ბრაიან დე პალმა

ვიკიპედია-შე
გეგნორთი: ნავიგაცია, გორუა
ბრაიან დე პალმა
Brian De Palma (Venice 2007).jpg
ბრაიან დე პალმა 2007 წანას
ჯოხო დაბადებაშვანს

ბრაიან რასელ დე პალმა

მოღალობა

1960-ასეშა

ბიოგრაფიული ჩინებეფი
დაბადებაშ თარიღი

11 ეკენია, 1940 (1940-09-11) (ხანი 77)

დაბადებაშ აბანი

ნიუარკი, ააშ

მენოღალობა

1998–ამდღარშა


ბრაიან დე პალმა (ინგლ. Brian De Palma; დ. 11 ეკენია 1940, ნიუარკი, ააშ) — ამერიკალი კინორეჟისორი, პროდიუსერი დო სცენარისტი.

ბიოგრაფია[რედაქტირაფა | წყუშ რედაქტირაფა]

ბრაიან დე პალმაქ დებადჷ ნიუ-ჯერსიშ შტატიშ ნოღა ნიუარკის, ქირურგიშ ფანიას. დუდშე გურაფლენდჷ კოლეჯის, უკული გურაფას მიაჸუნჷ კოლუმბიაშ უნივერსიტეტიშ ხელუანებაშ ფაკულტეტის. თიშ მაართა ოდებიუტე ნახანდეფი რე კუნტამეტრაჟიანი ფილმეფი („იკარუსი“, „ჯენიფერი“ დო შხვა). მაართათ ჯოხო გისიმუ 1960-იანი წანეფიშ ბოლოს, სოდეთ გინიღჷ მუში მაართა სრულმეტრაჟიანი ფილმი. ათე პერიოდის თიშ მუსხირენ ფილმის ილაჸაფჷ თი ბორჯის უჩინებუ რობერტ დე ნიროქ. კარიერაშ დაჭყაფურს ბრაიან დე პალმაშ ფილმეფი გონჭალირი რდჷ კომედიური თემატიკათ. თის აფასენდეს, მუჭოთ ფრანგული ახალი პოპორიშ ამერიკალ გამა კოჩო, ნამუთ ჟან-ლიუკ გოდარიშ სტილს გინიღანდჷ ფილმეფს („მეხვამუეფი“, „ოდიარე წვიება“, „გომორძგუა, დიდა!“, 1968-70). თიშ ფილმი „ოკო გიჩქუდას სოდე რე სკანი ყურდღელი“ (1972) კრიტიკაქ გლახათ მიღჷ.

უკული პალმაქ სტილი დოთირუ. თიშ ნახანდას მეუზიმუანა ალფრედ ჰიჩკოკიშის, ნამუშ ფილმეფიშ გულათ გინიღჷ „დალეფი“ (1973) დო მუშ მაართა არძაშე დიდბიუჯეტიანი ფილმი „კერი“, სოდეთ თარი როლს ლაჸაფენს ახალი სისი სპეისეკი დო ჯონ ტრავლოტა.

ათეშ უკული დე პალმაქ დიჭყჷ განგსტერული ფილმეფიშ გინოღალა. 1983 წანას გიშართჷ თიშ ართ-ართი არძაშე ჩინებულ ნახანდიქ — ფილმი „ნაჭყოლა სახე“, სოდეთ ტონი მონტანაშ როლს არსულენს ალ პაჩინო.

უკულიანი წანეფიშ ნახანდეფშე ოშინალი რე ფილმეფი „ხეუხებურეფი“, „კარლიტოშ შარა“ დო „ურსულებერი მისია“.

ბრაიან დე პალმას გინოღალირი აფუ ანდა კინოფილმი. შხვადოშხვა ბორჯის თიშ ფილმეფს ოკათუდეს — კირკ დაგლასი, ჯონ კასავეტისი, რობერტ დე ნირო, ალ პაჩინო, კევინ კოსტნერი, შონ კონერი, ენდი გარსია, შონ პენი, ჟან რენო, ჯონ ტრავოლტა, სისი სპეისეკი, მიშელ პფაიფერი, ნენსი ალენი დო თ.უ. ბრაიან დე პალმა მოღალენს ხოლო მუჭოთ ოპერატორი დო არტისტი. გინიღანს ჯინჯიერო დრამას, კრიმინალს, თრილერს.


რესურსეფი ინტერნეტის[რედაქტირაფა | წყუშ რედაქტირაფა]