გალაქტიკა

ვიკიპედიაშე
NGC 4414 - ტიპური სპირალური გალაქტიკა ბერენიკეშ თუმას წორომურიცხოფონეფს. თიშ დიამეტრი, დოხოლაფიტო, 55 000 სინთეშ წანმოწანა რე დო დიხაუჩაშე 60 მილიონი სინთეშ წანათ რე დოშორაფილი.

გალაქტიკაგრავიტაციულო მერსხილი მატერიაშ მასიური სისტემა, ნამუთ იკათუანს მურიცხეფს, მურიცხულ ნოსქილედეფს, გაზიშ დო ტვერიშ მურიცხეფოშქაშე ოფირჩას დო წკურუმია მატერიას — შანულამ, მარა დახე უჩინებჷ კომპონენტის. ზიტყვა გალაქტიკა ბერძენულშე რე წჷმორინაფილი „γαλαξίας“ (იკითხირ გალაქსია) დო შანენს „ბჟალამს“. თეშ გეშა ინგლისურო ჩქინ გალაქტიკაშა „ბჟალამი რზა“ უჯოხონა, მარგალურს თის, თარო, „ერემიშ ნასხაპათ“ მიშინუანა. გალაქტიკეფიშ მიარეფერუანობა იჭყაფუ ჯუჯეფით, ნამუეფით 10 მილიონშახ (107) მურიცხის იკათუანს, დო ითებუ გიგანტეფით, ნამუშ აკოდგინალუაშა 100 ტრილიონი (1014) მურიცხი მიშმურს. ირ მურიცხი დორხველური გალაქტიკაშ მასაშ ცენტრიშ მუკი-მუკი ყარენს.


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.