ენდი უორჰოლი

ვიკიპედიაშე
ენდი უორჰოლი

ედომუშამი ჯოხო:Andy Warhol
დებადჷ: 6 მარაშინათუთა, 1928
პიტსბურგი, პენსილვანია, ააშ
ღურუ: ფურთუთა 22, 1987 (58 წანერი)
ნიუ-იორკი, ააშ
ერუანობა: ამერიკალი
სფერო: ხანტუალა, კინემატოგრაფია
მოხაზირაფა: კარნეგი-მელონიშ უნივერსიტეტი
მიმალუობა: პოპ-არტი
ჩინებული ნახანდეფი: ძღაბეფი ჩელსიშე (1966 წანაშ ფილმი)
ფეთქებაფონი პლასტიკური უგნულუობა (1966 წანაშ აქცია)
კემპბელიშ სუპიშ ქილეფი (1962 წანაშ ნახანტი)

ენდი უორჰოლი (Andy Warhol; 6 მარაშინათუთა, 192822 ფურთუთა, 1987) — ამერიკალი ხანტუ, ავანგარდისტი კინოხელუანი, ჭარუ დო ოჯარალე მოღალე. თაშნეშე მოღალენდჷ მუჭოთ გიშმაშქუმალარი, მუსიკაშ პროდიუსერი დო არტისტი. პოპ-არტიშ მიმალუობაშ ართ-ართი დჷმარსხუაფალი ააშ-ს 1950-იან წანეფს.

ენდი უორჰოლი მაართა ხანტუ რდჷ, ნამუქჷთ აღიარუ ტრაფარეტული ბეშტუაშ საქვარუაფონი პოტენციალი, ნამუთ კინოხ ხვალე ორეწუალე აკოქუნუას გჷმირინუაფუდჷნ.

უორჰოლი არძაშე რჩქინელი რე მუშ სავაჭარო პროდუქტეფიშ აკოფუთუაშ გოფორმაფათ, ირდღალური ობიექტეფიშ, მუჭომით რე კემპბელიშ სუპიშ ქილეფიშ, კაკაჩიშ პეულეფიშ გჷმოხანტუალობეფით დო ბანანით ბუნა ველვეტ ანდეგრაუნდიშ როკ-ალბომს, თაშნეშე XX ოშწანურაშ პოპულარული მურიცხეფიშ მერილინ მონროშ, ელვის პრესლიშ, ჟაკლინ კენედიშ, ჯუდი გარლანდიშ დო ელისაბედ ტეილორიშ მუშობური სტილიზაფილი პორტრეტეფით. უორჰოლს თშნეშე ორხველჷ რჩქინელი ოშუმალიშ Coca-Cola-შ ეტიკეტიშ დიზაინი.

ხელუანობაშ ორენიშ გალე, უორჰოლი რჩქინელი რე ციტატათ „მუმალს არძა გჷნირთუ მოსოფელს ჩინებული 15 წუთით“. მოგვიანეთ რეპორტიორეფს თიქ გუცხადჷ: „ჩქიმი ახალი ფრაზა რე: ვითოხუთ წუთშა არძა ჩინებულო გჷნირთუ“.

ენდი უორჰოლი ხვალე მუში მახანტეფით დო ფილმეფით ვარე ჩინებული, თაშნეშე მუშ სტუდიათ „Factory“-თ ხოლო, ნამუთ ნიუ-იორკიშ ბომონდიშ აკოშაყარუაშ აბანი რე დო 70-იანი წანეფიშ რინაშ სტილიშ გჷმოხანტუალათ გჷნირთჷ.

რესურსეფი ინტერნეტის[რედაქტირაფა | წყუშ რედაქტირაფა]

  • [1][ღურელი რსხილი]