გერი

ვიკიპედიაშე
გერი
ევროპული შქირუ გერი
ევროპული შქირუ გერი
მენცარული კლასიფიკაცია
ჟინომაფე: ევკარიოტეფი
ომაფე: ჩხოლარეფი
ტიპი: ქორდამეფი
კლასი: ბჟაშუმუეფი
რანწკი: მახვამილაფარეფი
ფანია: ჯოღორიშობურეფი
გვარი: ჯოღორი
ბუნა: გერი
ლათინური ჯოხო
Canis lupus
თხილუაშ სტატუსი
გერიშ გვარობეფიშ ხვენაშ არანი


სისტემატიკა
ვიკინერობეფს


სურათეფი
ვიკიოწკარუეს

ITIS 180586
NCBI 9612


გერი, ვარ-და შქირუ გერი, თაშნეშე რჩქვანელობური გერი (ლათ. Canis lupus) — ჩხოლარი ბჟაშუმუეფიშ კლასიშ მახვამილაფარეფიშ რანწკიშ ჯოღორიშობურეფიშ (Canidae) ფანიაშე. კოიოტი (Canis latrans), რჩქვანელობურ ტურა (Canis aureus) დო შხვა გვარობეფწკჷმა ართო აკმოქიმინჷნს ჯოღორიშ გვარს (Canis). თეშ მოხ, მუჭოთ დნმ-იშ წოროგეჸვენჯალაშ დო გენეფიშ დრეიფიშ გჷთორკვიაფაშ შედეგეფი ოძირანსჷნ, ჸუდეშ ჯოღორიშ (Canis familiaris; თაშნეშე იკლასიფიცირებუ, მუჭოთ გერიშ გიმენგვარობა, Canis lupus familiaris) ბონი წჷმოხონი რე. გერი — მუში ფანიაშ ართ-ართი არძაშე უშხუაში თეხანური ჩხოლარი რე: რსხულიშ სიგჷნძა (კუდელიშ უმუშო) შილებე იჸუას 160 სმ, კუდელიშ სიგჷნძა — 52 სმ-შახ, სიმაღალა — 90 სმ-შახ; რსხულიშ წონაქ შილებე 90—110 კგ-შახ იჸუასჷნ.

ართხანობას გერეფი ფართას ხედჷ ევრაზიას დო ოორუე ამერიკას. ათეხანშო გერიშ ხვენაშ არანქ დო ართამ მუდანობაქ არგამათ დირკჷ, უმენტაშო ადამიერიშ ქიმინუეფიშ გეშა: ორთაშობური ლანდშაფტეფიშ თირუა, ურბანიზაცია დო მასობური ეშაჭყვიდუა. მოსოფელიშ ანდა რეგიონს გერი ეშალაფაშ კარს გემარენჯი რე, თეშ უმკუჯინალო ევრაზიაშ დო ამერიკაშ ოორუეშე გერიშ პოპულაცია დიოდღარო სტაბილური რე. თიშ უმკუჯინალო, ნამჷ-და გერეფიშ პოპულაცია რკებულენსჷნ, ანდა აბანს ასეშა სქიდუ ჯინუაშ ობიექტო, მუჭოთ ადამიერშო დო ორინჯეფშო პოტენციური ოშქურანჯე, თაშნეშე ართუაფაშ ბაძაძო.

გერი, მუჭოთ ართ-ართი შანულამი მახვამილაფარი ჩხოლარი, ძალამ შანულამ როლს ლაჸაფენს ეკოსისტემაშ ბალანსის, თიჯგურა ბიომეფს, მუჭოთ რე ზჷმიერი ორტყაფუშ ტყალეფი, ტაიგა, ტუნდრა, სტეპი დო გვალეფიშ სისტემა. გვალო გიშმერთუ გერიშ დოხოლაფირო 32 გიმეგვარობა, ნამუეფსჷთ ართიანშე გინორთი უღჷნა რსხულიშ ზჷმას დო ბოწოწიშ ფერს.

ფოტოგალერეა[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.