ვენეციაშ ლაგუნა
| ვენეციაშ ლაგუნა* | |
|---|---|
| იუნესკოშ მოსოფელიშ მონძალაშ ობიექტი | |
 ლაგუნაშ რუკა | |
| ქიანა |  იტალია
|
| ტიპი | კულტურული |
| კრიტერიუმეფი | i, ii, iii, iv, v, vi, vii |
| ერკებული | იუნესკოშ ერკებული |
| რეგიონი** | ევროპა |
| კოორდინატეფი | 45°24′47″ ოორ. გ. 12°17′50″ ელ. გ. |
| კათაფაშ ისტორია | |
| კათაფა | 1987 (მა-11 სესია) |
| ნომერი | 394 |
| * ქძ. ინგლ. ჯოხო UNESCO-შ ერკებულც. | |
| ** იუნესკოშით კლასიფიცირაფილი რეგიონი. | |
|
მოსოფელიშ მონძალა UNESCO, ობიექტი № 394 რუს. • ინგლ. • ფრ. |
ვენეციაშ ლაგუნა (იტალ. Laguna di Venezia) — ინოკილერი ლუბა ადრიატიკაშ ზუღას, ნამუსჷ ნოღა ვენეცია იდვალუაფუ. ლუბა გინოზინდილი რე წყარმალუ სილეშე (ოორუე) წყარმალუ ბრეტანაშახ (ობჟათე) დო იკათუანს დოხოლაფირო 550 კმ²-ს. მუშ 8%-ს სქირონა წჷმარინუანს, ნამუთ ნოღა ვენეციათ დო მიარე ჭიჭე კოკით რე წჷმორინაფილი. დოხოლაფირო 11% კუნტახანურო იფორუ წყარით, 80% თხჷთხჷდუდამი, ჯიმუამი ონტყოლაშეთ რე ფორილი. ლაგუნა სქირონაშქა ზუღაშ აუზიშ უდიდაშ ვეთლენდის წჷმარინუანს.
ლაგუნა ადრიატიკაშ ზუღაწკჷმა წყარიშ ინწრო ზოლით რე მერსხუაფილი. ლუბას წყარიშ დონე ძალამი მათირე რე. მუჟამს წყარი არძოშე მაღალ დონეს ოჭირინდუანს, აბანობურეფი თე მოლინას აკუა-ალტას (acqua alta - მაღალი წყარი) უძახჷნა, ნამუშ ბორჯისჷთ თელი ვენეცია წყარით იფორუ.
ვენეციაშ ლაგუნა თი ესტუარეფიშ სისტემაშ უშანულამაშ ნოსქილედის წჷმარინუანს, ნამუეფით ჯვეშ რომაულ ფარანს რავენაშე ტრიესტიშახ რდჷ გინოზინდილი. VI ოშწანურას თინა შანულამ დუდიშოთხილუს წჷმარინუანდჷ ჰუნეფშე დო შხვა კათეფიშ გენთხაფაშე. თინა ამდღარშა სქიდუ ონიშოლიშ დო მეჩხომობაშ ბაზათ.
ლაგუნაქ დოხოლაფირო 6-7 ვითოში წანაშ წოხოლე, აკოჸინალუაშ პერიოდის მიმალ ტრანსგრესიაშ შედეგო წჷმიქიმინჷ, მუჟამსჷთ ადრიატიკაშ ზუღაშ ჟინ წყარპიჯიშ ზოლქ წყარით დიფორჷ.
