ანკლავი

ვიკიპედიაშე
C — A ქიანაშ ანკლავი დო თეწკჷმაშენო B ქიანაშ ექსკლავი
C — B ქიანაშ ექსკლავი, აკოხურგილი A დო D ქიანეფიშ ტერიტორიეფით

ანკლავი (ფრანგ. enclave) — ართი სახენწჷფოშ ტერიტორია ვარა ტერიტორიაშ ნორთი, ნამუთ ირი განშე აკოხურგილიე სახენწჷფოშ დიხეფით დო ნამუსჷთ ვა უღუ ზუღაშ პიჯი (სამანგათ, სან-მარინოშ რესპუბლიკა იტალიას).

ანკლავს ზუღაშა გჷშალი ქოუღუნ-და, თის უძახჷნა გვერდოანკლავს (სამანგათ, მონაკო).

ექსკლავი — სახენწჷფოშ ტერიტორიაშ ნორთი, ნამუსჷთ ვა უღუ ოართე თანჯა სახენწჷფოშ ჯინჯიერ ტერიტორიაწკჷმა დო აკოხურგილიე შხვა ქიანაშ ტერიტორიათ. თეწკჷმაშე ვა რე უციო თინა აკოხურგილი რდას ხვალე ართი ქიანაშ ტერიტორიათ, თის შილებე უხურგანდას მუსხირენ ქიანა. (სამანგათ, ნახიჩევანიშ ავტონომიური რესპუბლიკა, ნამუთ ორხველჷ აზერბაიჯანს, აკოხურგილიე სომხეთით, თურქეთით დო ირანით).

ექსკლავს, ნამუსჷთ გჷშალი უღუ ზუღაშან, უძახჷნა გვერდოექსკლავს (სამანგათ, კალინინგრადიშ ოლქი).

რესურსეფი ინტერნეტის[რედაქტირაფა | წყუშ რედაქტირაფა]