ვალტერ ბოთე
| ვალტერ ბოთე | |
| გერმ. Walther Bothe | |
 ვალტერ ბოთე 1950-იან წანეფს | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 8, 1957 (66 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
ბერლინიშ უნივერსიტეტი |
| ალმა-მატერი: | |
| ომენცარე ხემანჯღვერი: | |
| ჯილდოეფი დო პრემიეფი: |
ნობელიშ პრემია ფიზიკას (1954) |
| ხეშმოჭარუა: |
|
ვალტერ ვილჰელმ გეორგ ბოთე (გერმ. Walther Wilhelm Georg Bothe, დ. 8 ღურთუთა, 1891 — ღ. 8 ფურთუთა, 1957) — გერმანალი ფიზიკოსი.
გურაფულენდჷ ბერლინიშ უნივერსიტეტის. მონაწილენდჷ მაართა მოსოფელიშ ლჷმას, სოდეთ რუსეფს ტყვეთ ქაშუოლჷ ხეშა. 1920 წანას ბოთე გადუდიშულეს დო გერმანიაშა დართინეს. ჸათე პერიოდიშე ბოთექ აკიმუშუ დანთხვიებაშ მეთოდი გვირზილური რეაქციეფიშ, კომპტონიშ ეფექტიშ, კოსმოსური ჩხორიეფიშ, რადიაციაშ რეღმა-წილაკიშ დუალიზმიშ ორკვიებელო. ჸათე მეჭირინაფაშ გეშა ბოთეს გინოჩეს ნობელიშ პრემია ფიზიკაშ დარგის 1954 წანას.
1930 წანას ბოთექ გინირთჷ გისენიშ უნივერსიტეტიშ რსული პროფესორო. 1932 წანაშე მოღალენდჷ ჰაიდელბერგიშ უნივერსიტეტიშ ფიზიკური დო რადიოლოგიური ინსტიტუტიშ დირექტორო. მარა უკულ, გერმანული ფიზიკაშ წჷმმარინაფალეფიშ გოლინათ, ბოთეს ჸათე პოსტიქ დატებელქ აჸუ. 1930-იან წანეფიშ შქა პერიოდის ბოთე მუშენდჷ სამედიცინო რკვიებეფიშ კაიზერ ვილჰელმიშ ინსტიტუტის, სოდეთ თიქ ეიოგჷ მაართა ციკლოტრონი გერმანიას. მაჟირა მოსოფელიშ ლჷმაშ მიმალობას, ბოთე ოკათუდჷ გერმანიაშ გვირზილური პროგრამას. ლჷმაშ თებაშ უკულ, მოღალენდჷ უმოსო ჰაიდელბერგიშ უნივერსიტეტის.
ნობელიშ პრემიაშ მოხ, ბოთე რდჷ შხვადოშხვა ჯილდოეფიშ დო პრემიეფიშ ლაურეატი. თიში ჯოხონობაშ რე ართი ჭიჭე ასტეროიდი.
ლიტერატურა
[რედაქტირაფა | წყუშ რედაქტირაფა]- ენციკლოპედია ბრიტანიკა
- ბოთე Nobelprize.org-ის