ჰენდერსონი (კოკი)
| კოკი ჰენდერსონი* | |
|---|---|
| იუნესკოშ საგებიო მონძეობაშ ქილინჯი | |
 კოკიშ ალმაშარული ფოტო |
|
| ქიანა |  დიდი ბრიტანეთი |
| ტიპი | ორთაშობური |
| კრიტერიუმეფი | vii, x |
| ერკებული | იუნესკოშ ერკებული |
| რეგიონი** | ევროპა |
| კოორდინატეფი | 24°21′00″ ობჟ. გ. 128°19′00″ ბჟად. გ. |
| კათაფაშ ისტორია | |
| კათაფა | 1988 (მა-12 სესია) |
| ნომერი | 487 |
| * ქძ. ინგლ. ჯოხო UNESCO-შ ერკებულც. | |
| ** იუნესკოშით კლასიფიცირაფილი რეგიონი. | |
 |
მოსოფელიშ მონძალა UNESCO, ობიექტი № 487 რუს. • ინგლ. • ფრ. |
ჰენდერსონი — უდუხორუ მარჯანიშ კოკი წყჷნარ ოკიანეშ ობჟათე ნორთის. 1902 წანაშე მერსხუაფილი რე ბრიტანეთიშ ზუღაშიშოიანი ტერიტორიეფიშ - პიტკერნიშ კოკეფიშ კოლონიას. კოკიშ სიგინძა 10.4 კილომეტრი რე, სიგანა 5.6 კმ, ედომუშამი ფართობი აკმადგინანს 37.3 კმ²-ს. იდვალუაფუ პიტკერნიშ კოკეფშე 193 კილომეტრით ოორუეჸურე. 1988 წანაშე გოეროშ მოთხუალაშ ოსხირშა, ჰენდერსონი მიშულირი რე იუნესკოშ საგებიო მონძეობაშ ქილინჯეფიშ ერკებულშა, მუში უნიკალური მაფურინჯეეფიშ მიარეფერუანობაშ დო ფოსფატეფიშ ხეუმჷთხჷმუ მარაგიშ გეშა.
კოკი ძალამი ჭიჭე დო რობუამი რე, თაშნეშე ნორკეთ რე ლიგე წყარეფი, მუშ გეშათ ვარე შელებუანი ოფუტეშ მეურნობაშ გოვითარაფა. წყარპიჯიშ ზოლს ეშაზინდილი მარჯანიშ პლატფორმა 15 მეტრაშ სიმაღალაშ რე დო ფორიალო კირდეეფს წჷმოქიმინჷნს. პლაჟეფი ხვალე ოორუე დო ბჟაეიოლ წყარპიჯეფს რე.
კოკის გოფაჩილი რე ოთხი ბუნაშ ენდემური მაფურინჯე დო დოხოლაფირო 50 შხვა ვაენდემური ზუღაშ მაფურინჯე, თაშნე 63 გვარობაშ ენდემური ჩანარი, თინეფ შქას 35-40 ჭანჯიშმაჭკომალი (მწერიჭამია ქორთ.) ჩანარი.
თიშ უმკუჯინუო, ნამდა კოკი ამდღა უდუხორინუ რე, არქეოლოგიური მუნაჩემეფით ირკვიებუ, ნამდა თინა XII-XV ოშწანურეფს დოხორელი ჸოფე პოლინეზიარი კათეფიშ ჭიჭე ბუნეფით. თინეფიშ ქჷრაფაშ, თეშ მუჭოთ პიტკერნიშ კოკეფიშ მახორობაშ, ამდღარშახ უჩინებუ რე.
ქოძირით თაშნეშე [რედაქტირაფა]
- იუნესკოშ საგებიო მონძეობაშ ქილინჯეფი გოართოიანაფილ ომაფეს
- საგებიო მონძეობაშ ქილინჯეფიშ ერკებული ევროპას
