მესტიაშ მუნიციპალიტეტი

ვიკიპედიაშე
მესტიაშ მუნიციპალიტეტი
შილა
გერბი
მესტიაშ მუნიციპალიტეტი
ქიანა საქორთუო
რეგიონი სამარგალო-ჟიმოლენი შონე
ადმინისტრაციული ცენტრი მესტია
მახორობა 9316 კოჩი (2014)
ფართობი 3044 კმ²
დეპუტატი პარლამენტის
ერუანობა ქორთუეფი 99,82 %
რუსეფი 0,12 %[1]
ვებ-ხასჷლა www.mestia.ge Archived 2016-04-01 ვებ-ხასჷლას Wayback Machine.

მესტიაშ მუნიციპალიტეტი — ადმინისტრაციულ-ტერიტორიული რაიონი სამარგალო-ჟიმოლენ შონეშ აკანს. რაიონიშ ტერიტორია 1917-შახ ქუთეშიშ გუბერნიაშა შონეშ საბოქაულოშ ჯოხოთ მიშმეშჷ, 1921 წანაშე — ჟიმოლენი შონეშ მაზრა, 1930 წანაშე — მესტიაშ მუნიციპალიტეტი.

ორთა[რედაქტირაფა | წყუშ რედაქტირაფა]

მესტიაშ მუნიციპალიტეტი მაღალგვალამი რე. თიშ ტერიტორიას არსებული შხუ ოროგრაფიული ართურეფი რე: კავკაციონიშ თარი წყარგჷმართუ ქჷნდჷრი, შონეშ ქჷნდჷრი, ეგრისიშ ქჷნდჷრი, კოდორიშ ქჷნდჷრიშ ნორთი დო წყარმალუ ინგირწყარიშ ლეხერი. ტერიტორია — 3045 კვ.კმ., თინეფს შქას ოფუტე-ომეურნე ორგებელ დიხეფს უკებჷ 1010 კვ.კმ. რაიონს 200-შახ ჯიშთი რე, ნამუშ ედომუშამი ფართობი რე 285 კვ.კმ. თარი წყარმალუ რე ინგირწყარი, თიში ნადუეფი — ადიშისჭალა, მულხრა, დოლრა, ნენსკრა, იფარი, ხაიშურა დო შხვა. თარი დინოხურიშული სიდიდარა რე ბარიტი, მარმარილო, ტყვია-თუთია, მინერალური წყარეფი.

მახორობა[რედაქტირაფა | წყუშ რედაქტირაფა]

მახორობაშ მუდანობა — 9316 ადამიერი; მეჭედალა — 3,06 კოჩი კვ.კმ-ის (2014). მუნიციპალიტეტის 153 დოხორელი პუნქტი რე: 1 დაბა დო 152 ოფუტე.

ეჭარუაშ მუნაჩემეფი[რედაქტირაფა | წყუშ რედაქტირაფა]

ეჭარუაშ წანა მახორობა
1989 14 776
2002 14 261
2014 9316

აბანობური დუდმართუალა[რედაქტირაფა | წყუშ რედაქტირაფა]

მუნიციპალიტეტიშ აბანობური დუდმართუალაშ უმაღალაში ორგანო რე საკრებულო, ემაჸონაფალი პოსტიშ პიჯი — გამგებელი. მართუალაშ ტერიტორიული ორგანოეფი რე:

ეკონომიკა[რედაქტირაფა | წყუშ რედაქტირაფა]

კონწარი კლიმატიშ დო გვალამი რელიეფიშ გეშა უმენტაშო გოვითარაფილი რე მეჩხოლარობა, ნამუთ შანულამი ოჩამალი ბაზა რე ორთაშობურ ოცალარ-ოდიარე. მორჩლი მუდანობათ ითასუ წკარული კულტურეფი დო კარტოფილი. მესტიაშ მუნიციპალიტეტი ტურიზმიშ დო ალპინიზმიშ ორენი რე — თაქ გინმურს მაღალგვალამი ტურისტული მარშრუტეფი ნაკრაშ, ბეჩოშ, ლეხზირაშ დო ლატფარიშ ჸალაიბონეფს.

კულტურა[რედაქტირაფა | წყუშ რედაქტირაფა]

მუნიციპალიტეტის 51 სახენწჷფო ზოგადოგონათუე სკოლა, 43 ბიბლიოთეკა, კუნთხრქინალაშ მუზეუმი რე.

ოქინაფუეფი[რედაქტირაფა | წყუშ რედაქტირაფა]

მესტიაშ მუნიციპალიტეტიშ ხუროთმონძღავრუაშ დო ეთნოგრაფიაშ ოქინაფუ ძეგლეფი რე შქა ოშწანურეფიშ საკულტო, საერო და დუდოთხილუე დგჷმილეფი. ეიოშინალი რე ადიშიშ, იელიშ, სვიფიშ, წვირმიშ, ჟაბეშიშ ოხვამეეფი, ოხიდეეფი, შონური ყორშეფი.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]

  1. მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). კითხირიშ თარიღი: 7 ნოემბერი, 2016.