ბრაჩანოშ ტობა

ვიკიპედიაშე
ბრაჩანო
Lago di Bracciano
კოორდინატეფი:
42°07′16″ ოორ. გ. 12°13′55″ ელ. გ.
სიგინძა 9,3 კმ
სიგანა 8,7 კმ
ფართობი 213 კმ²
მაქსიმალური სიტომბა 165
ღანჩოშ ფართობი 56,76 კმ²
გჷშმალი წყარმალუ არონი

ბრაჩანო (იტალიურო Lago di Bracciano) — ვულკანური გორჩქინაშ ტობა იტალიას, ლაციოშ რეგიონს, რომშე 32 კმ-ით ობჟათე-ბჟადალჸურე. წჷმარინუანს რეგიონიშ სიდიდათ მაჟირა (ბოლსენიშ ტობაშ უკული) დო იტალიაშ ართ-ართ უშანულამაშ ტობას, მუში პერიმეტრი ქართული რე დო დოხოლაფირო 32 კილომეტრი რე.

ტობაშ გორჩქინა დოხოლაფირო 600 000 — 40 000 წანაშ წოხოლეიან ვულკანურ აქტივობაწკჷმა რე მერსხუაფილი, მუშ გეშათ თაშნეშე წჷმიქიმინჷ ბრელი ჭიჭე ვულკანქ. მაგმაშ თარი წყუ ამდღარი ბრასიანოშ ტობაშ თუდო იდვალუაფუდუ. მუში კოლაფსიშ გეშა წჷმიქიმინჷ კალდერაქ, ნამუთ ამდღა კრატერიშ ტობას (ბრაჩანოშ ტობა) უკინებუ. კანკალე ჭიჭე კრატერი ამდღა ხოლო იძირებე ტობაშ ელჷ-მოლეფს დო მუშ გოხოლუას.

ტობაშ მუკი-მუკის დვალირი ნოღეფი რე: ბრაჩანო, ანგუილარა-საბაცია დო ტრევიანო-რომანო.

რომწკჷმა სიხოლაშ გეშა, ბარჩანოშ ტობა შანულამი ტურისტული ატრაქცია რე. 1986 წანაშე კონწარი კონტროლი რე გედვალირი მუში წყარიშ დოწიმდორაფაშ დუდშე იოჩილითაფარო, თიშენი ნამდა თინა რომს აინალჷ მუჭოთ ოშუმალი წყარიშ რეზერვუარი. კონწარო რე აკრძალური მოტორამი ნიშეფიშ გჷმორინაფა (გჷმნარკებუ შეთხუალეფიშ მოხ პროფესიონალ მეჩხომეეფშო დო ტობაშ მამართვალეფშო). დოწიმდორაფაშ დუდშე ეიოჩილითაფარო, არძა მეძობელ ნოღას იჸუ ეკიდილქ ოკანალიზაციე სისტემაქ. თეშ უკული ბრაჩანოქ იტალიაშ ართ-ართ არძოშე წკონდა ტობათ გინირთჷ.

ბოლო მუდგაზმარენი წანაშ მალობას, ონწყჷნა პროექტის მუმალშო, ნამუშ მეჯინათ ტობას დო მუშ მუკი-მუკის აკიქიმინუ ნაციონალური პარკი (Parco Regionale del complesso lacuale di Bracciano Martignano).

ქოძირით თაშნეშე[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]