რობერტ პატინსონი

ვიკიპედიაშე
რობერტ პატინსონი

პატინსონი 2012 წანას
დაბადებაშ ჯოხო რობერტ დაგლას ტომას პატინსონი
დაბადებაშ აბანილონდონი, ინგლისი
დებადჷ 13 მესი, 1986 (1986-05-13) (37 წანერი)
საქვარუა არტისტი, მუსიკოსი, მოდელი, პროდიუსერი
აკოქიმინჯალაშ წანეფი 2004–ასეშა
რობერტ პეტინსონი „ბინდიშ“ პრემიერას ლოს–ანჯელესის

რობერტ ტომას პეტინსონი (ინგლ. Robert Thomas Pattinson; დ. 13 მესი, 1986) — ინგლისარი არტისტი, მოდელი დო მუსიკოსი. თიქ ილაჸაფჷ ედვარდ კალენიშ როლი „ბინდიშ საგას“, ნამუთ დორსხუაფილი რე სტეფანი მეიერიშ ათე ჯოხონობაშ რომანს, ხოლო - სედრიკ დიგორი ჰარი პოტერიშ გეშა ჟირ ფილმის.

ბიოგრაფია[რედაქტირაფა | წყუშ რედაქტირაფა]

პეტინსონქ დებადჷ ლონდონს, ინგლისის. თინაქ ჩერთჷ ომოჸოროფე თეატრიშ საქვარს „ბარნეშ თეატრალური კომპანიაშ“ მოხვარათ. კულისეფს მელე ომუშებელეფიშ უკული თიქ მიღჷ ოარტისტე როლეფი. ათეში უკული თინა ლაჸაფენდჷ „მაკბეტიშ“ ომოჸოროფე ვერსიას „Old Sorting Office Arts Centre“-ს, ხოლო ცადჷ ბედი მოდელო.

პატინსონქ მიღჷ მაჟირახარისხამი როლეფი ტელეფილმის „ნიბელუნგეფიშ მარწკინდი“ (2004) დო რეჟისორ მირა ნაირიშ ფილმის „პოტიკიშ ბაზარი“ (2004), სოდეთ თიში სცენეფი ეშაჭკირეს დო ხვალე DVD ვერსიას გუმორჩქინდჷ. 2005 წანაშ მესის ოკო კათაფუდუკო „წოხოლენი ოსურიშ“ ინგლისურ ოპრემიერე ძირაფას Royal Court Theatre-ს, მარა გონწყუმაშ სერს დეთხინეს დო გოთირუ არტისტიქ ტომ რილეიქ. თი წანას, გვიანო თიქ გასახიერჷ სედრიკ დიგორი ფილმის „ჰარი პოტერი დო დაჩხერამი ნარგისი“ დო ათეში უკული თიქ იჸუ დასახელებურქ, მუჭოთ ამათე წანაშ „მუმალიშ ბრიტანალი მირიცხი“ „Times Online-იშ“ გეშა. ხოლო თიშე ბრელშა იჩიებუდეს, ნამდა თინა იჸიდჷ ანწიანი ჯუდ ლოუ.

პეტინსონქ გუმორჩქინდჷ „Hackett-იშ“ 2007 წანაშ კოლექციაშ ორეკლამე კამპანიას. თინა ლაჸაფენს ედვარდ კალენს ფილმის „ბინდი“, ნამუთ დორსხუაფილი რე სტეფანი მეიერიშ ათე ჯოხონობაშ საუჯგუშოთ გიმოჩამილი რომანს და ნამუთ 2008 წანაშ 21 გერგობათუთას გიშართჷ ოორუე ამერიკას.

პატინსონს უღუ თარი როლეფი ფილმეფს: „ხიჭუ-მაჭუ ნოსქილადუეფი“, სოდეთ თინა სალვადორ დალიშ ლაჸაფენს დო „მუჭო იარსებე“ - ბრიტანული კომედია.

ფილმოგრაფია[რედაქტირაფა | წყუშ რედაქტირაფა]

წანა მარგალურო ოდაბადური ჯოხოდვალა როლი
2004 პოტიკიშ ბაზარი Vanity Fair როდი კრავლი
2005 ჰარი პოტერი დო დაჩხერამი ნარგისი Harry Potter and the Goblet of Fire სედრიკ დიგორი
2007 ჰარი პოტერი დო ფენიქსიშ ორდენი Harry Potter and the Order of the Phoenix სედრიკ დიგორი
2008 მუჭო რდე How to Be არტი
2008 ბინდი Twilight ედვარდ კალენი
2009 ხიჭუ-მაჭუ ნოსქილადუეფი Little Ashes სალვადორ დალი
2009 ბინდიშ საგა: ახალი თუთა The Twilight Saga: New Moon ედვარდ კალენი
2010 რშუდა Remember Me ტაილერი
2010 ბინდიშ საგა: აკორუმუა The Twilight Saga: Eclipse ედვარდ კალენი
2011 ბინდიშ საგა: მურუჟუ - ნორთი 1 The Twilight Saga: Breaking Dawn – Part 1 ედვარდ კალენი
2012 ფშვენიერი მაჸალე Bel Ami ჟორჟე დუროი
2012 ბინდიშ საგა: მურუჟი - ნორთი 2 The Twilight Saga: Breaking Dawn – Part 2 ედვარდ კალენი
2012 კოსმოპოლისი Cosmopolis ერიკ პაკერი
2014 გაგია The Rover რეინოლდსი
2014 მურიცხეფიშ რუკა Maps to the Stars ჯერომ ფონტანა
2015 ტიოზიშ დიდაფალი Queen of the Desert ტ. ე ლორენსი

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: