დინორეშა გინულა

ედვარდ უილიამს მორლი

ვიკიპედიაშე
ედვარდ უილიამს მორლი
ინგლ. Edward Williams Morley
დაბადებაშ თარიღი:

29 ღურთუთა, 1838

დაბადებაშ აბანი:

ნიუარკი, ნიუ-ჯერსი, ააშ

ღურაშ თარიღი:

ფურთუთა 24, 1923 (85 წანერი)

ღურაშ აბანი:

ვესტ-ჰარტფორდი, კონექტიკუტი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ფიზიკა, ქიმია

სამუშაშ აბანი :

ქეისიშ ბჟადალი ორეზერვე უნივერსიტეტი

ალმა-მატერი:

უილიამსიშ კოლეჯი

ჯილდოეფი დო პრემიეფი:

მენცარობეფიშ ერუანული აკადემიაშ მაკათური (1897)
დეივიშ მენდალი (1907)
ელიოტ კრესონიშ მენდალი (1912)
უილარდ გიბსიშ პრემია (1917)

ედვარდ უილიამს მორლი (ინგლ. Edward Williams Morley ; დ. 29 ღურთუთა, 1838, ნიუარკი, ნიუ-ჯერსი, ააშ — ღ. 24 ფურთუთა, 1923, ვესტ-ჰარტფორდი, კონექტიკუტი, ააშ) — ამერიკალი ფიზიკოსი დო ქიმიკოსი. ზიმუ დო გიმირკვიუ ჟანგბადიშ ატომური მასა. მორლი, თაშნეშე შინელი რე ექსპერიმენტით, ნამუთ ართ-ართი პირველი ნტკიცება რდჷ, თიში ნამდა ეთერი ვაარსებენდჷ.

ედვარდ უილიამს მორლი გურაფულენდჷ უილიამსიშ კოლეჯის, სოდეთ მიპალუ ბაკალავრიშ ხარისხი 1860 წანას დო უკულ მაგისტრიშ ხარისხი 1863 წანას. გურაფაშ თებაშ უკულ მუშენდჷ შხვადოშხვა კერზო სკოლეფს. უკულ ომუშებუშა გინილჷ ბჟადალიშ ორეზერვე კოლეჯიშა (ასეიან ქეისიშ ბჟადალი ორეზერვე უნივერსიტეტი), სოდეთ 1906 წანაშახ იმუშო. 1873-1888 წანეფს მუშენდჷ კლივლენდიშ სამედიცინო კოლეჯიშ ქიმიაშ პროფესორო.

ედვარდ უილიამს მორლი რდჷ შხვადოშხვა პრემიეფიშ დო ჯილდოეფიშ ლაურეატი. 1907 წანას ლონდონიშ ომაფე ჯარალუაქ მორლის გინოჩჷ პრესტიჟული დეივიშ მენდალი. მორლიქ 1912 წანას მიპალუ ელიოტ კრესონიშ მენდალი დო 1917 წანას უილარდ გიბსიშ პრემია. მორლი რდჷ ამერიკაშ ქიმიური ჯარალუაშ პრეზიდენტი. მორლიშ ჯოხონობაშ რე ართ-ართი კრატერი თუთას.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: