ალექსანდრე ჩიქავა
ალექსანდრე ხიტუშ სქუა ჩიქავა (დ. 1882, შამგონა, ზუგდიდიშ მაზრა — ღ. 28 მარაშინათუთა, 1924) — ქორთუ პედაგოგი, პოლიტიკოსი დო ოჯარალე მოღალე; საქორთუოშ რესპუბლიკაშ დუმარსხუაფალი კათუაშ მაკათური.
ბიოგრაფია
[რედაქტირაფა | წყუშ რედაქტირაფა]ალექსანდრე ჩიქავაქ დებადჷ 1882 წანას, ზუგდიდიშ მაზრაშ ოფუტე შამგონას.
გაათუ ომენოღალე ოგურაფუ, ქუთეშიშ ომეურნე სკოლა.
1902 წანაშე მუშენდჷ მაგურაფალო. 1905 წანაშე რდჷ რუსეთიშ სოციალ-დემოკრატიული მუშეფიშ პარტიაშ „მენშევიკეფიშ ფრაქციაშ“ მაკათური; პარტიაშ სამარგალოშ კომიტეტიშ მაკათური დო აქტიური ორგანიზატორი. მაფაშ რეჟიმიშ ბორჯის, რევოლუციური საქვარუაშ გეშა ოჭოფეს 1905, 1906 დო 1913 წანეფს. ხვილუაშე გოტებაშ უკული, 1917 წანას გილეშჷ ზუგდიდიშ პოლიციაშ არგამა თოჸუჯიშ თუდო, რევოლუციური საქვარუაშ დო ოხვილაშეშე ნტებაშ გურშენ. 1917 წანას რდჷ საქორთუოშ სოციალ-დემოკრატიული მუშეფიშ პარტიაშ ზუგდიდიშ მაზრაშ კომიტეტიშ მაკათური. 1919 წანაშ 12 მელახიშე გიშაგორილი რდჷ საქორთუოშ რესპუბლიკაშ დუმარსხუაფალი კათუაშ მაკათურო საქორთუოშ სოციალ-დემოკრატიული მუშეფიშ პარტიაშ ერკებულით. რდჷ მუშითდუდალაშ კომისიაშ მაკათური. 1921 წანას, სხუნუეფიშ რუსეთშე საქორთუოშ დემოკრატიული რესპუბლიკაშ ოკუპაციაშ უკული ქოდოსქიდჷ საქორთუოს დო ოკათუდჷ აწორინჯალაშ ყარაფის; პარალელურო გურაფულენდჷ ქართიშ სახენწჷფო უნივერსიტეტის პედაგოგიურ ფაკულტეტის. ანტისხუნუფიშ აკოანჯარაფილი არყებაშ დოჭყაფაშ უკული შხვა პოლიტხვილირეფწკჷმა ართო გორხვეს.
ლიტერატურა
[რედაქტირაფა | წყუშ რედაქტირაფა]- ი. ხვადაგიანი, საქორთუოშ დუმარსხუაფალი კათუა 1919. ხს. 426. ქთ. 2016