დინორეშა გინულა

გოტლობ ფრეგე

ვიკიპედიაშე
გოტლობ ფრეგე
გერმ. Gottlob Frege

გოტლობ ფრეგე 1879 წანას
დაბადებაშ თარიღი:

8 გერგობათუთა, 1848

დაბადებაშ აბანი:

ვისმარი, მეკლენბურგ-შვერინი, გერმანიაშ რსხუ

ღურაშ თარიღი:

კვირკვე 26, 1925 (76 წანერი)

ღურაშ აბანი:

ბად-კლაინენი, მეკლენბურგ-შვერინიშ დუდიშული სახენწჷფო, ვაიმარიშ რესპუბლიკა

მენოღალობა:

გერმანიაშ შილა გერმანია

ომენცარე სფერო:

მათემატიკაშ ფილოსოფია, მათემატიკური ლოგიკა, ნინაშ ფილოსოფია

სამუშაშ აბანი :

იენაშ უნივერსიტეტი

ალმა-მატერი:

იენაშ უნივერსიტეტი
გეტინგენიშ უნივერსიტეტი

ომენცარე ხემანჯღვერი:

ერნსტ შერინგი

ჯოხოშინელი მოგურაფეეფი:

რუდოლფ კარნაპი

ჯილდოეფი დო პრემიეფი:

გერმანიაშ მენცარობეფიშ ერუანული აკადემია ლეოპოლდინაშ მაკათური (1895)

ფრიდრიხ ლუდვიგ გოტლობ ფრეგე (გერმ. Friedrich Ludwig Gottlob Frege; დ. 8 გერგობათუთა, 1848, ვისმარი — ღ. 26 კვირკვე, 1925, ბად-კლაინენი) — გერმანალი ფილოსოფოსი, ლოგიკოსი დო მათემატიკოსი. მერჩქინელი რე ანალიტიკური ფილოსოფიაშ დუმარსხუაფალო. ფრეგეს ფშხირას მიშინუანა მუჭოთ ართ-ართი უდიდაში ლოგიკოსის.

მუში მენცარული კარიერაშ გოძვენას, ფრეგეშ ნახანდეფი უმოსო იგნორირებული რდჷ. ბრელი ვეჩინენდჷ ფრეგეშ ფილოსოფიურ არზუანობას. ჯუზეპე პეანოქ, ბერტრან რასელიქ, თაშნეშე ლუდვიგ ვიტგენშტაინიქ გაჩინებაფეს ფრეგეშ ნახანდეფი ფილოსოფოსეფიშ უკულიან თაობეფს.

ფრეგეშ არძაშე უმოსო შინელი ნახანდი რე "ტერმინეფიშ გეშა", ნამუსჷთ უღუდჷ დიდი შანულობა თეხანური ლოგიკაშ გოვითარაფაშო. ფრეგეშ შხვა ნაჭარეფიშე ეიოშანალი რე: "არითმეტიკაშ ოსხირეფი", "არზიშ დო შანულობაშ გეშა".

ფრეგე გურაფულენდჷ იენაშ უნივერსიტეტის, სოდეთ თიში მაგურაფალი ერნსტ აბე რდჷ. იენაშ უკულ გურაფა გაგინძორჷ გეტინგენიშ უნივერსიტეტის, სოდეთ თხილუ ოდოქტორე დისერტაცია 1873 წანას, ერნსტ შერინგიშ ხემანჯღვერობათ.

რესურსეფი ინტერნეტის[რედაქტირაფა | წყუშ რედაქტირაფა]