ალიჩა

ალიჩა (ლათ. Prunus Vachuschtii) — მიარეწანიანი ხეხილამი ჩანარი ვარდიშობურეფიშ ფანიაშე. უძიგირე, 10-13 მ-შახ სიმაღალაში. სიტიბაშ მოჸოროფე ჯა რე. მუთმოფხვადჷნა რზენეფს დო გაბარს, ზუღაშ დონეშე 500-700 მ სიმაღალაშახ.

ალიჩა იმიარებუ თასით დო ვეგეტატიურო. თასით მიარებაშ ბორჯის ალიჩა გინმიჯიშებუ, ნოჸელათ დოჸორშაფაშ ბორჯის ისქილიდუანს ჯიშურ მუშობურობეფს. გომიარაფაშ სირთულაშ დო მერკე გჷმორინაფაშ გეშა, ალუჩა ეშალაფაშ რზას გერე.

ალიჩაშ გუმნაღელი მოჸვინთელე-მოწვანე რე. შხუ, ეგვიგვილაფირი ხასჷლეფი უღუ, ტყები — თხითხუ დო ბატა. საორდო სუფრაშ ხილი რე. გუმნაღელიშ წვენს დაღარი ბჟეობა ახასიათენს.

ალიჩა მუთმოფხვადჷნა აზერბაიჯანს, სომხეთის. საქორთუოს წკვარამელ ბორჯიშე რე ჩინებული. მოჸუნა ალიჩაშ ჟირი ჯიში — მეჩიბუხე დო იმერული.

ოკურნალე მუშობურობეფი

ალიჩაშ გუმნაღელი

ალიჩა იკათუანს 13% შანქარს, 5% ორგანულ ბჟელფს, 1,5% პექტინს, ბიოლოგიურო აქტიურ ნაკათეფს, ვიტამინეფს B, C, E, P დო PP-ს. ალიჩა ოხვარუ სერიშ სიჸვრეს, გოკირუას, წიმინდანს ზისხირდ, დუთმუკინანს პროტრომბინს. ჯგირი საშუალება რე პროსტატიტიშ ოკურნებელო.

თაშნეშე ქოძირით

• ჸომური

ლიტერატურა

• ბრეგაძე ნ., ქსე, ტ. 1, გვ. 342, თბ., 1975

რესურსეფი ინტერნეტის

• უნივერსალური ენციკლოპედიური ლექსიკონი — nplg.gov.ge
• ალიჩაშ ოკურნალე მუშობურობეფი — mlk.ge

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.