არგიშთი I
| არგიშთი I | ||
 არგიშთი I-შ მონუმენტი სომხეთიშ ნანანოღა ერევანს | ||
| ურარტუშ მაფა | ||
|---|---|---|
| პოსტის გერინაშ ბორჯი | ||
| ჯვ. წ. 786 წანა – ჯვ. წ. 764 წანა | ||
| წიმოხონი | მენუა | |
| მონძე | სარდური II | |
| დუნაბადი | დოხოლაფირო ჯვ. წ. 827 | |
| ნაღურა | დოხ. ჯვ. წ. 764 | |
| მუმა | მენუა | |
| ნანა | ტარირია | |
| სქუალეფი | სარდური II | |
არგიშთი I — ურარტუშ მაფა, ჯვ. წ. 786-764 წანეფს. თიქ გაგინძორჷ მუში მუმაშ მენუაშ ოურდუმე პოლიტიკა. ლჷმეფს აწარმენდჷ უმოსო ასურეთიშ მაფა სალმანასარ IV-შ მეხჷ. ოურდუმე კამპანიეფიშ შედეგო, არგიშთიქ ქიდეკინჷ სირიაშ ოორუე ნორთი. არგიშთიქ ურარტუ გინართინუ უძალიარაში სახენწჷფოთ მორჩილი აზიას. არგიშთიშ მართუალაშ ბორჯის, ურარტუქ გიფართინუ სევანიშ ტობაშახ, ქიდეკინჷ დიაოხი დო არარატიშ დჷკი. დოჸუნაფილი ტერიტორიეფს ფშხირი რდჷ არყებეფი ურარტუშ მართუალაშ მეხჷ. ჸათე ბორჯის, არგიშთი არყებულეფს ეიოხორუანდჷ დო თინეფიშ არდგილს გვალო შხვა კათას ოხორუანდჷ. ჯვ. წ. 782 წანას თიქ ეიოგჷ ერებუნიშ (თეხანური ერევანი) ციტადელი. თიქ თაშნეშე, ჯვ. წ. 776 წანას ეიოგჷ ჯიხაზურგა არგიშთიხინილი. არგიშთიშ ღურაშ უკულ, ხვისტაშა ეშართჷ თიში სქუაქ სარდური II-ქ.