გუბაზ II

გუბაზ II (ღ. 554) — ეგრისიშ მაფა VI ოშწანურაშ 40-50-ამ წანეფს, ბიზანტიაშ ვასალი. თინა მოხუჯურო ირინუანდჷ ბიზანტია დო ირან შქას მანჯებულ ჩხუპის დო ოცადუდჷ ეგრისიშ ომაფეშა ზოხორინალა ქჷმოუპალაფუდუკონ. 541 წანას რსხუ აკოკირჷ ირანიშ მაფა ხოსრო I-წკჷმა დო ეარყჷ ბიზანტიას. მარა, მუჟამც 548 წანას ირანალეფიშ თახმი ლამებეფქ გეგმიარგამუნ (გუბაზიშ ჸვილუაშ ლამება, ეგრისალეფიშ ერაჸუა მუნეფიშ დიხაშე დო თექ ირანალეფიშ ინოხორაფა), ეარყჷ თინეფს დო კჷნე ბიზანტიაშ ჸურე გჷნილჷ. 553 წანას ირანალეფქ ქეშილებეს ბიზანტია დო ეგრისიშ ჯარიშ დომარცხაფა, მუსჷთ გუბაზ II ბიზანტიაშ ნჯღვერეფიშ მარტინეშ, ბესაშ დო რუსტიკეშ უგაღობას დო კიუტობას აბრალუაფუდჷ. წყინაფილ ბიზანტიარ ნჯღვერეფქ გუბაზ II დოჸვილეს.

ლიტერატურა

• ლომოური ნ., ქსე, ტ. 3, ხს. 287, ქთ., 1978