ბენ აფლეკი

ბენ აფლეკი
ბენ აფლეკი
დაბადებაშ ჯოხო	ბენჯამინ გეზა აფლეკ-ბოლდტი
დაბადებაშ აბანი	ბერკლი, კალიფორნია, ააშ
დებადჷ	15 მარაშინათუთა, 1972 (1972-08-15)
საქვარუა	არტისტი რეჟისორი პროდიუსერი სცენარისტი
აკოქიმინჯალაშ წანეფი	1981–ასეშა
ალმასქუ(ეფი)	ჯენიფერ გარნერი (2005-ასეშა)

ბენჯამინ გეზა აფლეკ-ბოლდტი (ინგლ. Ben Affleck; დ. 15 მარაშნათუთა, 1972, ბერკლი, კალიფორნია, ააშ) — ამერიკალი არტისტი, რეჟისორი, პროდიუსერი დო სცენარიშ ავტორი. დუდშე თოლ-ჸუჯი მიკიჭოფჷ სრულებური როლეფით ფილმეფს: „უსაქვარეეფი“ (1995), „ემიშ თხოზინს“ (1997), „დოგმა“ (1999). 1997 წანას მეტ დეიმონწკჷმა ართო ჭარუ სცენარი ფილმიშო „ნიჭიერი უილ ჰანტინგი“, ნამუთიქ მოუღჷ თის ოსკარიშ პრემია ნომინაციას საუჯგუშო ორიგინალური სცენარი დო ორქოშ გლობუსი ნომინაციას საუჯგუშო სცენარი. გვიანო ოერეფოშქაშე აღიარება მიპალუ, ილაჸაფუ ჩინებულ ფილმეფს: „არმაგედონი“ (1998), „პერლ ჰარბორი“ (2001), „შხვაშ წკარს“ (2002), „შქურენჯიშ ოფასე“ (2002), „რინტალი“ (2003), „სუპერმენიშ ღურა“ (2006), „დიდი ლაჸაფი“ (2009), „ნოღა“ (2010).

ბენ აფლეკი კინოკრიტიკოსეფშე აღიარაფილი რეჟისორი რე. ფილმ „ჯგირო ორდა ჭიჭე“ გინოღალაშ უკული მიპალუ აღიარაფა მუჭოთ რეჟისორქ. რდჷ ფილმ „არგო“-შ რეჟისორი დო პროდიუსერი, ნამუქჷთ მუღჷ თის ოსკარიშ პრემია ნომინაციას საუჯგუშო სურათი, ორქოშ გლობუსი ნომინაციას საუჯგუშო რეჟისორი, BAFTA ნომინაციას საუჯგუშო ფილმი დო საუჯგუშო რეჟისორი.

კინოინდუსტრიაშ მეტი ბენ აფლეკი აქტიურო რე ჩართული პოლიტიკას დო ოჩეჟმოქიმინჯალე საქვარუეფს. 2000 წანას მეტ დეიმოწკჷმა ართო დარსხუ ოწარმე კომპანია „LivePlanet“, დო 2012 წანას „Pearl Street Films“.

ბენ აფლეკის ჸუნს უკლაში ჯიმა, კეისი აფლეკი, ნამუთ ხოლო არტისტი რე. 2005 წანაშე გურგინუას რე ჯენიფერ გარნერწკჷმა. ჭკობას სუმი სქუა ჸუნა. უმოს ადრე ურთიართობას რდჷ გვინეთ პელტროუწკჷმა დო ჯენიფერ ლოპესწკჷმა.

ფილმოგრაფია

წანა		მარგალურო	ოდაბადური ჯოხოდვალა	როლი
1995	ფ	უსაქვარეეფი	Mallrats	შენონ ჰამილტონი
1997	ფ	ემიშ თხოზინს	Chasing Amy	ჰოლდენ მაკნილი
1997	ფ	ნიჭიერი უილ ჰანტინგი	Good Will Hunting	ჩაკი სალივანი
1998	ფ	ჸოროფილი შექსპირი	Shakespeare in Love	ნედ ალენი
1998	ფ	არმაგედონი	Armageddon	ეი ჯი ფროსტი
1998	ფ	ფანტომეფი	Phantoms	შერიფი ბრიუს ჰამონდი
1999	ფ	დოგმა	Dogma	ბართლბი
1999	ფ	200 სიგარეტი	200 Cigarettes	ბარტენდერი
2001	ფ	პერლ ჰარბორი	Pearl Harbor	კაპიტანი რეიფ მაკ-კოული
2002	ფ	შქურენჯიშ ოფასე	The Sum of All Fears	ჯეკ რაიანი
2002	ფ	შხვაშ წკარს	Changing Lanes	გევინ ბანეკი
2003	ფ	რინტალი	Daredevil	მეტ მერდოკი
2005	ფ	ელექტრა	Elektra	მეტ მერდოკი
2006	ფ	სუპერმენიშ ღურა	Hollywoodland	ჯორჯ რივზი
2009	ფ	თინა უბრალეთ სქანს ვარე	He's Just Not That Into You	ნილი
2009	ფ	დიდი ლაჸაფი	State of Play	სტივენ კოლინზი
2010	ფ	ნოღა	The Town	დაგ მაკრეი
2012	ფ	არგო	Argo	ტონი მენდესი
2014	ფ	დინაფილი ძღაბი	Gone Girl	ნიკ დანი
2016	ფ	ბეტმენი სუპერმენიშ აწმარენჯო:სამართალიანობაშ გოთანა	Batman v Superman: Dawn of Justice	ბრიუს უეინი

რესურსეფი ინტერნეტის

ვიკიოწკარუეს^? რე ხასჷლა თემაშენ:

ბენ აფლეკი

• ბენ აფლეკი — კინოფილმეფიშ ინტერნეტ მუნაჩემეფიშ ბაზას (ინგლისური)
• ბენ აფლეკი — Allmovie-ს
• ბენ აფლეკი People.com-ს