გურამ რჩეულიშვილი

ვიკიპედიაშე
გურამ რჩეულიშვილი
ფაილი:გურამ რჩეულიშვილი.jpg
დაბადებაშ თარიღი:

4 კვირკვე, 1934

დაბადებაშ აბანი:

ქართი

ღურაშ თარიღი:

23 მარაშინათუთა, 1960

ღურაშ აბანი:

გაგრა

ერუანობა:

ქორთუ

საქვარუა:

ჭარუ

გურამ მიხეილიშ სქი რჩეულიშვილი (დ. 4 კვირკვე, 1934, ქართი – ღ. 23 მარაშინათუთა, 1960, გაგრა) — ქორთუ ჭარუ.

ბიოგრაფია[რედაქტირაფა | წყუშ რედაქტირაფა]

გურამ მიხეილიშ სქი რჩეულიშვილქ დებადჷ 1934 წანაშ 4 კვირკვეს ნოღა ქართის. 1957 წანას გაათუ ქართიშ სახენწჷფო უნივერსიტეტიშ ისტორიაშ ფაკულტეტი. მაართა თხობელუეფი, ნამუეფქჷთ წჷმოძინა მოუღჷნ, ჟურნალ „ცისკარს“ გჷმაბჟინუ 1957 წანას. გვალო სუმი წანაშახ რდჷ ოჭარუე ასპარეზის. ჭარუშ შურდგჷმას ხვალე შქვითი თხობელუაქ გჷმიბჟინუ: „შემოდგომა ბაბუა კოტესი“, „სათაგური“, „სიყვარული მარტის თვეში“, „ნელი ტანგო“, „თვირთვილა“, „უსახელო უფლისციხელი“ დო „სიკვდილი მთაში“. თხობელუეფიშ მაართა კათელქ „სალამურა“ მუში ღურაშ უკული 1961 წანას გიშეშქვინჷ. რჩეულიშვილიშ პროზაქ დუდშეშე ქომიკიჭოფჷ თოჸუჯი თემატიკაშ მიარეფერუანალათ, დოკუმენტურშა მეხოლაფირ სტილით, ნტირუან, წირილ დიალოგეფით, თხობელუაშ აიწორალათ. თიში გერგეზეფიშ ახალნორდულ კვირჩხინი დო უმუდირაკუობაშ, კორნებაშ სისანწალაშ დო მაართაკილმაძირფუშ ჯინს მიშმაწყორუ დიდი ადამიერული სილიბორე დო აკმაწყჷნარაფალობა. თიში მორჩილი ლიტერატურული მონძალაქ (თხობელუეფი, ნოველეფი. მინიატურეფი, პიესა) დიდი ნოქური ქოგიოხუნუ ქორთული პროზაშ გოვითარაფას. თიში ნაწარმებეფი თანგილი რე გერმანულ, უნგრულ, ბულგარულ, ლიტვურ, ჩეხურ, რუსულ ნინეფშა.

თის გოსოფური წინგეფი უჯღუნჷ მაჸალე ნუგზარ წერეთელქ: „მე ახლაც ოცდაექვსი წლისა ვარ“ დო „აი, მე, გურამი ვდგავარ თქვენს წინ“. თიშ სცენარეფით გინოღალირი რე ფილმეფი – „ალავერდობა“, „უსახელო უფლისციხელი“. გურამ რჩეულიშვილიშ რინა კინი მუში თხობელუეფს გჷდჷ ბონკოჩანათ, სიეფშათ დო ლაკონურალათ. თინა მუში მოითირს გიშასხუნილი ახალნორდი რდჷ მუში რინაშულ დო ჭარუშულ სტილით, თინა ირო მორსას მეთხოზუდჷ, ითამუ-დო მეგორუნდჷ თის ირო დო ქოთ ქეკადინჷ შხვაშ შურდგჷმაშ გინოსქილადას. თინაქ 1960 წანას 23 მარაშინათუთას 26 წანერქ ტრაგიკულო მედინჷ ნოღა გაგრას, მუჟამცჷთ ეპოპორელ ზუღაშა ინასხაპჷ უჩინებუ რუსი ოსურსქუაშ გინატებელონ. გურამ რჩეულიშვილი დონთხორეს ქართის ვაკეშ სასაფულას.

რესურსეფი ინტერნეტის[რედაქტირაფა | წყუშ რედაქტირაფა]