ნიკოლას ბლომბერგენი
| ნიკოლას ბლომბერგენი | |
| ნიდ. Nicolaas Bloembergen | |
 ნიკოლას ბლომბერგენი 1981 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ეკენია 5, 2017 (97 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ოლივერ ბაკლიშ პრემია (1958) |
ნიკოლას ბლომბერგენი (ნიდ. Nicolaas Bloembergen; დ. 11 მელახი, 1920, დორდრეხტი, ნიდერლანდეფი — ღ. 5 ეკენია, 2017, ტუსონი, არიზონა, ააშ) — ნიდერლანდარი-ამერიკალი ფიზიკოსი, ნობელიშ პრემიაშ ლაურეატი ფიზიკაშ დარგის 1981 წანას. პრემია მიპალუ ართურ ლეონარდ შავლოვი დო კაი სიგბანიწკჷმა ართო. ბლომბერგიქ მიშეღჷ დიდი მენცარული კონტრიბუცია ვაღოზოვანი ოპტიკაშ დო ლაზერული სპექტროსკოპიაშ გოვითარაფაშა.
ნიკოლას ბლომბერგენი გურაფულენდჷ ფიზიკას, უტრეხტიშ უნივერსიტეტის. მაჟირა მოსოფელიშ ლჷმაშ ბორჯის, გერმანალეფქ უნივერსიტეტი დოკილეს. ბლომბერგენიქ ინტჷ დო ჟირო წანას ტყობუდჷ. 1945 წანას ნიდერლანდეფი ქიდიტუ დო ოცხოვრებშა ამერიკაშა მიდართჷ, სოდეთ გურაფულენდჷ ჰარვარდიშ უნივერსიტეტის, ედუარდ მილს პერსელიშ ხემანჯღვერობათ. 1947 წანას ბლომბერგენიქ კინ ნიდერლანდეფიშა დირთჷ დო გურაფა გაგინძორჷ ლეიდენიშ უნივერსიტეტის, სოდეთ თხილუ ოდოქტორე დისერტაცია 1948 წანას.
1949 წანაშე ბლომბერგენი კინ ამერიკას რე. ჸათაქ თიქ იმუშუ შხვადოშხვა ომენცარე ინსტიტუტეფს. რდჷ ჰარვარდიშ, კალიფორნიაშ დო არიზონაშ უნივერსიტეტეფიშ პროფესორი.
ჰარვარდიშ უნივერსიტეტის მუშობაშ ბორჯის, ბლომბერგენი გურაფულენდჷ მიკრორეღმულ სპექტროსკოპიას, შხვადოშხვა ექსპერიმენტეფით. ბლომბერგინიქ აკეთეჷ ჩარლზ ტაუნსიშ მაზერიშ მოდიფიკაცია 1956 წანას დო ეიოგჷ კრისტალური მაზერი, ნამუთ მაზერიშ სტანდარტული აირული ვერსიაშე უმოსი ნძალიერი რდჷ.
ნიკოლას ბლომბერგენი ოკათუდჷ ლაზერული სპექტროსკოპიაშ გოვითარაფას, ნამუშ გიმორინაფათ შილებედჷ ატომური სტრუქტურაშ უმოს ჯგირი გჷმორკვიება.
მაჟირა ჰარმონიული გენერაციაშ გოვითარაფაშ უკულ, ბლომბერგენი ირკვიენდჷ მატერიაშ ბომბირაფას, მაღალი ინტენსივობაშ ფოტონეფიშ ჩხორიეფით დო ოკვირუდჷ მატერიაშ ახალი სტრუქტურაშ მუკორჩქინაშ პროცესის. ჸათე პროცესეფიშ რკვიებას ბლომბერგენიქ გიოდჷ ვაღოზოვანი ოპტიკა (ინგლ. nonlinear optics).
ნიკოლას ბლომბერგენი, ნობელიშ პრემიაშ გარდა რდჷ შხვადოშხვა პრემიეფიშ, ჯილდოეფიშ ლაურეატი დო საირქიანო ომენცარე ორგანიზაციეფიშ მაკათური.
რესურსეფი ინტერნეტის[რედაქტირაფა | წყუშ რედაქტირაფა]
- ნიკოლას ბლომბერგენი Nobelprize.org-ის
- ნიკოლას ბლომბერგენი ენციკლოპედია ბრიტანიკას
- ხასჷლეფი, ნამუეფჷთ გჷმირინუანა დუბლიკატ არგუმენტეფს თანგეფიშ გიშაძახებაშო
- დუნაბადი 1920
- დუნაბადი 11 მელახი
- ნაღურა 2017
- ნაღურა 5 ეკენია
- ღურელი კათა
- ნიდერლანდარეფი
- ამერიკალეფი
- ნიდერლანდარი ფიზიკოსეფი
- ამერიკალი ფიზიკოსეფი
- ნობელიშ პრემიაშ ლაურეატეფი
- ნობელიშ პრემიაშ ლაურეატეფი ფიზიკაშ დარგის
- ამერიკალი ნობელიშ პრემიაშ ლაურეატეფი