გერჰარდ ჰერცბერგი

ვიკიპედიაშე
გერჰარდ ჰერცბერგი
გერმ. Gerhard Herzberg
დაბადებაშ თარიღი:

25 ქირსეთუთა, 1904

დაბადებაშ აბანი:

ჰამბურგი, გერმანიაშ იმპერია

ღურაშ თარიღი:

მელახი 3, 1999 (94 წანერი)

ღურაშ აბანი:

ოტავა, ონტარიო, კანადა

მენოღალობა:

კანადაშ შილა კანადა

ომენცარე სფერო:

ფიზიკური ქიმია

სამუშაშ აბანი :

დარმშტადტიშ ტექნიკური უნივერსიტეტი
კორნელიშ უნივერსიტეტი
ჩიკაგოშ უნივერსიტეტი
ბრისტოლიშ უნივერსიტეტი
გეტინგენიშ უნივერსიტეტი
კარლტონიშ უნივერსიტეტი
სასკაჩევანიშ უნივერსიტეტი

ალმა-მატერი:

გეტინგენიშ უნივერსიტეტი
დარმშტადტიშ ტექნიკური უნივერსიტეტი

ომენცარე ხემანჯღვერი:

ჰანს რაუ

ჯოხოშინელი მოგურაფეეფი:

ტაკეში ოკა

ჯილდოეფი დო პრემიეფი:

ომაფე საზოგადოებაშ მაკათური (1951)
ჰენრი მარშალ ტორიშ მენდალი (1953)
ოშწანიანი პრემია (1958)
ნობელიშ პრემია ქიმიაშ დარგის (1971)
ომაფე მენდალი (1971)

გერჰარდ ჰაინრიხ ფრიდრიხ ოტო ჯულიუს ჰერცბერგი (გერმ. Gerhard Heinrich Friedrich Otto Julius Herzberg; დ. 25 ქირსეთუთა, 1904, ჰამბურგი, გერმანიაშ იმპერია — ღ. 3 მელახი, 1999, ოტავა, ონტარიო, კანადა) — გერმანალი-კანადარი ფიზიკოსი დო ფიზიკოქიმიკოსი.

ბიოგრაფია[რედაქტირაფა | წყუშ რედაქტირაფა]

გერჰარდ ჰერცბერგიქ დებადჷ 1904 წანაშ 25 ქირსეთუთას, გერმანიაშ ნოღა ჰამბურგის. გურაფულენდჷ დარმშტადტიშ ტექნოლოგიურ უნივერსიტეტის, სოდეთ თხილუ ოდოქტორე დისერტაცია ჰანს რაუშ ხემანჯღვერობათ 1928 წანას. გურაფაშ თებაშ უკულ ჰერცბერგი მუშენდჷ შხვადოშხვა ომენცარე ინსტიტუტეფს: 1928-30 წანეფს მუშენდჷ გეტინგენიშ უნივერსიტეტის დო ბრისტოლიშ უნივერსიტეტის, შინელი მენცარეფიშ ჯეიმზ ფრანკიშ, მაქს ბორნიშ დო ჯონ ლენარდ-ჯონსიშ ხემანჯღვერობათ, 1930 წანას ჰერცბერგი რდჷ დარმშტადტიშ ტექნიკური უნივერსიტეტიშ ფიზიკაშ ლექტორი, 1935-1945 წანეფს ჰერცბერგი მუშენდჷ სასკაჩევანიშ უნივერსიტეტიშ პროფესორო, 1945-1948 წანეფს ჩიკაგოშ უნივერსიტეტიშ სპექტროსკოპიაშ პროფესორი რე, 1948 წანაშე მუშენდჷ კანადაშ ერუანული რკვიებაშ ცენტრის, 1956-1957 წანეფს რდჷ კანადაშ ფიზიკოსეფიშ ასოციაციაშ პრეზიდენტი, 1966-1967 წანეფს ჰერცბერგი რე კანადაშ ომაფე საზოგადოებაშ პრეზიდენტი, 1968 წანაშე რდჷ კორნელიშ უნივერსიტეტიშ ქიმიაშ ლექტორი, 1973-1980 წანეფს რე კარლტონიშ უნივერსიტეტიშ კანცლერი. გერჰარდ ჰერცბერგი რდჷ შხვადოშხვა პრეტიჟული პრემიეფიშ დო ჯილდოეფიშ ლაურეატი. კანადაშ ფიზიკაშ ასოციაციაქ დარსხუ გერჰარდ ჰერცბერგიშ ჯოხონობაშ პრემია. ჰერცბერგიშ ჯოხონობაშ რე ასტროფიზიკაშ ინსტიტუტი, ნამუთ რე კანადაშ ასტრონომიაშ დო ასტროფიზიკაშ უდიდაში ცენტრი. კარლტონიშ უნივერსიტეტის რე დორსხუაფილი ჰერცბერგიშ ჯოხონობაშ ლაბორატორია. გერჰარდ ჰერცბერგიქ ღურუ 1999 წანაშ 3 მელახის, ოტავას, 94 წანერქ.

მენცარული რკვიებეფი დო ნობელიშ პრემია[რედაქტირაფა | წყუშ რედაქტირაფა]

გერჰარდ ჰერცბერგიშ ომენცარე ინტერესეფიშ სფერო რდჷ ატომური დო მოლეკულური სპექტროსკოპია. გიმირკვიუ ჟირატომური დო პოლიატიმური მოლეკულეფიშ სტრუქტურა. მოლეკულეფიშ, გიშაკერზაფილო დუდიშული რადიკალეფიშ, ელექტრონული დო გეომეტრიული სტრუქტურაშ მენცარული რკვიებაშ გეშა გინოჩეს ნობელიშ პრემია ქიმიაშ დარგის 1971 წანას.

გიშნაგორა პუბლიკაციეფი[რედაქტირაფა | წყუშ რედაქტირაფა]

  • Atomic Spectra and Atomic Structure. (Dover Books, New York, 2010)
  • The spectra and structures of simple free radicals: An introduction to molecular spectroscopy. (Dover Books, New York, 1971).
  • Molecular Spectra and Molecular Structure: I. Spectra of Diatomic Molecules. (Krieger, 1989)
  • Molecular Spectra and Molecular Structure: II. Infrared and Raman Spectra of Polyatomic Molecules. (Krieger, 1989)
  • Molecular Spectra and Molecular Structure: III. Electronic Spectra and Electronic Structure of Polyatomic Molecules. (Krieger, 1989)
  • Molecular Spectra and Molecular Structure IV. Constants of Diatomic Molecules, K. P. Huber and G. Herzberg, (Van nostrand Reinhold company, New York, 1979)

ლიტერატურა[რედაქტირაფა | წყუშ რედაქტირაფა]

  • Stoicheff, Boris (2002). Gerhard Herzberg : an illustrious life in science. Ottawa: NRC Press.

რესურსეფი ინტერნეტის[რედაქტირაფა | წყუშ რედაქტირაფა]