ადრიანეშ ვილა

ვიკიპედიაშე
ვილა-ადრიანა*
იუნესკოშ მოსოფელიშ მონძალაშ ობიექტი
ქიანა იტალია
ტიპი კულტურული
კრიტერიუმეფი i, ii, iii
ერკებული იუნესკოშ ერკებული
რეგიონი** ევროპა
კოორდინატეფი 41°56′31″ ო. გ. 12°46′31″ ელ. გ.
კათაფაშ ისტორია
კათაფა 1999 (23-ა სესია)
ნომერი 907
* ქძ. ინგლ. ჯოხო UNESCO-შ ერკებულს.
** იუნესკოშით კლასიფიცირაფილი რეგიონი.
იუნესკოშ შილა მოსოფელიშ მონძალა
UNESCO, ობიექტი № 907
რუს.ინგლ.ფრ.

ვილა-ადრიანა (იტალ. Villa Adriana) — რომაული არქეოლოგიური კომპლექსი იტალიას, ლაციოშ რეგიონიშ ნოღა ტივოლს.

ვილა ნოღა ტიბურს (ალმახანური ტივოლი) რომიშ იმპერატორქ ადრიანექ ახ. წ. II ოშწანურაშ მასუმა დეკადას ეიოკიდჷ, მუჭოთ რომიშ გალე დვალირ რეზიდენცია. ადრიანეს ვა მოწონდჷ რომს, პალატინიშ გას დვალირი დოხორე, მუქჷთ მოშინაფილ ვილაშ კიდუაშ დოჭყაფაშ ბაძაძო გინირთჷ. თიში მაფობაშ ეკონია წანეფს, თინა რომიშ იმპერიაშ დუდალას წორეთ თე ვილაშე მეჸუნდჷ. თაჸურეშე გჷმმალი, თე პერიოდის თინა ომაფე კარიშ ოხორინალსჷთ წჷმარინუანდჷ. რომწკჷმა, ნამუთ თაჸურეშე 18 მილს იდვალუაფუდჷნ, ფუნქციონირენდჷ ოფოსტე რსხუ.

ადრიანეშ უკული, ვილას მუში შხვადოშხვა მონძეეფი ირინუანდეს. რომიშ იმპერიაშ დონთხაფაშ უკული, ვილაქ უგუმურინუქ იჸუ დო ჭიე-ჭიეთ აკნაცჷმეფო გინირთჷ. XVI ოშწანურას, კარდინალ იპოლიტო II დ'ესტექ ვილა-ადრიანაშე მარმარილოშ სტატუეტეფი გოხოლუას დვალირ დორხველ ვილა-დ'ესტეშა გეგნიღჷ.

1999 წანაშე, ვილა-ადრიანა მიშულირიე იუნესკოშ მოსოფელიშ მონძალაშ ერკებულშა დო თიშ გოხოლუას დვალირ ვილა-დ'ესტესა დო ნოღა ტივოლიწკჷმა ართო, დიდი ტურისტულ ოძირაფუობას წჷმარინუანს.

იხილეთ აგრეთვე[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: