დინორეშა გინულა

ართურ ლეონარდ შავლოვი

ვიკიპედიაშე
ართურ ლეონარდ შავლოვი
ინგლ. Arthur Leonard Schawlow
დაბადებაშ თარიღი:

5 მესი, 1921

დაბადებაშ აბანი:

მაუნთ-ვერნონი, ნიუ-იორკიშ შტატი, ააშ

ღურაშ თარიღი:

პირელი 28, 1999 (77 წანერი)

ღურაშ აბანი:

პალო-ალტო, კალიფორნია, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ფიზიკა

სამუშაშ აბანი :

ბელიშ ლაბორატორია
კოლუმბიაშ უნივერსიტეტი
სტენფორდიშ უნივერსიტეტი

ალმა-მატერი:

ტორონტოშ უნივერსიტეტი

ომენცარე ხემანჯღვერი:

მალკოლმ კრაუფორდი

ჩინებული რე მუჭოთ:

ლაზერიშ გიმმაგონებელი

ჯილდოეფი დო პრემიეფი:

სტიუარტ ბალანტაინიშ მენდალი (1962)
მარკონიშ პრემია (1977)
ნობელიშ პრემია ფიზიკას (1981)
მენცარობაშ ერუანული მენდალი (1991)

ართურ ლეონარდ შავლოვი (ინგლ. Arthur Leonard Schawlow; დ. 5 მესი, 1921, მაუნთ-ვერნონი, ნიუ-იორკიშ შტატი, ააშ — ღ. 28 პირელი, 1999, პალო-ალტო, კალიფორნია, ააშ) — ამერიკალი ფიზიკოსი. ჩარლზ ტაუნსიწკჷმა ართო გიმიგონჷ ლაზერი. შავლოვიქ ლაზერიშ გიმორინაფათ ზიმუ ატომიშ ენერგია. 1981 წანას გინოჩეს ნობელიშ პრემია ფიზიკაშ დარგის (ნიკოლას ბლომბერგენი დო კაი სიგბანიწკჷმა ართო).

ბიოგრაფია[რედაქტირაფა | წყუშ რედაქტირაფა]

ართურ ლეონარდ შავლოვიქ დებადჷ 1921 წანაშ 5 მესის, ნიუ-იორკიშ შტატის. გურაფულენდჷ ტორონტოშ უნივერსიტეტის, სოდეთ პროფესორი მალკოლმ კრაუფორდიშ ხემანჯღვერობათ თხილუ ოდოქტორე დისერტაცია. გურაფაშ თებაშ უკულ მუშენდჷ ბელიშ ლაბორატორიას, კოლუმბიაშ უნივერსიტეტის დო სტენფორდიშ უნივერსიტეტის. შავლოვიშ ომენცარე ინტერესეფიშ სფერო რდჷ: ოპტიკა, ლაზერი, სპექტროსკოპია, ბირთვული რეზონანსი.

პერსონალური რინა[რედაქტირაფა | წყუშ რედაქტირაფა]

ართურ შავლოვიშ ოსური რდჷ ჩარლზ ტაუნსიშ უკულაში და აურელია ტაუნსი. ჸუნდეს სუმი სკუა:ართური უკულაში, ჰელენი დო ედიტი. უკულაშ ართურს აუტიზმი უღუდჷ. ართურ შავლოვიშ ჰობი რდჷ ჯაზი დო რდჷ ჯაზიშ მუსიკალურ ინნაჭარეფიშ კოლექციონერი. შავლოვიქ ღურუ 1999 წანაშ 28 პირელს, ლეიკემიათ კალიფორნიაშ ნოღა პალო-ალტოს.

ჯილდოეფი დო პრემიეფი[რედაქტირაფა | წყუშ რედაქტირაფა]

  • 1962: სტიუარტ ბალანტაინიშ მენდალი
  • 1963: იუნგიშ მენდალი დო პრემია
  • 1964: მორის ლიბმანიშ პრემია
  • 1970: რიხტმაიერიშ პრემია
  • 1976: ფრედერიკ აივსიშ მენდალი
  • 1977: მარკონიშ მენდალი
  • 1981: ნობელიშ პრემია ფიზიკას
  • 1991: მენცარობაშ ერუანული მენდალი

რესურსეფი ინტერნეტის[რედაქტირაფა | წყუშ რედაქტირაფა]