აკონკაგუა

აკონკაგუა; ესპ. Aconcagua;
	აკონკაგუა
	კოორდინატეფი: 32°39′12″ ობჟ. გ. 70°00′42″ ბჟად. გ. /
ორენი	არგენტინა;
სიმაღალა	6960
ქჷნდჷრი	ანდეფი
მაართა ეშულა	1897

შხვა შანულობეფშო ქოძირით აკონკაგუა (წყარმალუ).

აკონკაგუა (ესპ. Aconcagua) — კონკა ობჟათე ამერიკას, არგენტინას, ობჟათე ამერიკაშ ანდებს. სიმაღალა 6960 მეტრი (უმაღაღალაში კონკა ბჟადალ დო ონჟათე გვერდოსფეროს). მოსოფელს უმაღალაში ბათოლითი. ოორუე დო ბჟადალი კართეფი გილალაფუთ, ობჟათე კართეს კირდეეფიშ დო ჸინუეფიშ გარახა კიდალა რე. აკოგაფილი რე დონოლექ ქანეფს გეჩოჩელი ანდეზიტეფით, ნამუშ გეშა ჩილათერო ვულკანო რდჷ მერჩქინელი. ფორილი რე იროიანი თირით. კართეფს 7 ჯიშთი დიკმურს, ნამუეფიშ სიგჷრძა 6 კილომეტრშახ რე.

აკონკაგუაშ დოლესქერუას აუფრაშენს ჸინით ფორილი კართეფიშ ჸოფა. მაართათ 1897 წანას თიშა ეშართჷ ექსპედიციაქ ედუარდ ფიცჯერალდიშ დუდალათ. აკონკაგუა ინკური ჯოხოდვალა რწ დო „ჩე შანკოს“ შანენს. მიოჩქჷ, ნამჷ-და კოლუმბიშ დო ესპანალი კონკისტადორეფიშ მუკორჩქინაშახ ინკეფი ეშულირი რდეს ანდეფიშ ოშშახ კონკაშახ, თინეფს შქას აკონკაგუას (თინეფიშ ნოქურს თე კონკაშ კართეფს, 6600 მეტრიA სიმაღალას მიოგორეს).^[1]

საქორთუოშე აკონკაგუას მაართათ ეშართჷ გია თორთლაძექ (1996 წანას, რუსეთიშ ჩხოროკოჩიან ექსპედიციაშ მაკათურეფწკჷმა ართო). თე კონკა 2002 წანას დოლესქერჷ ბენო ქაშაკაშვილქ, 2004 წანას — ბიძინა გუჯაბიძექ (რუსეთიშ ექსპედიციაშ აკოდგინალუას).^[1]