ქართიშ სახენწჷფო უნივერსიტეტი

ვიკიპედია-შე
გეგნორთი: ნავიგაცია, გორუა
Coat of Arms of Tbilisi State University.svg
ქართიშ სახენწჷფო უნივერსიტეტი, 1918 წანა

ივანე ჯავახიშვილიშ ჯოხონობაშ ქართიშ სახენწჷფო უნივერსიტეტი (ქსუ) საქორთუოშ უჯვეშაში დო უდიდაში უნივერსიტეტი რე. გოჭყაფილქ იჸუ 1918 წანაშ 26 ღურთუთას, დავით აღმაშენებელიშ შინაშ დღას, ქართის. თენა მაართა უნივერსიტეტი რდჷ თი ბორჯის თელ კავკაციას. თე ბორჯის ირწანური სტუდენტეფიშ მუდანობა 30 000-ს, პროფესორ-მაგურაფალეფიშ მუდანობა 3 000-ს ოჭირინდუანს.

უნივერსიტეტის ხუთი ფილიალი უღჷ საქორთუოშ რეგიონეფს, 6 ფაკულტეტი, 60-შახ სამენცარო ლაბორატორია დო ცენტრი, უდიდარაში სამენცარო ბიბლიოთეკა (4 მილიონშახ წინგით დო პერიოდული გჷშაშქუმალეფით), 7 მუზეუმი დო მუშ დორხველი სტამბა. უნივერსიტეტი გჷშაშქვანს მუშ გაზეთის „თბილისის უნივერსიტეტი“.

1917 იშაყარჷ ქართის ქორთული უნივერსიტეტიშ დჷმარცხუაფალ ჯარალუაქ, ნამუქჷთ იდუდჷ უნივერსიტეტიშ დორცხუაფაშ საქვარი. უნივერსიტეტიშ თარი დჷმარცხუაფალი რდჷ ჩინებული ქორთუ ისტორიკოსი, აკადემიკოსი ივანე ჯავახიშვილი. თე წჷმოჭყაფას ივანე ჯავახიშვილს ოხვარჷდეს კონსტანტინე აფხაზი, გრიგოლ გველესიანი, ექვთიმე თაყაიშვილი, გიორგი ახვლედიანი, შალვა ნუცუბიძე, დიმიტრი უზნაძე, გრიგოლ წერეთელი, აკაკი შანიძე, ანდრია რაზმაძე, იოსებ ყიფშიძე, კორნელი კეკელიძე დო პეტრე მელიქიშვილი. ივანე ჯავახიშვილიშ წჷმორინაფათ, უნივერსიტეტიშ მაართა რექტორო იჸუ გჷშასხუნილქ ქორთუ ქიმიკოსიქ, რუსეთიშ ოიმპერატორე აკადემიაშ მაკათურ-კორესპონდენტიქ, პეტრე მელიქიშვილქ.

1919-1926 წანეფს უნივერსიტეტიშ რექტორი რდჷ ივანე ჯავახიშვილი. 1926 წანას სხუნუეფიშ რეჟიმიშ გინოჭყვიდუათ თინა გეგნარინუეს რექტორიშ პოსტიშე დო ჭიჭე ხანით აუკრძალეს უნივერსიტეტის ლექციეფიშ კითხირი.

1991 წანას უნივერსიტეტიშ რექტორო ქჷდარინეს როინ მეტრეველი. როინ მეტრეველიშ რექტორალა ბორჯის, 1992 წანას უნივერსიტეტის ქიმიაჩჷ ავტონომიური უნივერსიტეტიშ სტატუსიქ (ანჯღვერს დიდი სხუნუ), მუთ 1926 წანას რდჷ მიდაღალირი. 1992 წანაშ 18 პირელს უნივერსიტეტიშ დიდ სხუნუქ როინ მეტრეველი უნევერსიტეტიშ რექტორო გაგჷშაგორჷ. პეტრე მელიქიშვილიშ დო ივანე ჯავახიშვილიშ უკული როინ მეტრეველი მაართა გჷშასხუნილი რექტორი რდჷ. 2004 წანაშე რექტორი რდჷ რუსუდან ლორთქიფანიძე, 2006 წანაშე თინა გია ხუბუაქ დოთჷრუ.

1989 წანას ქართიშ სახენწჷფო უნივერსიტეტის ივანე ჯავახიშვილიშ ჯოხოქ ქიმიაჩჷ.[1]

2004 წანაშე ქსუ-შ რექტორიშ მოვალობაშ მასრულებერი რუსუდან ლორთქიფანიძე რდჷ. 2006 წანაშ პირელშე 2010 წანაშ ეკენიაშახ თინა თე პოსტის გიორგი ხუბუაქ დოთჷრუ. 2010 წანაშ 27 ქირსეთუთას რექტორო ეშაგორეს ალექსანდრე კვიტაშვილი. თეჟამო, უნივერსიტეტიშ რექტორი რე აკადემიკოსი ვლადიმერ პაპავა.

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]