ბუკმოლი
ბუკმოლი (ნორვ. bokmål — „წინგიშ ნინა“) — ნორვეგიული ნინაშ ართ-ართი სტანდარტი (ნორმა) ნიუნორსკიშ პარალელურო. იფორმირჷ დანიურიშ ნერჩიშა დანიაშ ნორვეგიაშა ოთხოშწანურამი პატჷნალაშ პერიოდის (დანია-ნორვეგიაშ უნია).
XIX ოშწანურაშ უდიდაში ნორვეგიალი ჭარუეფი ჰენრიკ იბსენი დო ბიორნსტიერნე ბიორნსონი სტიქიურო ნორვეგიზაფილ დანიურ ნინაშა ჭარჷნდეს, მარა დანიურ ორთოგრაფიას მეჸუნდეს. დუდშე ბუკმოლს „დანიურ-ნორვეგიული“ ჯოხოდჷ. ჯოხოდვალა „ბუკმოლქ“ 1929 წანაშე იჸუ მუშაღალირქ, მუსჷთ წოხოლე უწორუანდჷ ჯოხოდვალა „ოიმპერიე ნინა“ (ნორვ. riksmål). ნორვეგიაშ მაჟირა ოფიციალური ოჭარალუე ნინა რე ნიუნორსკი.
ბუკმოლს ნორვეგიაშ მახორობაშ 90%-შახ ირინუანს, ნინაშ მაგურაფუეფი გვალო თე ვარიანტის გურაფულენა დო ნორვეგიაშ მედია ხოლო თე ნინაშა მაუჭყაფალენს. ბუკმოლიშ ნორმეფი ბჟაეიოლნორვეგიაშ მახორობაშ კილოშა, გჷშაკერძაფილო ოსლოს დო მუშ მუკ-მუკიან მახორობაშ რაგადუაშ მუშობურალეფშა რე ეგაფილი, მარა იშენი დანიურშა რე გერსხილი. დანიური ნინა ბუკმოლიშ მარჩქინეს ტექსტურო დუდიშულო არჩქილე, მარა ზეპირრაგადუას ფონეტიკაშ კვათჷრი გოშხვანერაფაშ გეშა დახე უგუგებუ რე. ბუკმოლს უმოსო რე ნარსხებუობეფი, ვინდარო ნიუნორსკის. XX ოშწანურას ბუკმოლიშ დემოკრატიზაციაშ ღანკით მუდგაზჷმარენშა იჸუ მანჯებულქ რეფორმაქ, მარა უმენტაშობაქ ვა დეკვირდინჷ. ნორვეგიულ „წინგიშ ნინას“ ართი ორთოეპიკური სტანდარტი ამდღარშახ ვა უღჷ.
წყუ
[რედაქტირაფა | წყუშ რედაქტირაფა]- Vikør, Lars. "Fakta om norsk språk". Retrieved 2009-08-04.
- a b Lundeby, Einar. "Stortinget og språksaken". Retrieved 2007-06-12.
- Halvorsen, Eyvind Fjeld. "Marius Nygaard". In Helle, Knut (ნორვეგიულო). Norsk biografisk leksikon. Oslo: Kunnskapsforlaget. Retrieved 6 February 2010.