დინორეშა გინულა

ალონზო ჩერჩი

ვიკიპედიაშე
ალონზო ჩერჩი
ინგლ. Alonzo Church
დაბადებაშ თარიღი:

14 მანგი, 1903

დაბადებაშ აბანი:

ვაშინგტონი, ააშ

ღურაშ თარიღი:

მარაშინათუთა 11, 1995 (92 წანერი)

ღურაშ აბანი:

ჰადსონი, ოჰაიო, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

მათემატიკა, ლოგიკა

სამუშაშ აბანი :

პრინსთონიშ უნივერსიტეტი
კალიფორნიაშ უნივერსიტეტი

ალმა-მატერი:

პრინსთონიშ უნივერსიტეტი

ომენცარე ხემანჯღვერი:

ოსვალდ ვებლენი

ჯოხოშინელი მოგურაფეეფი:

ალან ტიურინგი
ლეონ ჰენკინი
ჯონ ჯორჯ კემენი
სტივენ კოულ კლინი
მიხაელ რაბინი
დანა სკოტი
რეიმონდ სმალიანი

ჩინებული რე მუჭოთ:

ინფორმატიკაშ ართ-ართი დუმარსხუაფალი

ჯილდოეფი დო პრემიეფი:

ხელუანობეფიშ დო მენცარობეფიშ ამერიკული აკადემიაშ მაკათური (1967)
მენცარობეფიშ ერუანული აკადემიაშ მაკათური (1978)

ალონზო ჩერჩი (ინგლ. Alonzo Church; დ. 14 მანგი, 1903, ვაშინგტონი, ააშ — ღ. 11 მარაშინათუთა, 1995, ჰადსონი, ოჰაიო, ააშ) — ამერიკალი მათემატიკოსი, ინფორმატიკოსი, ლოგიკოსი დო ფილოსოფოსი, ნამუქჷთ მიშეღჷ დიდი თია მათემატიკური ლოგიკაშ გოვითარაფაშა დო თეორიული ინფორმატიკაშ დორსხუაფაშა.

ალონზო ჩერჩი შინელი რე ჩერჩი-ტიურინგიშ თეზისით, ფრეგე-ჩერჩიშ ონტოლოგიათ დო ჩერჩი-როსერიშ თეორემათ. დანტკიცჷ Entscheidungsproblem-იშ უგნუჭყვადუობა. თაშნეშე, ჩერჩიქ მიშეღჷ დიდი კონტრიბუცია ნინაშ ფილოსოფიაშ რკვიებაშა. მუში სტუდენტი ალან ტიურინგიწკჷმა ართო მერჩქინელი რე ინფორმატიკაშ ართ-ართ დუმარსხუაფალო დო ცენტრალურ ფიგურათ.

ალონზო ჩერჩი გურაფულენდჷ მათემატიკას პრინსთონიშ უნივერსიტეტის, ნამუთ გათუ 1924 წანას. ოდოქტორე დისერტაცია თხილუ ოსვალდ ვებლენიშ ხემანჯღვერობათ. გურაფაშ თებაშ უკული მუშენდჷ ინსტრუქტორო ჩიკაგოშ უნივერსიტეტის. 1927-1929 წანეფს, ერუანული რკვიებეფიშ სტიპენდიათ, გურაფულენდჷ ჰარვარდიშ, გეტინგენიშ დო ამსტერდამიშ უნივერსიტეტეფს.

1929-1967 წანეფს ჩერჩი ოგურუანდჷ მათემატიკას დო ფილოსოფიას, პრინსთონიშ უნივერსიტეტის. 1967-1990 წანეფს რდჷ კალიფორნიაშ უნივერსიტეტიშ (ლოს-ანჯელესი) მათემატიკაშ პროფესორი.

რესურსეფი ინტერნეტის[რედაქტირაფა | წყუშ რედაქტირაფა]