ეგრისიშ ქჷნდჷრი

ეგრისიშ ქჷნდჷრი, სამარგალოშ ქჷნდჷრი, ოდიშიშ ქჷნდჷრი — კავკაციონიშ სისტემაშ ობჟათე კართეშ მანგას ხასჷლაშიანი ქჷნდჷრი, წყარმალუეფიშ ინგირწყარიშ დო ცხენწყარიშ წყარგჷმართალი. მესტიაშ, წალენჯიხაშ, ჩხოროწყუშ, მარტვილიშ, ლენტეხიშ დო ცაგერიშ რაიონეფს. სიგინძა 62 კმ, სიგანა 37 კმ. უმაღალაშ ჭურჭულიე კონკა ჭითაგვალა (3226 მ). 3000 მ-შე მაღალი კონკეფი რე: ცალმაგი, ტეხირიშდუდი, ლაკუმურაშდუდი, დიდღალიდუდი, ოთეფურა, თხეიშიშდუდი დო შხვა. ეგრისიშ ქჷნდჷრიშ უმენტაში ნორთი ეგაფილიე შქაიურული პორფირიტული რანწკით, ნამუთ ქიმინჷნს ქჷნდჷრიშ დოკიბირაფილი კუნწულს, ქჷნდჷრიშ ობჟათე პერიფერიულ ზოლს გოფაჩილიე ცარცული კირქუალეფი, ნამუეფით ეგაფილიე კარსტული მასივეფი: წულიში, ყვირა, გაუჩა, მიგარია დო შხვა. კუნწულს ასქილადირიე ჭიჭე ჯიშთეფი დო ჯვეში გოჸინუაშ ნოქური. ეგრისიშ ქჷნდჷრშე ობჟათეშა გიმურს წყარმალუეფი: მაგანა, წენწყარი, ხობწყარი, ტეხირი, ოორუეშა — თხეიში, კასლეთი დო ხელედულაშ მარძგვანი ნადუეფი. მაგანაშ ოდუდეეფს, 2643 მ სიმაღალას, რე ჯიშთური ტობა ტობავარჩხილი. შხვა ტობეფშე გჷშაგორალი რე ოხოჯა დო დიდი ტობავარჩხილი.

ეგრისიშ ქჷნდჷრიშ კართეეფი 1200 მ-შა აკოქუნელი რე კოლხური ფართოფურცელამი ტყალეფით (ჭყონი, ცხიმური, ჭუბური, წიფური). 2100 მ სიმაღალეშახ ლირსამი (გიგიბი, ნოჯი), უმოს ჟი სუბალპური დო ალპური ნდოლოეფი რე.

ლიტერატურა

• მარუაშვილი ლ., ქორთული სხუნუეფიშ ენციკლოპედია, ტ. 4, ხა. 26, ქართი, 1979 წანა.