შვედური ნინა

ვიკიპედია ხასჷლაშე
გეგნორთი: ნავიგაცია, გორუა
შვედური ნინაშ გოფაჩუაშ არეალი სკანდინავიაშ ჩქონს

შვედური ნინაშვედეფიშ ნინა, ორხველჷ ინდოევროპული ფანიაშ გერმანიკულ ბუნას. შვედურ ნინაშა იჩიებუნა შვედეთის დო ფინეთიშ ობჟათე-ბჟადალ ნორთის, ალანდიშ კოკეფიშ მანგის. მორაგადეეფიშ მუდანობა 10 მილიონიშ უმოსი რე. შვედური ნინა ხოლოს გერე ნორვეგიულწკჷმა, ალაზიმაფათ ზოხო გერე დანიურწკჷმა. მუჭოთ შხვა გერმანიკული ნინეფი, შვედური ხოლო ჯვეშნორდიკულშე ეჭოფუნს ოდუდეს. თე ნინაშა იჩიებუდუ გერმანიკული მახორობაშ უდიდაში ნორთი ვიკინგეფიშ ფარანს.

ზოგადი ჩინებეფი[რედაქტირაფა]

  • მორაგადეეფიშ მუდანობა: > 10 მლნ.
  • ნინაშ კოდი: sv.
  • ჯოხოდვალა: sv svenska; en Swedish; eo Sveda
  • ჭარალუა: ლათინური.

ისტორია[რედაქტირაფა]

ნინეფი, ნამუეფშათ ამდღანერ სკანდინავიას იჩიებუნა, გევითარჷ ჯვეშსკანდინავიურშე. ვაჭარი ვიკინგეფი ნინას თელ ევროპას ფაჩჷნდეს. ბჟადალშე კოკი ისლანდიას დო ოორუე ამერიკაშ წყარპიჯეფს ქიმიოჭირინდეს, ბჟაეიოლშე ათეხანური რუსეთიშ დო უკრაინაშ ტერიტორიეფს. ჯვეშსკანდინავიური ნინა შქა ოშწანურეფს ფართას რდჷ გოფაჩილი ევროპას. სკანდინავიურეფშე სუმი კონტინენტური ნინა - შვედური, დანიური და ნორვეგიული 1050 წანაშახ დახე ართ ნინას წჷმარინუანდეს, უკული გორთუალა ქჷდიჭყჷ. მოგვიანაფილო თუდოლენიგერმანულიშ გოლინა ირდუ. შვედეთიშ სახენწჷფოშ სტანდარტული ოჭარუე ნინაქ იფორმირჷ სვეებიშ დო იოტებიშ დიალეტქეფს. შვედური ნინა სერიოზულ ფორმირაფას იჭყანს XIV ოშწანურაშე, მუჟამს ქიანაშ ოდუდეს მაგნუს II ერიქსონი გერე. ათეხანური შვედურიშ სტანდარტიქ გისანძღჷ XIX ოშწანურას, მუსუთ წოხლე აწანჯღვერდჷ ქიანაშ ინდუსტრიალიზაცია. საბოლოო შტრიხეფი ქჷმიძინჷ 1920-იან წანეფს რადიომაუჭყაფალობაშ დოჭყაფაწკჷმა ართო.

ათეხანური ლიტერატურული ნორმაშ ფორმირაფაქ მოხვადჷ სტოკჰოლმიშ დო მელარენიშ ტობაშ დიალექტეფიშ ნერჩის. მა-18 ოშწანურას სტოკჰოლმიშ დიალექტიქ გორაჸჷ შხვა რეგიონული დიალექტეფი. შვედურიშ დიალექტეფი ართიანშე იშხვანერებუნა შხვადოშხვა შინეფით.

სტატუსი[რედაქტირაფა]

  1. ფინეთი - ფინურწკჷმა ართო.
  2. შვედეთი
  3. ევროპაშ რსხუ

გოფაჩუაშ არეალი: ნორვეგია, დანია, ააშ, კანადა.

ლექსიკა[რედაქტირაფა]

ფრაზეფი დო სიტყვეფი:

  • გომორძგუა - God dag; Hejsan
  • ბედინერი ორდას თქვანი მოზოჯუა - Välkommen
  • მარდი - Tack; Tackar så mycket
  • ქო/ვარ - Ja / Nej
  • ჯგირო ორდა - Adjö; Hej då

რიცხუეფი

  • 1 - en, 2 - två, 3 - tre, 4 - fyra, 5 - fem, 6 - sex, 7 - sju, 8 - åtta, 9 - nio, 10 - tio

რესურსეფი ინტერნეტის[რედაქტირაფა]