მეტ დეიმონი

ვიკიპედია-შე
Jump to navigation Jump to search
მეტ დეიმონი
Matt Damon 2014.jpg
მეტ დეიმონი 2014 წანას
დაბადებაშ ჯოხო მეტ პეიჯ დეიმონი
დაბადებაშ აბანიკემბრიჯი, მასაჩუსეტსი, ააშ
დებადჷ 8 გჷმათუთა, 1970 (1970-10-08) (49 წანერი)
საქვარუა არტისტი, პროდიუსერი, სცენარისტი
აკოქიმინჯალაშ წანეფი 1988–ასეშა

მეტიუ პეიჯ „მეტ“ დეიმონი (ინგლ. Matthew Paige „Matt“ Damon დ. 8 გიმათუთა 1970, კემბრიჯი, მასაჩუსეტსი, ააშ) — ამერიკალი არტისტი, პროდიუსერი დო სცენარისტი. ოსკარიშ დო ორქოშ გლობუსიშ პრემიაშ ლაურეატი, მუჭოთ სცენარისტი. დეიმონიშ მეტო ჩინებული კინოროლეფშე ოშინალი რე: „ნიჭიერი უილ ჰანტინგი“ (1997), „რანწკური რაიანიშ გინასქილიდაფარო“ (1998), „ნიჭიერი მისტერ რიპლი“ (1999); ოუშენიშ მაჸალეეფიშ სუმნორთიანი ოდუდსგინნაველე კინოფილმი: „ოუშენიშ ვითაართი მაჸალე“ (2001), „ოუშენიშ ვითოჟირი მაჸალე“ (2004), „ოუშენიშ ვითოსუმი მაჸალე“ (2007); ტრილოგია ჯეისონ ბორნიშე : „ბორნიშ იდენტიფიკაცია“ (2002), „ბორნიშ სხუნაფა“ (2004), „ბორნიშ ულტიმატუმი“ (2007); ხოლო მარტინ სკორსეზეშ „ღურელეფი“ (2006) დო ფილმი „რეგულირაფაშ ბიურო“ (2011).

ბიოგრაფია[რედაქტირაფა | წყუშ რედაქტირაფა]

მეტ დეიმონქ დებადჷ მასაჩუსეტსიშ შტატის ნოღა კემბრიჯის, მუამუშიშ — კენტ ტელფორ დეიმონიშ დო დიამუშიშ — ნენსი კარლსონ-პეიჯიშ ფანიას. მუამუში ბირჟაშ მაკლერი რდჷ, დო დიამუში ლესლიშ უნივერსიტეტიშ პროფესორი.[1][2] დეიმონიშ გენეალოგია აკმოდირთუ ინგლისურ, შოტლანდიურ, ფინურ დო შვედურ ჯინჯეფშე. დეიმონი ბენ აფლეკიშ დო კეისი აფლეკიშ შორიშ მოჯგირე რე.[3][4] ჸუნს ჯიმა კაილი, ნამუთ პროფესიონალი მაჭახნაკე დო ხანტუ.[2][5]

ართხანს დეიმონეფიშ ფანიაქ ნიუტონშა გინორთჷ ოხორუშა, სოდეთ ოხორანდეს ჟირი წანაშ გოძვენას. მუჟამსჷთ თიში მასქერეფქ ართიანს დეთხიისჷნ, დეიმონქ დიამუშწკჷმა ართო კემბრიჯიშა გინორთჷ ოხორუშა, სოდეთ მუშ ფანიაწკჷმა ართო 5 შხვა ფანია ოხორანდჷ. დეიმონი ირდუდჷ ბენ აფლეკწკჷმა ართო, ნამუწკჷმათ ბაღანობაშე ხოლოშ ურთიართალა უღუდჷ, ხოლო თინაწკჷმა ხოლოს ოხორანდჷ ჭარუ ჰოვარდ ზინი, ნამუშ ართ-ართი ნახანდას დეიმონი იშინანს ფილმის „ნიჭიერი უილ ჰანტინგი“.

1988 წანას დეიმონქ აბარჷ ჰარვარდიშ უნივერსიტეტის,[6] სუმი წანაშ უკული თიქ ოგურაფუ მიოტუ, თიშენ, ნამდა თის ხვალე არტისტალა ოკოდჷ. მორო დუდშეშე ოკათუდ ოსტუდენტე თეატრის,[7] სოდეთ შხირას სპექტაკლის როლეფს არსულენდუ.[8]

ოარტისტე კარიერა[რედაქტირაფა | წყუშ რედაქტირაფა]

დეიმონქ მაართა როლი კინოს ასრულჷ 1988 წანას რომანტიკულ კომედიას „მისტიური პიცა“.[9] თი ბორჯიშო დეიმონი ხვალე 17 წანერი რდჷ. 1992 წანას როლი მიღჷ ფილმის „ოსკოლე რცხუეფი“. თიმ წანას ოთოლჸუჯე როლი მიღჷ ფილმის „ჯერონიმო: ამერიკული ლეგენდა“, სოდეთ თინაწკჷმა ართო ილაჸაფეს ჰოლივუდიშ მურიცხეფქ.

ოთხი წანაშ უკული მორსებეფს რდჷ ფილმიშო „დუდშეხეეღალირეფიშ კოკი“, მორო ფილმის კათაფაშენ თიქ ვარია გაცხადჷ. 1996 წანას დეიმონი გიშარჩქინდჷ ედვარდ ცვიკიშ ფილმის „უშქურანჯობა ლჷმას“, სოდეთ თიში პარტნიორიქ იჸუ დენზელ ვაშინგტონი. ათე ფილმიშო დეიმონმქ 18 კგ დირკჷ, რდჷ კონწარ დიეტას.[10][11] ფილმ „უშქურანჯობა ლჷმას“ სრულებური როლიშო დეიმონქ კინოკრიტიკოსეფიშ განშე სიმპათიეფი დეინალუ. ხოლო დეიმონიშ ჸურე სიმპათიეფი გჷმოხანტჷ ჟურნალქ The Washington Post-მა.[12]1998 წანას მეტ დეიმონქ არსულჷ როლი სტივენ სპილბერგიშ ფილმის „რანწკური რაიანიშ გინასქილიდაფარო“.

1990-იან წანეფიშ დაჭყაფურს დეიმონქ დო აფლეკიქ დოჭარეს სცენარი გენიალურ ახალ მათემატიკოსიშე. უკული ოცადჷდეს სცენარიშ გჷმოჩამას ჰოლივუდის, მორო კინოსტუდიეფი თინეფს ვარიას ეჩიებუდეს, თიშენ ნამდა ფილმის კათინი სცენარიშ ავტორეფსჷთ ოკოდეს. საბოლათ სცენარი იჸიდჷ კინოკომპანია Miramax Films-ქ. 1997 წანას გიშურს ფილმი „ნიჭიერი უილ ჰანტინგი“, სოდეთ თარი როლს გიშარჩქინდეს ახალ არტისტეფქ მეტ დეიმონქ დო ბენ აფლეკიქ. ფილმიქ საუჯგუშო სცენარიშო ოსკარით დეჯილდუ. ხოლო ფილმიშ ბიუჯეტიქ აკადგინჷ 10მლნ. ააშ დოლარი, დო გომორძგუქ 226 მლნ. ააშ დოლარი.

1999 წანას დეიმონქ ჯუდ ლოუწკჷმა დო გვინეთ პელტროუწკჷმა ართო აკათჷ ენტონი მინგელაშ ფილმის „ნიჭიერი მისტერ რიპლი“. ფილმი ფსიქოლოგიურ ტრილერს წჷმარინუანს. ფილმიქ დიდი პოპულარობა მიპალუ დო საართო ჯამს თიშ მუშნაველქ აკადგინჷ 128 მლნ. აშშ დოლარი. კინოფილმი „ნიჭიერი მისტერ რიპლი“ ნომინირაფილი რდჸ ოსკარს დო ორქოშ გლობუსის.

1999 წელს აკათჷ კევინ სმითიშ ფილმის „დოგმა“, 2001 წანას სტივენ სოდერბერგიშ ფილმის „ოუშენიში ვითაართი მაჸალე“. 1990-იანი წანეფს დალიეფაშე დეიმონი აკოდგინელ არტისტო გჷმოლინეს. ამიერშე თინა ჰოლივუდიშ მუმათხუალი არტისტიქ იჸუ. დეიმონიშ კარიერას თარი რდჷ ტრილოგია ჯეისონ ბორნიშე: „ბორნიშ იდენტიფიკაცია“ (2002), „ბორნიშ სხუნაფა“ (2004), „ბორნიშ ულტიმატუმი“ (2007), სოდეთ თიქ ასრულჷ ცენტრალური ოთხობელუ ოაგენტეშ ჸოფილი ალმახანდეშ როლი, ნამუთიქ შვენა მიოდინუ.

ბოლო წანეფს ართუცბას მიარე ფილმის აკათჷ, ნამუეფშე ოშინალი რე: „რცუ მეჩილითაფა“, „ხასიათიშ სინტკიცე“, „წვანე ზონა“, „რეგულირაფაშ ბიურო“ დო შხვა.

პიჯური რინა[რედაქტირაფა | წყუშ რედაქტირაფა]

1997 წანას მეტ დეიმონქ ურთიართობა დიჭყჷ არტისტ მინი დრაივერწკჷმა.[13] უკული ართიანს დეთხიეს. დრაივერწკჷმა დათხიებაშ უკული დეიმონქ ოპრა უინფრიშ შოუს, გონჯამილი ეთერს გაცხადჷ. უკული ართ-ართი ჭანაფილობას დეიმონქ გეჩინებაფუ უინონა რაიდერი, ნამუწკჷმა გარკვიებული ბორჯით რომანი უღუდჷ. 2001 წანაშე ხვადუდჷ ოდესა უიტმორს, ნამუთ თი ბორჯის ასისტენტო მუშენდჷ ბილი ბობ თორნტონწკჷმა დო ბენ აფლეკწკჷმა.[9] დეიმონქ დო უიტმორქ ართიანს დეთხის 2003 წანას.

2003 წელს დეიმონქ გეჩინებაფუ მუში მუმალი ალმასქუ ლუჩიანა ბაროზო.[14] 2005 წანაშ 9 ქირსეთუთას ჭკობაქ დეგურგინჷ.[14] 2006 წანაშ 11 მანგის ნოღა მაიამის ჭკობას მაძინჷ მაართა სქუაქ, დო 2008 წანაშ 20 მარაშინათუთას მაძინეს მაჟირა სქუაქ. 2010 წანას მაძინუ მასუმა სქუაქ.

ფილმოგრაფია[რედაქტირაფა | წყუშ რედაქტირაფა]

თარგი:ფილმისთოლეფითარგი:ფილმისთოლეფი
წანა მარგალურო ოდაბადური ჯოხოდვალა როლი
1988 მისტიური პიცა Mystic Pizza სტიმერი
1988 ჯგირი დიდა The Good Mother ექსტრა
1992 ოსკოლე კრცხუეფი School Ties ჩარლი დილონი
1993 ჯერონიმო: ამერიკული ლეგენდა Geronimo: An American Legend ბრიტონ დეივისი
1996 უშქურანჯობა ლჷმას Courage Under Fire სპეციალისტი ილარიო
1997 ნიჭიერი უილ ჰანტინგი Good Will Hunting უილ ჰანტინგი
1997 ჯგირსქუა The Rainmaker რუდი ბეილორი
1998 ცუხუეფი Rounders მაიკ მაკდერმოტი
1998 რანწკური რაიანიშ გინასქილიდაფარო Saving Private Ryan ჯეიმზ რაიანი
1999 ნიჭიერი მისტერ რიპლი The Talented Mr. Ripley რიპლი
1999 დოგმა Dogma ლოკი
2000 ფორესტერიშ გორუას Finding Forrester სტივენ სენდერსონი
2000 უმუკინდუ გურეფი All the Pretty Horses ჯონ კოული
2000 ბაგერ ვანსიშ ლეგენდა The Legend of Bagger Vance რანულუფ იუნუ
2001 მაჯესტიკი The Majestic პიტერ ეპლტონი/ლუკ ტრიმბლი
2001 ოუშენიშ ვითაართი მაჸალე Ocean's Eleven ლაინუს კოლდუელი
2002 ჯერი Gerry ჯერი
2002 ბორნიშ იდენტიფიკაცია The Bourne Identity ჯეისონ ბორნი
2003 გიბჭკადი სქანს Stuck on You ბობ ტენორი
2004 ოუშენიშ ვითოჟირი მაჸალე Ocean's Twelve ლაინუს კოლდუელი
2004 ბორნიშ სხუნაფა The Bourne Supremacy ჯეისონ ბორნი
2004 ევროტური EuroTrip დონი
2005 სირიანა Syriana ბრაიან ვუდმანი
2005 ჯიმალეფი გრიმეფი The Brothers Grimm ვილჰელმ გრიმი
2006 რცუ ჩილათეფი The Good Shepherd ედვარდ უილსონი
2006 ღურელეფი The Departed კოლინ სალივანი
2007 ბორნიშ ულტიმატუმი The Bourne Ultimatum ჯეისონ ბორნი
2007 ოუშენიშ ვითოსუმი მაჸალე Ocean's Thirteen ლაინუს კოლდუელი
2008 ურჯგინუ Invictus ფრანსუა პიენაარი
2009 ინფორმატორი The Informant! მარკ უიტაკრი
2010 წვანე ზონა Green Zone როი მილერი
2010 დინახალენი საქვარი Inside Job მთხრობელი
2010 თიქიანური Hereafter ჯორჯ ლონეგანი
2010 ხასიათიშ სინტკიცე True Grit ლებეფი
2011 რეგულირაფაშ ბიურო The Adjustment Bureau დევიდ ნორისი
2013 ელისეშ მინდორეფი Elysium მაქს და კოსტა
2013 შანდალეფს მელე Behind the Candelabra სკოტ თორსონი
2014 განძიშ ჯინორეფი The Monuments Men ჯეიმზ გრენჯერი
2014 მურიცხეფშქაშური Interstellar დოქტორი მანი
2015 მარსელი The Martian მარკ ვეტნი

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]

  1. Luscombe, Belinda. “Matt Damon Acts Out“, Time, December 19, 1999. კითხირიშ თარიღი: April 5, 2009. 
  2. 2.0 2.1 Givens, Ron, Michele McPhee. “Two Hollywood Prizefighters 'Hunting' for Stardom Pays Off for Matt Damon“, Daily News, March 22, 1998. კითხირიშ თარიღი: April 5, 2009. 
  3. Genealogical Chart Knowlton Line of Ben Affleck and Matt Damon. New England Historic Genealogical Society (2009). კითხირიშ თარიღი: 2010-02-02.
  4. Matt Damon. Rootsweb. კითხირიშ თარიღი: 2010-02-02.
  5. Ball, Ryan. “Matt Damon Animated for Arthur“, Animation Magazine. კითხირიშ თარიღი: April 5, 2009. 
  6. McGrath, Charles. “6 Degrees of Harvard“, The New York Times, October 1, 2006. კითხირიშ თარიღი: April 5, 2009. 
  7. Chainani, Soman. Matt Damon On Life, Acting and Harvard. The Harvard Crimson. კითხირიშ თარიღი: April 21, 2010.
  8. Siegler, Elijah. “Ex Show Safe but Satisfying“, The Harvard Crimson, November 2, 1990. კითხირიშ თარიღი: April 5, 2009. 
  9. 9.0 9.1 Matt Damon Biography. People. კითხირიშ თარიღი: April 5, 2009.
  10. Greenblatt, Leah. “Actorexia: A Brief History“, Entertainment Weekly, September 21, 2007. კითხირიშ თარიღი: April 5, 2009. 
  11. ANI (August 4, 2007). Weight loss left Damon feeling like a "wreck". YahooIndia. კითხირიშ თარიღი: April 5, 2009.
  12. Kempley, Rita. “Hand-to-Heart Combat“, The Washington Post, November 8, 1998. კითხირიშ თარიღი: April 21, 2010. 
  13. Winters, Laura. “When the Character Calls, Minnie Driver Listens“, The New York Times, August 2, 1998. კითხირიშ თარიღი: March 6, 2010. 
  14. 14.0 14.1 Associated Press. “Matt Damon, fiancee wed“, USA Today, December 9, 2005. კითხირიშ თარიღი: April 5, 2009.