ალასდერ გრეი
| ალასდერ გრეი | |
_by_Guenter_Prust.jpg) ალასდერ გრეი 1994 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 29, 2019 (85 წანერი) |
| ღურაშ აბანი: |
გლაზგო, შოტლანდია |
| ერუანობა: | |
| საქვარუა: |
ჭარუ, ნოველისტი, დრამატურგი, პოეტი, ხანტუ, ილუსტრატორი |
| პერიოდი : |
1951–2019 |
| Magnum opus: |
ლანარკი: რინა ოთხი წინგო (1981) |
| ჟანრი: |
ომენცარე ფანტასტიკა, დისტოპია, სიურრეალიზმი, რეალიზმი |
| ნინა: | |
| ჯილდოეფი: |
გარდიანიშ ლიტერატურული პრემია |
ალასდერ ჯეიმს გრეი (ინგლ. Alasdair James Gray; დ. 28 ქირსეთუთა, 1934, გლაზგო, შოტლანდია — ღ. 29 ქირსეთუთა, 2019, გლაზგო, შოტლანდია) — შოტლანდიარი ჭარუ, ნოველისტი, დრამატურგი, პოეტი, ხანტუ დო ილუსტრატორი. რე ავტორი რომანეფიშ, კუნტა თხობელუეფიშ, პიესეფიშ, პოეტური კრებულიშ დო ნათანგეფიშ. დიდი პოპულარობა მოუღჷ რომანქ "ლანარკი", ნამუქჷთ 1981 წანას გიშართჷ. ჸათე რომანი შოტლანდიური ლიტერატურაშ კლასიკათ რე მერჩქინელი. ალასდერ გრეიშ ნახანდეფი აერთიანენს რეალიზმიშ, ფენტეზიშ, ომენცარე ფანტასტიკაშ, დისტოპიაშ ჟანრეფს.
გრეი გურაფულენდჷ გლაზგოშ ხელუანობეფიშ სკოლას, 1952-1957 წანეფს. გურაფაშ თებაშ უკული მუშენდჷ გლაზგოშ დო სტარკლაიდიშ უნივერსიტეტეფს. პოლიტიკურო ალასდერ გრეი ნაციონალისტი რდჷ, თაშნეშე რდჷ შოტლანდიაშ ზოხორინელობაშ პროპონენტი. გაზეთი The Guardian-იშ აზრით გრეი რე შოტლანდიური ხელუანობეფიშ დო ლიტერატურაშ რენესანსიშ ართ-ართი უდიდაში ფიგურა. გრეიშ ჭარალუაშ პოსტმოდერნიზმიშ სტილს ადარენა ფრანც კაფკას, ჯორჯ ორუელს, ხორხე ლუის ბორხესის დო იტალო კალვინოს. გრეიშ ნაწარმებეფქ დიდი გოლინა იღვენუ ირვინ უელში, ალან უერნერი, ელისონ ლუიზ კენედი, ქრის კელსო, იენ ბენკსი დო შხვა შოტლანდიარი ავტორეფიშა.
თაშნეშე, ალასდერ გრეი რდჷ ხანტუ დო ილუსტრატორი. თიში ნახანტეფი გჷმობჟინაფილი რდჷ შხვადოშხვა გალერეეფს. გრეიქ ღურუ 2019 წანაშ 29 ქირსეთუთას, 85 წანერქ.
გიშნაგორა ნახანდეფი[რედაქტირაფა | წყუშ რედაქტირაფა]
რომანეფი[რედაქტირაფა | წყუშ რედაქტირაფა]
- Lanark: A Life in Four Books (1981)
- 1982, Janine (1984)
- The Fall of Kelvin Walker: A Fable of the Sixties (1985)
- Something Leather (1990)
- McGrotty and Ludmilla (1990)
- Poor Things (1992)
- A History Maker (1994)
- Mavis Belfrage (1996)
- Old Men In Love (2007)