დინორეშა გინულა

ალ-კინდი

ვიკიპედიაშე
ალ-კინდი
არაბ. أبو يوسف يعقوب بن إسحاق الصبّاح الكندي

ალ-კინდიშ თეხანური პორტრეტი
დაბადებაშ თარიღი:

დოხოლაფირო 801

დაბადებაშ აბანი:

ქუფა, აბასიდეფიშ ხალიფატი

ღურაშ თარიღი:

დოხოლაფირო 873 (72 წანერი)

ღურაშ აბანი:

ბაღდადი, აბასიდეფიშ ხალიფატი

მენოღალობა:

აბასიდეფიშ ხალიფატი

ომენცარე სფერო:

ფილოსოფია, ისლამური თეოლოგია, ლოგიკა,ეთიკა, მათემატიკა, ფიზიკა, ქიმია, ფსიქოლოგია, ფარმაკოლოგია, მედიცინა, მეტაფიზიკა, კოსმოლოგია, ასტრონომია, ოპტიკა, მეტეოროლოგია, ასტროლოგია, მუსიკაშ თეორია, კრიპტოგრაფია

ჯოხოშინელი მოგურაფეეფი:

აბუ ზაიდ ალ-ბალხი

აბუ იუსუფ იაკუბ იბნ ისჰაკ ას-საბაჰ ალ-კინდი (არაბ. أبو يوسف يعقوب بن إسحاق الصبّاح الكندي; დ. დოხოლაფირო 801, ქუფა, აბასიდეფიშ ხალიფატი — ღ. დოხოლაფირო 873, ბაღდადი, აბასიდეფიშ ხალიფატი) — არაბი ფილოსოფოსი, მათემატიკოსი, ექიმი დო მუსიკაშ თეორიტიკოსი, ორდოიანი ისლამური ფილოსოფიაშ ცენტრალური ფიგურა. შინელი რე მუჭოთ არაბული ფილოსოფიაშ მუმა.

ალ-კინდიქ დებადჷ ქუფას, გურაფულენდჷ ბაღდადის. რდჷ ინტელექტუალური ცენტრიშ "სიჭკვერეშ ჸუდე"-შ გიშარჩქინელი მაკათური. ალ-კინდი (აბასიდეფიშ ხალიფეფიშ ინიციატივათ), თანგუნდჷ ჯვეში ბერძენულ მენცარულ დო ფილოსოფიურ ტექსტეფს არაბულ ნინაშა. ალ-კინდი რდჷ ელინური დო პერიპატეტიკური ფილოსოფიაშ პოპულარიზატორი ისლამური ოქიანუს.

ალ-კინდი რე ავტორი ოშობათ ნახანდიშ დო ნაჭარეფიშ, ნამუეფით ორხველჷ შხვადოშხვა დისციპლინეფის: მეტაფიზიკას, ეთიკას, ლოგიკას, მედიცინას, მათემატიკას, მეტეოროლოგიას, ფიზიკას, ოპტიკა, ასტრონომიას, ასტროლოგიას დო შხვა ოკითხეფს.

ალ-კინდი რდჷ ართ-ართი პირველი ნამუქჷთ მიშეღჷ ინდური ციფრეფი ისლამურ ოქიანუშა.

ალ-კინდი რდჷ კრიპტოგრაფიაშ პიონერი. თაშნეშე, თიქ მიშეღჷ დიდი თია კრიპტოანალიზიშ გოვითარაფაშა.

რესურსეფი ინტერნეტის[რედაქტირაფა | წყუშ რედაქტირაფა]