ვალერიან ქანთარია

ვალერიან ირაკლიშ სქი ქანთარია (23.06.1900 — 16.06.1973) — ქორთუ სხუნუეფიშ მენცარი, აგრონომი, ოფუტეშ მეურნეობაშ მენცარობეფიშ დოქტორი (1947), პროფესორი (1947), საქორთუოშ მენცაროებეფიშ აკადემიაშ მაკათური-კორესპოდენტი (1957), საქორთუოშ სსრ მენცარობეფიშ დოინალაფირი მოღალე (1961).

ქართიშ სახენწჷფო უნივერსიტეტიშ აგრონომიული ფაკულტეტიშ თებაშ უკული მუშენდჷ სკოლას პედაგოგო, თელავიშ მებინეხეობაშ დო მეღვინეობაშ ინსტიტუტიშ უნჩაშ მენცარ-წორომოხანდეთ (1931-1937), საქორთუოშ ოფუტურ-ომეურნული ინსტიტუტიშ მებინეხეობაშ კათედრაშ გამგეთ (1937-1973). ირკვიენდჷ ბინეხიშ ქირურგიაშ თეორია დო პრაქტიკას, ბინეხიშ აგროტექნიკას დო სელექციას. გჷშეჸუნჷ სუფრაშ ჸურზენიშ ახალი ჯიში — „თბილისური“. რე 170 ომენცარე ნახანდიშ ავტორი, დაჯილდოებული რე ხანდაშ ჭითა 2 ორდენით დო მენდალეფით.

ლიტერატურა

• Энциклопедия Виноградарства, 1986, Кишинев.