ბინდი (2008 წანაშ ფილმი)

ბინდი
Twilight
	ბინდი; Twilight
რეჟისორი:	კეტრინ ჰარდვიკი
პროდიუსერი:	მარკ მორგანი; გრეგ მურადიანი; ვიკ გოდფრი
სცენარიშ ავტორი:	ბინდი:; სტეფანი მეიერი ; სცენარი:; მელისა როზენბერგი
თარ როლეფს:	კრისტენ სტიუარტი; რობერტ პატინსონი
კომპოზიტორი:	კარტერ ბერველი
გჷშულაშ თარიღი:	გერგობათუთა 8, 2008; ; ; ; ; (კანადა/ააშ); ქირსეთუთა 19, 2008; ; ; ; ; (ავსტრალია); ქირსეთუთა 26, 2008; ; ; ; ; (გოართიანაფილი ომაფე/ახალი ზელანდია)
ხანგჷნძარალა:	121 წნ
ქიანა	ააშ
ნინა:	ინგლისური
მუშნალი:	392,563,465 მლნ $
გეჸვენჯი:	ახალი თუთა

ბინდი (ინგლ. Twilight) — 2008 წანაშ ამერიკული რომანტიკული ფილმი. თიში რეჟისორი რე კეტრინ ჰარდვიკი. ფილმი დორსხუაფილი რე რომანს „ბინდი“, ნამუშ ავტორი რე სტეფანი მეიერი. ფილმის თარი როლეფს არსულენა კრისტენ სტიუარტი დო რობერტ პეტინსონი.

ფილმიშ სლოგანი რე „when you can live forever, what do you live for?“ (მარგალურო „იროიანი რინა ქეშეილებუნდა, მუშენ ოხორანქ?“)

სიუჟეტი

გური გუჩით! თუდოლე მოჸონაფილი რე სიუჟეტიშ დო/ვარა დათებუშ დეტალეფი.

17 წანერი ბელა მუამუშწკჷმა (ჩარლი) ჭიჭე ნოღა ფორქსიშა ინურს, თიშენ ნამდა დიდაშ (რენე) ახალი ქომონჯი (ფილი) ბეისბოლისტი რე დო შხირი შარულობა უღუ. ფორკსის თინა გეჩინებაფუანს ფულირეფით ეფშა ფანიას - კალენეფს. ბელა გეგენს ნამდა კალენეფი ვამპირეფი რენა. თინეფს ადამიერიშ ზისხირშე ვარია თქუეს დო ჩხოლარეფიშ ზისხირით იდიარუნა. ბელას დო ედვარდის ართიანი ქეჸოროფებუნა. ედვარდი ბელაშ ფანიაშ მაკათურეფს გაჩინებაფუანს. თის ძღაბი ბეისბოლშა მეჸუნს, სოდეთ შეხვადუნა სუმი ვამპირს. ართ-ართი თინეფშე, ჯეიმსი ბელაშა ნადირუას იჭყანს. კალენეფიშ ფანია თხილანს ბელას დო საიმენდოთ გინატყობინუანს თის ჯექსონვილს. ჯეიმსი იშენ გეგენს ბელაშ მოსადიოს დო თიშ ოჸვილშა მეურს. თინა დაშქურინუანს ბელას დიდაშ ჸვილუათ დო დანძალენს ობალეტე სტუდიას შეხვალამას. ედვარდი ჸვილუნს ჯეიმსის დო გინასქილიდუანს ბელას. ბოლოს, მუჟამსით ბელა დო ედვარდი სკოლაშ ოთებელ წვიებას სხაპუნან, ვიქტორია (ჯეიმსიშ ჸოროფილი) თინეფს ოსინთეშე უჯინე.