ბეზენგიშ კიდალა

ბეზენგიშ კიდალა, ფიცარული — ცენტრალური კავკაციონიშ თარი წყარგჷმართუ ქჷნდჷრიშ არძაშე მაღალი, 12 კილომეტრიშ სიგინძაშ მუნაკვათა. ებიჯილი რე კიდალაშ მაგურო ბალყარეთის (ოორუეჸურე) დო შონეს (ობჟათეს) შქას. ბეზენგიშ კიდალას საქორთუოს ხალდეშ კიდალას ხოლო უძახჷნა. ბეზენგიშ კიდალას გოტარკალერი რე კავკაციონიშ კრისტალური გურიშ ქანეფიშ – ტუტაშფერი გრანიტოიდეფი, ნამუეფით ეგაფილი რე ბეზენგიშ კიდალაშ უმაღალაში კონკეფი: ლალვერი (4350 მ), გისტოლა (4860 მ), კათინთაუ (4970 მ), ჯანღა (5040მ), შოთა რუსთაველიშ კონკა (4960 მ), შხარა (5058 მ). თინეფ შქას 4400-4100 მ სიმაღალაშ ჸალაიბონეფი რე.

ბეზენგიშ კიდალეფშე ოორუეჸურე გიმურს კავკაციონიშ ართ-ართი უკაბეტაში ბეზენგიშ ჯიშთი, ობჟათეჸურეშე - ხალდშ დო შხარაშ ჯიშთეფი. ბეზენგიშ კიდალაშ კონკეფიშ ტრავერსი ართ-ართი უძნელაში ალპინისტური მარშრუტი რე კავკაციონს.

ქოძირით თაშნეშე

• საქორთუოშ ქჷნდჷრეფიშ ერკებული

ლიტერატურა

• ქორთული სხუნუეფიშ ენციკლოპედია, ტ. 2, ხს. 267, ქართი, 1977 წანა.