დინორეშა გინულა

ალან პერლისი

ვიკიპედიაშე
ალან პერლისი
ინგლ. Alan Perlis
დაბადებაშ თარიღი:

1 პირელი, 1922

დაბადებაშ აბანი:

პიტსბურგი, პენსილვანია, ააშ

ღურაშ თარიღი:

ფურთუთა 7, 1990 (67 წანერი)

ღურაშ აბანი:

ნიუ-ჰეივენი, კონექტიკუტი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ინფორმატიკა

სამუშაშ აბანი :

კარნეგი-მელონიშ უნივერსიტეტი
იელიშ უნივერსიტეტი
პერდიუშ უნივერსიტეტი

ალმა-მატერი:

კარნეგი-მელონიშ უნივერსიტეტი
მასაჩუსეტსიშ ტექნოლოგიაშ ინსტიტუტი

ომენცარე ხემანჯღვერი:

ფილიპ ფრანკლინი

ჯოხოშინელი მოგურაფეეფი:

ზოჰარ მანა
დეივიდ პარნასი

ჯილდოეფი დო პრემიეფი:

ტიურინგიშ პრემია (1966)
კომპიუტერული ტექნიკაშ პიონერიშ პრემია (1985)

ალან ჯეი პერლისი (ინგლ. Alan Jay Perlis; დ. 1 პირელი, 1922, პიტსბურგი, პენსილვანია, ააშ — ღ. 7 ფურთუთა, 1990, ნიუ-ჰეივენი, კონექტიკუტი, ააშ) — ამერიკალი ინფორმატიკოსი, პერდიუშ უნივერსიტეტიშ, კარნეგი-მელონიშ უნივერსიტეტიშ დო იელიშ უნივერსიტეტიშ პროფესორი, ტიურინგიშ პრემიაშ მაართა ლაურეატი. მიშეღჷ დიდი თია პროგრამირაფაშ ნინეფიშ გოვითარაფაშა.

ბიოგრაფია[რედაქტირაფა | წყუშ რედაქტირაფა]

ალან პერლისიქ დებადჷ 1922 წანაშ 1 პირელს, ნოღა პიტსბურგის, ურიეფიშ ფანიას. გურაფულენდჷ კარნეგიშ ტექნოლოგიაშ ინსტიტუტის (ასეიან კარნეგი-მელონიშ უნივერსიტეტი), სოდეთ მიპალუ ბაკალავრიშ ხარისხი 1943 წანას. მაჟირა მოსოფელიშ ლჷმაშ ბორჯის მსახურენდჷ ამერიკაშ არმიას. ჸათე პერიოდის დეინტერესჷ მათემატიკათ. უკულ პერლისიქ გურაფა გაგინძორჷ მასაჩუსეტსიშ ტექნოლოგიაშ ინსტიტუტის. 1949 წანას პერლისიქ მიპალუ მაგისტრიშ ხარისხი. 1950 წანას თხილუ ოდოქტორე დისერტაცია. გურაფაშ თებაშ უკული მონაწილენდჷ Whirlwind კომპიუტერიშ გოვითარაფაშ პროექტის. მალას პერლისიქ ომუშებუშა გეგნორთჷ პერდიუშ უნივერსიტეტიშა. 1956 წანაშე მუშენდჷ კარნეგიშ ტექნოლოგიაშ ინსტიტუტის, სოდეთ რდჷ მათემატიკაშ დო კომპიუტერული მენცარობეფიშ დეპარტამენტიშ დირექტორი. 1962 წანაშე პერლისი რდჷ კომპიუტერული ტექნიკაშ ასოციაციაშ პრეზიდენტი. 1966 წანას ალან პერლისიქ მიპალუ ტიურინგიშ პრემია, პროგრამირაფაშ ტექნიკაშ დო კომპილატორიშ გოვითარაფაშ გეშა. 1971 წანას პერლისიქ ომუშებუშა გეგნორთჷ იელიშ უნივერსიტეტიშა, სოდეთ ღურაშახ მუშენდჷ. 1977 წანას პერლისიქ გინირთჷ ამერიკაშ ინჟინერიაშ ერუანული აკადემიაშ მაკათურო. 1985 წანას პერლისის გინოჩეს კომპიუტერული ტექნიკაშ პიონერიშ პრემია.

რესურსეფი ინტერნეტის[რედაქტირაფა | წყუშ რედაქტირაფა]