გერჰარდ დომაგკი

ვიკიპედიაშე
გერჰარდ დომაგკი
გერმ. Gerhard Domagk
დაბადებაშ თარიღი:

30 გჷმათუთა, 1895

დაბადებაშ აბანი:

ლაგოვი, ბრანდენბურგი (ასეიან პოლონეთი)

ღურაშ თარიღი:

პირელი 24, 1964 (68 წანერი)

ღურაშ აბანი:

ბურგბერგი, ბჟადალი გერმანია

მენოღალობა:

გერმანიაშ შილა გერმანია

ომენცარე სფერო:

ბაქტერიოლოგია

სამუშაშ აბანი :

მიუნსტერიშ უნივერსიტეტი
გრაიფსვალდიშ უნივერსიტეტი

ალმა-მატერი:

კილიშ უნივერსიტეტი

ჯილდოეფი დო პრემიეფი:

კამერონიშ პრემია (1939)
ნობელიშ პრემია ფიზიოლოგიაშ დო მედიცინაშ დარგის (1939)
ომაფე საზოგადოებაშ მაკათური (1959)

გერჰარდ იოჰანეს პაულ დომაგკი (გერმ. Gerhard Johannes Paul Domagk; დ. 30 გჷმათუთა, 1895, ლაგოვი, ბრანდენბურგი (ასეიან პოლონეთი) — ღ. 24 პირელი, 1964, ბურგბერგი, ბჟადალი გერმანია) — გერმანალი პათოლოგი დო ბაქტერიოლოგი, სულფონამიდური ანტიბიოტიკიშ (პრონტოზილი) მენცარული რკვიებაშ გეშა გინოჩეს ნობელიშ პრემია ფიზიოლოგიაშ დო მედიცინაშ დარგის 1939 წანას. გერჰარდ დომაგკი გურაფულენდჷ მედიცინას კილიშ უნივერსიტეტის. გურაფაშ თებაშ უკულ მუშენდჷ მიუნსტერიშ დო გრაიფსვალდიშ უნივერსიტეტეფს. რდჷ მიუნსტერიშ უნივერსიტეტიშ პროფესორი. დომაგკი მუშენდჷ ფარმაცევტიულ კომპანია Bayer-ის ხოლო, სოდეთ რდჷ პათოლოგიაშ დო ბაქტერიოლოგიაშ ინსტიტუტიშ დირექტორი. 1959 წანაშე რდჷ ლონდონიშ ომაფე საზოგადოებაშ მაკათური.

რესურსეფი ინტერნეტის[რედაქტირაფა | წყუშ რედაქტირაფა]



wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.