ელიზაბეთ ბიშოპი
| ელიზაბეთ ბიშოპი | |
 ელიზაბეთ ბიშოპი 1934 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 6, 1979 (68 წანერი) |
| ღურაშ აბანი: |
ბოსტონი, მასაჩუსეტსი, ააშ |
| ერუანობა: | |
| საქვარუა: | |
| ნინა: | |
| ჯილდოეფი: |
გუგენჰაიმიშ სტიპენდია (1947) |
|
| |
ელიზაბეთ ბიშოპი (ინგლ. Elizabeth Bishop; დ. 8 ფურთუთა, 1911, ვუსტერი, მასაჩუსეტსი, ააშ — ღ. 6 გჷმათუთა, 1979, ბოსტონი, მასაჩუსეტსი, ააშ) — ამერიკალი პოეტი დო ჭარუ, პულიცერიშ პრემიაშ, ნეიშტადტიშ საირქიანო ლიტერატურული პრემიაშ დო წინგიშ ერუანული პრემიაშ ლაურეატი. 1949-1950 წანეფს რდჷ პოეზიაშ კონსულტანტი კონგრესიშ ბიბლიოთეკას.
დებადჷ მასაჩუსეტსიშ ნოღა ვუსტერს. მუმაქ, ბრუო თუთერი რდუნ თეშ დუღურჷ. მალას დიდაქ ხოლო მენტალურო ქიდელახჷ დო უმოსო ბები დო ბაბუ რდუნდჷ. გურაფულენდჷ ვასარიშ კოლეჯის. დუდშე მუსიკა ოინტერესუდჷ, უკულ დეინტერესჷ ინგლისური ლიტერატურათ დო ჭარალუათ. გურაფა 1934 წანას გათუ დო მიპალუ ბაკალავრიშ ხარისხი. სტუდენტობაშ პერიოდის, 1933 წანას, ბიშოპიქ, მერი მაკარტიწკჷმა ართო დარსხუ ლიტერატურული ჟურნალი Con Spirito.
გურაფაშ თებაშ უკული, ბიშოპი ბრელს შარალენდჷ დო ართი პერიოდის ბრაზილიას ხოლო ქოცხოვრენდჷ.
ბიშოპიქ მუში მაართა ნაჭარეფი 1940-იან წანეფს გჷმაბჟინუ. 1946 წანას გიშართჷ წინგიქ ოორუე & ობჟათე, ნამუთ ლერსეფიშ დო პოემეფიშ კათელი რე. გირძე პერიოდიშ უკულ, 1965 წანას გიშართჷ წინგიქ შარალუაშ ოკითხეფი, სოდეთ ავტორი ბრაზილიას რინაშ ბორჯის ეთმოჭარუნს. 1969 წანას გიშართჷ კათელქ რსული პოემეფი, ნამუთ ბრუო ახალ პოემას იკათუანს.
ბიშოპიშ პოემეფიშე შანულამი რე მაართა ღურა ნოვა სკოტიას. პოემას ეჭარილი რე ავტორიშ მაართა შეხვამილაფა ღურაწკჷმა დო მოლინეფი მოჩამილი რე ბაღანაშ თოლონჭეშე.
პოემას სესტინა ეჭარილიე ავტორიშ ცხოვრებაშ ართ-ართი რეალური ეპიზოდი, მუჟამსჷთ თინა ხუთი წანერიე: მუმაშ ღურაშ უკული დიდა ილახებუ, მუ შხვეფიწკჷმა ცხოვრენს დუ უჩქჷ ნამდა დიდას დღას ვაძირუნს.
ბიშოპი 1970-იან წანეფიშე მუშენდჷ ლექტორო. ოგურუანდჷ ვაშინგტონიშ უნივერსიტეტის, ჰარვარდიშ უნივერსიტეტის, ნიუ-იორკიშ უნივერსიტეტის დო უკულიან, ეკონია პერიოდის მასაჩუსეტსიშ ტექნოლოგიაშ ინსტიტუტის.
ელიზაბეთ ბიშოპიქ ღურუ 1979 წანაშ 6 გჷმათუთას, 68 წანერქ, ცერებრალური ანევრიზმათ.
რესურსეფი ინტერნეტის
[რედაქტირაფა | წყუშ რედაქტირაფა]- Elizabeth Bishop papers Archived 2021-06-14 ვებ-ხასჷლას Wayback Machine. at Special Collections, Vassar College Libraries
- Profile at the National Book Foundation Poetry Blog Archived July 31, 2020, ვებ-ხასჷლას Wayback Machine.
- Profile at the Poetry Archive with poems written and audio
- Profile and poems at Poets.org
- Profile and poems at the Poetry Foundation
- From the Archive: Discovering Elizabeth Bishop (online exhibition) at Vassar College Libraries
- ელიზაბეთ ბიშოპი — Find a Grave-ს