ედვარდ ოსბორნ უილსონი

ვიკიპედიაშე
ედვარდ ოსბორნ უილსონი
ინგლ. Edward Osborne Wilson

უილსონი 2003 წანას
დაბადებაშ თარიღი:

10 მანგი, 1929

დაბადებაშ აბანი:

ბირმინგემი, ალაბამა, ააშ

ღურაშ თარიღი:

ქირსეთუთა 26, 2021 (92 წანერი)

ღურაშ აბანი:

ბერლინგტონი, მასაჩუსეტსი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ბიოლოგია

სამუშაშ აბანი :

ჰარვარდიშ უნივერსიტეტი
დიუკიშ უნივერსიტეტი

ალმა-მატერი:

ალაბამაშ უნივერსიტეტი
ჰარვარდიშ უნივერსიტეტი

ომენცარე ხემანჯღვერი:

ფრენკ მორტონ კარპენტერი

ჯოხოშინელი მოგურაფეეფი:

დენიელ სიმბერლოფი
მარკ მოფეტი

ჯილდოეფი დო პრემიეფი:

პულიცერიშ პრემია (1979, 1991)
მენცარობაშ ერუანული მენდალი (1977)
კრაფორდიშ პრემია (1990)
კისტლერიშ პრემია (2000)
ნირენბერგიშ პრემია (2001)

ედვარდ ოსბორნ უილსონი (ინგლ. Edward Osborne Wilson; დ. 10 მანგი, 1929, ბირმინგემი, ალაბამა, ააშ — ღ. 26 ქირსეთუთა, 2021, ბერლინგტონი, მასაჩუსეტსი, ააშ) — ამერიკალი ბიოლოგი დო ჭარუ. უმოსო მოღალენდჷ მირმეკოლოგიაშ დარგის დო რდჷ მირმეკოლოგიაშ ართ-ართი უდიდაში ექსპერტი დო სპეციალისტი. უილსონიშ ჭკიჭკიტიეფიშ კოჩის ხოლო უძახუდეს.

ედვარდ ოსბორნ უილსონი გურაფულენდჷ ბიოლოგიას ალაბამაშ უნივერსიტეტის, სოდეთ მიპალუ ბაკალავრიშ დო მაგისტრიშ ხარისხი. 1951 წანას უილსონიქ გურაფა გაგინძორჷ ჰარვარდიშ უნივერსიტეტის, სოდეთ თხილუ ოდოქტორე დისერტაცია. გურაფაშ თებაშ უკულ მუშენდჷ ჰარვარდიშ დო დიუკიშ უნივერსიტეტეფს. უილსონი რდჷ სოციობიოლოგიაშ ართ-ართი დუმარსხუაფალი. უილსონის სოციობიოლოგიაშ მუმას უძახუნა. უილსონიქ რობერტ მაკარტურიწკჷმა ართო აკიმუშუ კოკეფიშ ბიოგეოგრაფიაშ თეორია. უილსონიქ მიშეღჷ კაბეტი თია მირმეკოლოგიაშ გოვითარაფაშა. ედვარდ ოსბორნ უილსონი რდჷ შხვადოშხვა პრემიეფიშ დო ჯილდოეფიშ ლაურეატი. შვედეთიშ ომაფე აკადემიაქ უილსონის 1990 წანას გინოჩჷ კრაფორდიშ პრემია. ჟირშა რდჷ პულიცერიშ პრემიაშ ლაურეატი. 1977 წანას უილსონიქ მიპალუ პრესტიჟული ჯილდო მენცარობაშ ერუანული მენდალი. ენციკლოპედია ბრიტანიკაშ დო ჟურნალი თაიმიშ აზრით უილსონი რდჷ მოსოფელიშ ართ-ართი უდიდაში მენცარი.

ჯილდოეფი დო პრემიეფი[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: