tribute to Syd Barrett, nme.com, 11 კვირკვე 2006, http://www.nme.com/news/pink-floyd/23574, წაკითხულია: 13 გჷმათუთა 2009 
  267. ↑ McCormick (2006), page 102
  268. ↑ Marillion website, http://www.marillion.com/band/top10.htm 
  269. ↑ PINK FLOYD AWARDS & FEATURES, www.metrolyrics.com, http://www.metrolyrics.com/pink-floyd-awards-featured.html, წაკითხულია: 24 გერგობათუთა 2009 
  270. ↑ პოუი 2007
  271. ↑ BAFTA Past Winners and Nominees, bafta.org, 1982, http://www.bafta.org/awards/film/nominations/?year=1982, წაკითხულია: 8 ეკენია 2009 
  272. ↑ And the Winners Are...., nytimes.com, 2 მელახი 1995, http://www.nytimes.com/1995/03/02/arts/and-the-winners-are.html, წაკითხულია: 8 ეკენია 2009 
  273. ↑ ნორდსტრომი, ლუისი (21 მესი 2008), Pink Floyd wins Polar Music Prize, USA Today, http://www.usatoday.com/life/music/news/2008-05-21-polar-music-prize_N.htm, წაკითხულია: 7 გჷმათუთა 2010 ; Pink Floyd receive 2008 Polar Prize, NME News, 28 მარაშინათუთა 2008, http://www.nme.com/news/pink-floyd/39301, წაკითხულია: 7 გჷმათუთა 2010 
  274. ↑ პოუი 2007
  275. ↑ Pink Floyd – 2005 UK Music Hall Of Fame report, brain-damage.co.uk, 19 გერგობათუთა 2005, http://www.brain-damage.co.uk/archive/pink-floyd-2005-uk-music-hall-of-fame-report-2.html, წაკითხულია: 8 ეკენია 2009 ; ბლეიკი 2008
  276. ↑ 12 მესი 1967: Pink Floyd Astounds With ‘Sound in the Round’, wired.com, http://www.wired.com/thisdayintech/2009/05/dayintech_0512/, წაკითხულია: 23 გერგობათუთა 2009 
  277. ↑ შეფნერი 1991
  278. ↑ პოუი 2007
  279. ↑ პოუი 2007
  280. ↑ მეისონი 2005
  281. ↑ ბლეიკი 2008
  282. ↑ ბლეიკი 2008
  283. ↑ შეფნერი 1991

ქოძირით თაშნეშე

[რედაქტირაფა | წყუშ რედაქტირაფა]

სქოლიო

[რედაქტირაფა | წყუშ რედაქტირაფა]

ლიტერატურა

[რედაქტირაფა | წყუშ რედაქტირაფა]

რესურსეფი ინტერნეტის

[რედაქტირაფა | წყუშ რედაქტირაფა]
Wikiquote
Wikiquote
ვიკიოწკარუეს? რე ხასჷლა თემაშენ:
ოფიციალური ხასჷლეფი
მოჸოროფეეფიშ ხასჷლეფი
ძ • ს • რ
სტუდიური ალბომეფი
ცოცხალი ალბომეფი
კათელეფი
ბოქს-სეტეფი
ფილმეფი
საუნდთრეკეფი
სინგლეფი
ტურნეეფი
პროდიუსერეფი დო ინჟინერეფი
მენეჯმენტი/აგენტეფი
შხვა სტატიეფი
  • დისკოგრაფია
  • ვიდეოგრაფია
  • ბირეფიშ ერკებული
  • გეძინელი მუსიკოსეფი
  • ბობ კლოუზი
  • აზიმუთ კოორდინატორი
  • გამბარალი ღეჯეფი
  • Dark Side of the Rainbow
  • The Man and the Journey
  • უგშუშქუმალუ მოღე
  • ბუტლეგური ინნაჭარეფი
  • Music from The Body
  • Picnic - A Breath of Fresh Air
  • Publius Enigma
  • 19367 ფინქ ფლოიდი
  • როი ჰარპერი
  • პინქ ანდერსონი დო ფლოიდ კაუნსილი
  • ჯერალდ სკარფი
  • Hipgnosis
    • გორილი რე "https://xmf.wikipedia.org/w/index.php?title=Pink_Floyd&oldid=215558"-შე