დავიდ ჰილბერტი

დავიდ ჰილბერტი
	დავიდ ჰილბერტი
	გერმ. David Hilbert
	; დავიდ ჰილბერტი 1912 წანას
დაბადებაშ თარიღი:	23 ღურთუთა, 1862
დაბადებაშ აბანი:	კენიგსბერგი, პრუსიაშ ომაფე
ღურაშ თარიღი:	ფურთუთა 14, 1943 (81 წანერი)
ღურაშ აბანი:	გეტინგენი, გერმანია
მენოღალობა:	გერმანია
ომენცარე სფერო:	მათემატიკა, ფიზიკა, ფილოსოფია
სამუშაშ აბანი :	კენიგსბერგიშ უნივერსიტეტი; გეტინგენიშ უნივერსიტეტი
ალმა-მატერი:	კენიგსბერგიშ უნივერსიტეტი
ომენცარე ხემანჯღვერი:	ფერდინანდ ფონ ლინდემანი
ჯოხოშინელი მოგურაფეეფი:	ვილჰელმ აკერმანი; ფელიქს ბერნშტეინი; ოტო ბლუმენტალი; ვერნერ ბოი; რიხარდ კურანტი; ჰასკელ კარი; მაქს დენი; პაულ ფუნკი; ალფრედ ჰაარი; ერიხ ჰეკე; ერნსტ ჰელინგერი; ოლივერ კელოგი; ემანუილ ლასკერი; ერჰარდ შმიდტი; ჰუგო შტეინჰაუზი; ტეიძი ტაკაგი; ჰერმან ვაილი; ერნსტ ცერმელო; ედვარდ კაზნერი; ჯონ ფონ ნოიმანი
ჯილდოეფი დო პრემიეფი:	პონსელეშ პრემია (1903); კოტენიუსიშ მედალი (1910); ბოიაიშ პრემია (1910); ლობაჩევსკიშ პრემია (1903); Pour le Mérite; ლონდონიშ ომაფე ჯარალუაშ მაკათური; მაქსიმილიანიშ ჯოხონობაშ ბავარიული ორდენი მენცარობაშ და ხელუანობაშ დარგეფს

დავიდ ჰილბერტი (გერმ. David Hilbert; დ. 23 ღურთუთა, 1862, კენიგსბერგი, პრუსიაშ ომაფე — ღ. 14 ფურთუთა, 1943, გეტინგენი, გერმანია) — გერმანალი მათემატიკოსი. გურაფულენდჷ კენიგსბერგიშ უნივერსიტეტის, სოდეთ თხილუ ოდოქტორე დისერტაცია 1885 წანას, ფერდინანდ ფონ ლინდემანიშ ხემანჯღვერობათ. გურაფაშ თებაშ უკულ მუშენდჷ კენიგსბერგიშ უნივერსიტეტის 1886-1895 წანეფს. 1895 წანას ჰილბერტიქ ომუშებუშა გეგნორთჷ გეტინგენიშ უნივერსიტეტიშა. ჸათე პერიოდიშ გეტინგენიშ უნივერსიტეტი რდჷ მათემატიკური რკვიებეფიშ ლიდერი ინსტიტუტი ევროპას დო მოსოფელს. დავიდ ჰილბერტიქ მიშეღჷ დიდი მენცარული კონტრიბუცია მათემატიკაშ შხვადოშხვა დარგეფიშ ინვარიანტული თეორიაშ, კომუტატური ალგებრაშ, რიცხუეფიშ ალგებრული თეორიაშ, დიფირენციალური განტოლებეფიშ, ინტეგრალური განტოლებეფიშ თეორიაშ, მათემატიკური ფიზიკაშ დო შხვეფიშ გოვითარაფაშა. დავიდ ჰილბერტი რდჷ გეომეტრიაშ დო მათემატიკური ლოგიკაშ ართ-ართი დუმარსხუაფალი. 1900 წანას ჰილბერტიქ პარიზის, მათემატიკოსეფიშ საირქიანო კონგრესის წჷმარინუ მუში შინელი მათემატიკური პრობლემეფი, ნამუეფი ჸათე პერიოდიშო ვარდჷ გინოჭყვადილი. ჸათე პრობლემეფს უკულ გიარსხუ XX ოშწანურაშ მათემატიკური რკვიებეფიშ კურსიქ. ჰილბერტი რდჷ შხვადოშხვა პრემიეფიშ დო ჯილდოეფიშ ლაურეატი. 1903 წანას მიპალუ ლობაჩევსკიშ პრემია, 1910 წანას ბოიაიშ პრემია დო კოტენიუსიშ მენდალი. რდჷ ლონდონიშ ომაფე ჯარალუაშ მაკათური. დავიდ ჰილბერტი მერჩქინელი რე XIX დო XX ოშწანურეფიშ ართ-ართ უდიდაშ მათემატიკოსო.